| e-texts navigator |
| Wylie |
2a1 སརྦ་ཏ་ཐཱ་ག་ཏ་སུ་པྲ་ཏིཥྛི་ཏེ་ཤུད་དྷི་སྭཱ་ཧཱ། མུ་ཁ་མནྟྲ། ཨོཾ་སརྦ་ཏ་ཐཱ་ག་ཏ་བྱཱ་བ་ལོ་ཀི་ཏེ། ཛ་ཡ་ཛ་ཡ་སྭཱ་ཧཱ། སྙིང་པོའོ། ཨོཾ་ཧུ་ལུ་ཧུ་ལུ། ཛ་ཡ་མུ་ཁེ་སྭཱ་ཧཱ། ཨུ་པ་ཧྲྀ་ད་ཡ~ཾ། ཨོཾ་བཛྲ་ཨཱ་ཡུ་ཥེ་སྭཱ་ཧཱ།
2a2 དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། གཞན་ཡང་རིགས་ཀྱི་བུའ~ཾ། རིགས་ཀྱི་བུ་མོ་གང་ལ་ལ་ཞིག་གིས་གཟུངས་འདི་བྲིས་ཏེ། མཆོད་རྟེན་བྱས་ལ་མཆོད་རྟེན
2a3 དེའི་ནང་དུ་གཟུངས་འདི་བཅུག་ན། དེས་མཆོད་རྟེན་གཅིག་བྱས་ན་འབུམ་བྱས་པར་འགྱུར་རོ། །ལྷ་རྫས་ཀྱི་མེ་ཏོག་དང་། དྲི་དང་། ཕྲེང་བ་དང་། བྱུག་པ་དང་། ཕྱེ་མ་དང་། ན་བཟའ་དང་། གདུགས་དང་། རྒྱལ
2a4 མཚན་དང་། བ་དན་ལ་སོགས་པས་ཀྱང་མཆོད་པར་འགྱུར་ཏེ། མཆོད་རྟེན་འབའ་ཞིག་མཆོད་པ་མ་ཡིན་གྱི། སངས་རྒྱས་དཀོན་མཆོག་དང་། ཆོས་དཀོན་མཆོག་དང་། དགེ་འདུན་དཀོན་མཆོག་རྣམས་ལའང
2a5 མཆོད་པའི་ཡོ་བྱད་དེ་དག་གིས་མཆོད་པར་འགྱུར་རོ། །དགའ་བོ་ངས་མདོ་འདི་བཤད་པ་ནི་བསོད་ནམས་ཞན་པ་དང་། མ་དད་པ་དང་། ལྟ་བ་ལོག་པ་དང་། ཐེ་ཚོམ་ཟ་བ་དང་། མཚམས་མེད་པ་བྱེད་པ་དང་། ཚེ་ཐུང
2a6 བ་དང་། སེམས་ཅན་དམྱལ་བ་དང་། བྱོལ་སོང་དང་། གཤིན་རྗེའི་འཇིག་རྟེན་དང་། མཚམས་མེད་པར་འགྲོ་བའི་སེམས་ཅན་དེ་ལྟ་བུ་དག་གི་ཕྱིར་གཟུངས་འདི་བཤད་དོ། །དགའ་བོ་ཕྱི་མའི་དུས་ཕྱི་མའི་ཚེ
2a7 ཁྱིམ་ན་གནས་པ་དང་། དགེ་སློང་ལས་ཕལ་ཆེར་གཟུངས་འདི་མི་ཀློག་པ་དང་། མཆོད་པར་མི་བྱེད་པ་རྣམས་ཇི་ལྟར་ཁྱིམ་པ་རྣམས་སྡུག་བསྔལ་བར་བཤད་པ་དེ་བཞིན་དུ་རབ་ཏུ་བྱུང་བ་རྣམས་ཀྱང་སྡུག
2a8 བསྔལ་བར་འགྱུར་རོ། །དེ་སྟེ་དེ་བཞིན་དུ་སངས་རྒྱས་མཆོད་ཅིང་འདི་ལས་ཉན་པས་མཆོད་རྟེན་གཅིག་བྱས་ན་ཆོས་ཀྱིས་བརྒྱན་པ་བརྒྱད་ཁྲི་བཞི་སྟོང་རྣམས་ཀྱང་མཆོད་པར་འགྱུར་རོ། །གཞན་ཡང་བསོད་ནམས
iiif viewer powered by OpenSeadragon
