| e-texts navigator |
| Wylie |
175b1 པའི་གསུང་གི་འཁོར་ལོའི་དཀྱིལ་འཁོར་ཡང་སྒྲ་འབྱིན་པར་འགྱུར་རོ། །གསེར་དང་ནོར་བུ་དང་མུ་ཏིག་ལ་སོགས་པའི་ཆར་ཡང་མངོན་པར་འབབ་པར་འགྱུར་རོ། །སེམས་ཅན་གྱི་ཁམས་ཐམས་ཅད་དུ་ཡི་དགས་རྣམས
175b2 ལ་བཟའ་བ་དང་བཅའ་བ་དང་བཏུང་བ་ཡང་མངོན་པར་རབ་ཏུ་འབབ་པར་འགྱུར་རོ། །དམྱལ་བ་རྣམས་ཀྱི་གྲང་བ་ལ་དྲོ་བ་ཡང་ཡང་དག་པར་སྐྱེད་པར་བྱེད་དོ། །དུད་འགྲོ་རྣམས་ཀྱི་གཅིག་ལ་གཅིག་ཟ་བའི་སྡུག་བསྔལ
175b3 ཡང་རབ་ཏུ་ཞི་བར་བྱེད་དོ། །སེམས་ཅན་མོས་པའི་སྒོ་སྣ་ཚོགས་པའི་ཡུལ་ཅན་གྱི་སེམས་ཅན་གྱི་ཁམས་རྣམ་པར་སྦྱོང་བར་བྱེད་དོ། །བྱིན་གྱིས་རློབ་པར་བྱེད་ཡོངས་སུ་འགེངས་པར་བྱེད་ཡོངས་སུ་སྨིན་པར་བྱེད
175b4 ར་ནམ་པར་འདུལ་བར་བྱེད་ངེས་པར་སྦྱོང་བར་བྱེད་ཀུན་དུ་སྦྱོར་བར་བྱེད་རྣམ་པར་འབེལ་བར་བྱེད་དགའ་བར་བྱེད་སོ་སོར་འགོད་པར་བྱེད་རྣམ་པར་གྲོལ་བར་བྱེད་བྱང་ཆུབ་ཀྱི་ཐེག་པ་ལ་ལྷག་པར་འཛེག་པར་བྱེད་མྱུར་དུ་ལྷག་པར་འཛེག
175b5 པ་ཨའི་ས་དང་ཕ་རོལ་ཏུ་ཕྱིན་པའི་མན་ངག་ཀྱང་སྟོན་པར་བྱེད་མདོར་ན་མཐར་གྱིས་བྱང་ཆུབ་ལ་གཞོལ་ཞིང་སོ་སོར་འགོད་པར་བྱེད་དགེ་བ་སྒྲུབ་པ་ལ་གནས་པ་སྐྱེད་པར་བྱེད་སྡུག་བསྔལ་དང་ཉོན་མོངས་པ་ཟད་པར་བྱེད་རྣམ་པར
175b6 འ་ཇོམས་པར་བྱེད་རྣམ་པར་སེལ་བར་བྱེད་འདྲེན་པར་བྱེད་འཇོམས་པར་བྱེད་མདོར་ན་རང་གི་སྨོན་ལམ་གྱི་སྟོབས་དང་བསོད་ནམས་དང་ཡེ་ཤེས་ཀྱི་སྟོབས་དང་དེ་བཞིན་གཤེགས་པའི་བྱིན་གྱིས་བརླབས་ཀྱི་སྟོབས་ཀྱིས་སེམས
175b7 ཅན་གྱི་ཁམས་ཐམས་ཅད་དུ་དེ་བཞིན་གཤེགས་པའི་མཛད་པ་ཡང་བྱེད་པར་འགྱུར་རོ། །འདིར་ཡང་སེམས་ཅན་སྡུག་བསྔལ་བ་རྣམས་ཀྱི་དོན་ཡོངས་སུ་མི་ཉམས་པར་བྱ་བའི་ཆོ་ག་བཤད་པར་བྱ་སྟེ། སྔགས་འཛིན
175b8 པས་དང་པོར་རེ་ཤིག་བྱང་ཆུབ་ཏུ་སེམས་བསྐྱེད་པའི་རིགས་ཀྱི་བུ་འམ་རིགས་ཀྱི་བུ་མོ་བྱིས་པ་སོ་སོའི་སྐྱེ་བོའི་ས་ལས་འདས་པ་དང་དེ་བཞིན་གཤེགས་པའི་བྱིན་གྱི་བརླབས་རྙེད་པ་ཉིད་ལ་བདག་ཉིད་དད་པར་བྱའོ། །སྒྲུབ
iiif viewer powered by OpenSeadragon
