| e-texts navigator |
| Wylie |
221a1 གྱི་སྡེ་དཔོན་ནམ། རྒྱལ་པོ་འམ། བློན་པོ་ཆེན་པོ་འམ། ཆོམ་རྐུན་ནམ། སྦྲུལ་ལམ། སྲིན་བུ་འམ། སྲིན་བུ་ལུ་ཏ་འམ། སྡད་པ་ལྕགས་ཕྱེ་འམ། ཉི་བའི་ཉོན་མོངས་པ་གང་ཡང་རུང་བ་དག་ལ་འཚེ་བར་བགྱིད་པ་འགའ་ཡང་མ་མཆིས
221a2 སམ་ཞེས་གསུང་ངོ་། །སེམས་ཅན་རྣམས་ཀྱི་དོན་དང་། སྨན་པ་དང་། བདེ་བ་དང་། མདངས་དང་ལྡན་པར་བགྱི་བ་དང་། གྲགས་པ་དང་ལྡན་པར་བགྱི་བ་དང་། གཟི་བརྗིད་དང་ལྡན་པར་བགྱི་བ་དང་། ཡོན་ཏན་དང་ལྡན་པར་བགྱི་བ་དང་། སྟོབས་དང་ལྡན་པར་བགྱི་བ་དང་། མདོག་དང
221a3 ལྡན་པར་བགྱི་བ་དང་། བསྲུང་བ་དང་། སྦ་བ་དང་། བསྐྱབ་པའི་སླད་དུ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྒྲོན་མའི་མཆོག་དེས་གཟུངས་ཀྱི་གསང་སྔགས་ཀྱི་གཞི་འདི་དག་ཀྱང
221a4 བསྐུར་ཏེ། འདི་ལྟ་སྟེ། ཛྭ་ལེ་ཛྭ་ལེ། ཛྭ་ལེ་ག་ཏེ། ཧུགྒུ། མུགྒུ། ས་མ་ཏེ། མ་ཧཱ་ས་མ་ཏེ། མ་ཧཱ་ཛྭ་ལེ། ཛྭ་བ་ལ་མེ། ས་ཧེ་ས་ཧེ། མེ་ཧཱ་ཛྭ་ལེ། ཨུགྒེ། མུགྒེ། ཤ་མ། ས~ཾ་མ་ཧེ། མ་ཧཱ་ས~ཾ་མ་ཧེ། མ་ཧཱ་ཤ་མེ་སྭཱ་ཧཱ། དེ་ནས་བཅོམ་ལྡན་འདས
221a5 ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་གསང་སྔགས་ཀྱི་གཞི་འདི་དག་ཟུང་ཤིག་།ལོང་ཤིག་།ཆོང་ཤིག་།ལྷོགས་ཤིག་།ཀུན་ཆུབ་པར་གྱིས་ཤིག་།གཞན་དག་ལ་ཡང་རྒྱ་ཆེར་རབ་ཏུ
221a6 སྟོན་ཅིག་། ཀུན་དགའ་བོ་སངས་རྒྱས་འབྱུང་བ་རྙེད་པར་དཀའོ། །གཟུངས་ཀྱི་གསང་སྔགས་ཀྱི་གཞི་འདི་དག་རྙེད་པར་དཀའོ། །ཀུན་དགའོ་གཟུངས་ཀྱི་གསང་སྔགས་ཀྱི་གཞི་དག་འཛིན་པ་ཡང་ཤིན་དུ་རྙེད་པར་དཀའོ། །ཀུན་དགའ
221a7 བོ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ནི་གཟུངས་ཀྱི་གསང་སྔགས་གཞི་འདི་དག་འཛིན་པ་དང་། ལེན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེར་རབ་ཏུ་སྟོན་པ་དེ་ནི
221a8 ཚེ་རབས་བདུན་དུ་ཚེ་རབས་དྲན་པར་འགྱུར་རོ། །ཚེ་འདི་ཉིད་ལ་ཡང་སྔོན་གྱི་ལས་མ་གཏོགས་པར་གཞན་གྱི་གནོད་པ་ཐཾས་ཅད་ལས་ཡང་དག་པར་འདའ་བ་དང་། འགྲོ་བ་ཐམས་ཅད་དང་རྗེསུ་འཐུན་པར་འགྱུརོ། །ཀུན་དགའ་བོ་གཟུངས་ཀྱི་གསང་སྔགས
iiif viewer powered by OpenSeadragon
