| e-texts navigator |
| Wylie |
15b1 འཕགས་པ་སངས་རྒྱས་ཀྱི་སྙིང་པོ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱ་མཚོའི
15b2 འགྲམ་གྱི་སྐྱེད་མོས་ཚལ་ན་སངས་རྒྱས་ཀྱི་སྤྱོད་ཡུལ་གྱི་ཤིང་ལྗོན་པ་ཀུན་ནས་སེང་གེའི་ཁྲི་ལ་བཞུགས་ཏེ། ལྷའི་འཁོར་གྱིས་ཀུན་ནས་བསྐོར་ཅིང་མདུན་གྱིས་བལྟས་ཏེ་ཆོས་སྟོན་ཏོ། །དེ་ནས་བཅོམ་ལྡན་འདས་ཀྱིས་དབང
15b3 ཕྱུག་ཆེན་པོ་དཀའ་ཐུབ་བཟང་པོ་ལ་སོགས་པ་གནས་གཙང་མའི་རིས་ཀྱི་ལྷའི་བུ་རྣམས་ལ་བཀའ་སྩལ་པ། ལྷའི་བུ་དག་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། །དེ་བཞིན་གཤེགྶ
15b4 པ་ཕྱི་མའི་དུས་ན། འཁོར་བཞི་བསྡུ་བ་དང་། རྗེས་སུ་གཟུང་བ་དང་། ཀུན་ཏུ་རྗེས་སུ་གཟུང་བ་དང་། ཁྱད་པར་དུ་འགྲོ་བར་བྱ་བ་དང་། དོན་ཐམས་ཅད་དང་། ཆོས་ཐམས་ཅད་དང་ལྡན་པ་ཡོངས་སུ་རྫོགས་པར་བྱ་བ་དང་།
15b5 ཐེག་པ་ཆེན་པོ་ལ་ཡང་དག་པར་ཞུགས་པ་རྣམས་རྣམ་པ་ཐམས་ཅད་དུ་ཁྱད་པར་ཐོབ་པར་བྱ་བའི་ཕྱིར་སངས་རྒྱས་ཀྱི་སྙིང་པོ་ཞེས་བྱ་བའི་གཟུངས་ཀྱི་ཆོས་ཀྱི་རྣམ་གྲངས་སྟོན་ཏོ། །འཆང་ངོ་། །
15b6 དེ་ཁྱེད་ཀྱི་ཟུང་ལ་ད་ལྟར་དང་ང་ཡོངས་སུ་མྱ་ངན་ལས་འདས་ནས་ཕྱི་མའི་དུས་ན་ཐེག་པ་ཆེན་པོ་ལ་ཡང་དག་པར་ཞུགས་པའི་འཁོར་རྣམ་པ་བཞི་རྣམས་ལ་སྟོན་ཅིག་།ཤོད་ཅིག་།ཡལ་བར་མི་དོར་བར་ངེས
15b7 པར་བསྟན་པར་བྱ། བསྒྲག་པར་བྱའོ། །ཇི་ཙམ་དུ་ཕོངས་པར་གྱུར་པ་རྣམས་དང་། སྒྲིབ་པ་དང་ལྡན་པ་རྣམས་ལ་དེ་བཞིན་གཤེགས་པའི་གསུང་བསྐྱང་ཞིང་ངེས་པར་བསྟན་པར་བྱ། བསྒྲག་པར
15b8 བྱའོ། །གསོལ་པ། བཅོམ་ལྡན་འདས་དེ་བཞིན་དུ་བགྱི་སྟེ། དེ་བཞིན་གཤེགས་པས་ཇི་སྐད་བཀའ་སྩལ་པ་དེ་བཞིན་དུ་འཚལ་ལོ། །དེ་བཞིན་གཤེགས་པའི་བཀའ་བཞིན་འདི་ནན་ཏན་གྱིས་ཡོངས་སུ་རྫོགས་པར་བགྱིའོ། །
iiif viewer powered by OpenSeadragon
