| e-texts navigator |
| Wylie |
179a1 པར་བྱ་བ་འམ། གོས་སམ་རྒྱལ་མཚན་ནམ་ནོར་བུ་འམ་མུ་ཏིག་ཕྲེང་བ་ལ་སོགས་པ་རྒྱན་རྣམས་སམ། པད་མ་འམ་ཨུཏྤ་ལ་ལ་སོགས་པ་མེ་ཏོག་གི་ཁྱད་པར་རམ། སྐ
179a2 རགས་སམ་ལྷུང་བཟེད་དམ་ཆོས་གོས་སམ་འཁར་བསིལ་ལ་སོགས་པའི་ཡོ་བྱད་ལག་པར་ཆུད་པ་འམ་ལོ་མ་འམ་གོས་སམ་ཞགས་པ་ལ་བསྒྲུབས་ན་འབར་བར་འགྱུར་ཞིང་རིག་པ་འཛིན་པར་འགྱུར་རོ། །ཅི
179a3 སྙེད་ཀྱི་གྲོགས་འདོད་པ་དེ་སྙེད་ཀྱི་གྲོགས་དང་ལྷན་ཅིག་འཕུར་ཞིང་འགྲོ་བར་འགྱུར་རོ། །ཐོགས་པ་མེད་པ་དོན་ཡོད་པར་གྲུབ་པའི་སྙིང་པོ་འདི་ཡང་བསོད་ནམས་དང་ལྡན་པའམ་བསོད་ནམས་དང་མི་ལྡན་པ་ཡང
179a4 རུང་འགྲུབ་པར་འགྱུར་རོ། །ཚུལ་ཁྲིམས་དང་ལྡན་པ་ཡང་རུང་ཚུལ་ཁྲིམས་དང་མི་ལྡན་པ་ཡང་འགྲུབ་པར་འགྱུར་རོ། །ཐབས་དང་ལྡན་པ་འམ་ཐབས་དང་མི་ལྡན་པ་ཡང་འགྲུབ་པར་འགྱུར་རོ། །
179a5 མཁས་ཀྱང་རུང་མི་མཁས་ཀྱང་རུང་ངེས་པར་དོན་ཡོད་པར་འགྱུར་རོ། །གཞན་དུ་དད་པ་མེད་པ་དང་བྱང་ཆུབ་ཏུ་སེམས་མ་བསྐྱེད་པ་རྣམས་ཀྱིས་མ་ཡིན་ནོ། །བྲིས་སྐུ་མེད་ཀྱང་རུང་མཆོད་པ་མེད་ཀྱང
179a6 རུང་ཁྲུས་ལ་སོགས་པ་མེད་ཀྱང་རུང་ཕྱིའི་སྤྱོད་པ་གཙང་སྦྲ་ལ་སོགས་པ་མེད་ཀྱང་རུང་ཉ་ཤ་དང་ཤ་དག་ལ་སོགས་པ་ཡོངས་སུ་མ་སྤངས་ཀྱང་རུང་འགྲུབ་པར་འགྱུར་རོ། །སངས་རྒྱས་དང་བྱང་ཆུབ
179a7 སེམས་དཔའ་ཐམས་ཅད་ལ་དམིགས་པ་བསྒོམ་པའི་སེམས་ཀྱིས་འགྲུབ་བོ། །གལ་ཏེ་བྲིས་སྐུ་ལ་སྒྲུབ་པར་འདོད་པས་ཐང་ཀ་ལ་བཅོམ་ལྡན་འདས་རིན་པོ་ཆེའི་རི་བོ་ལ་རིན་པོ་ཆེའི་པད་མའི་སྟེང
179a8 ན་བཞུགས་པ་བྲི་བར་བྱའོ། །བཅོམ་ལྡན་འདས་ཀྱི་གཡོན་ལོགས་སུ་འཕགས་པ་རྡོ་རྗེ་འཛིན་པུས་མོ་བཙུགས་ནས་པད་མ་ལ་བཞུགས་པ་རྡོ་རྗེ་དང་བཅས་པར་ཐལ་མོ་སྦྱར་བ་ཨུཏྤ་ལའི་ལོ་མའི
iiif viewer powered by OpenSeadragon
