| e-texts navigator |
| Wylie |
178a1 སོགས་པ་བྱའོ། །སྒྲུབ་པ་པོའི་རིགས་ཀྱི་བུ་འམ་རིགས་ཀྱི་བུ་མོ་དེས་དེ་བཞིན་དུ་ཉི་མ་རེ་རེ་ཞིང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དང་པོར་ཕྱག་བྱ་བ་དང་ཉིན་རེ་ཞིང
178a2 བ་དག་དབུལ་བ་དང་དེ་བཞིན་དུ་སྡིག་པ་སོ་སོར་བཤགས་པ་དང་འདས་པ་དང་མ་བྱོན་པ་དང་ད་ལྟར་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་དང་ཡེ་ཤེས་ཀྱི་ཚོགས་ལ་རྗེས་སུ
178a3 ཡི་རང་བ་དང་སེམས་ཅན་ཐམས་ཅད་ལ་རང་གི་བསོད་ནམས་བསྟབ་པ་དང་དམ་པའི་ཆོས་ཀྱི་གླེགས་བམ་ལ་ཕྱག་བྱས་ནས་བཅང་བ་དང་ཀློག་པ་འམ་སྒོམ་པ་དང་། ཐ་ན་མཆོད་པ་བྱས་ནས་དད་པས་སྙིང་པོ་འདི་བཟླ
178a4 བར་བྱ་བ་ཡིན་ཏེ། རི་འམ་ལྷ་ཁང་ངམ་ཁྱིམ་མམ་བྲང་ཁང་ལ་སོགས་པའི་གནས་སུ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ལྷག་པར་དམིགས་ཤིང་བཟླས་པས་སེམས་ཅན་ཡོངས་སུ
178a5 བསྲུང་བ་དང་ལྡན་པའི་སེམས་ཀྱིས་སྟོབས་བཅུ་མཁྱེན་པའི་ས་དོན་དུ་གཉེར་ཞིང་མངོན་པར་འདོད་པས་འབུམ་བཟླ་བར་བྱའོ། །དེ་ནས་དེ་བཞིན་གཤེགས་པ་དང་བྱང་ཆུབ་སེམས་དཔའ་མཐོང་བར་འགྱུར
178a6 ཞིང་དེས་ཏིང་ངེ་འཛིན་དང་གཟུངས་ལ་སོགས་པའམ་ཕྱིར་མི་ལྡོག་པའི་ས་ལ་ཞུགས་པའི་བར་དུ་འཐོབ་པར་འགྱུར་རོ། །འདི་ནི་བྱང་ཆུབ་སེམས་དཔའི་ཐེག་པ་པ་ཐབས་དང་ཤེས་རབ་ལ་མཁས་པ་དེ་དག
178a7 གི་བཟླས་པའི་ཆོ་ག་ཡིན་ནོ། །གལ་ཏེ་རིག་པ་འཛིན་པར་གྱུར་ཅིག་ཅེས་ཡིད་ལ་བྱེད་ལ་བཟླས་པ་འབུམ་ཡོངས་སུ་རྫོགས་པར་བྱས་ནས། བཅཝ་ལྔ་འམ་བཅུ་གསུམ་མམ་བཅུ་བཞིའི་ཉིན་མཚན
178a8 ལ་གསོ་སྦྱོང་བྱས་ལ། ཅི་འབྱོར་པའི་མཆོད་པ་བྱས་ནས་མེ་ཏོག་གི་གཅལ་བཀྲམ་པའི་དཀྱིལ་འཁོར་ལ། མཆོད་རྟེན་ནམ་ལུགས་སྐུ་འམ་དམ་པའི་ཆོས་ཀྱི་གླེགས་བམ་མདུན་དུ་བཞག་ལ།
iiif viewer powered by OpenSeadragon
