| e-texts navigator |
| Wylie |
304a1 ལྡན་འདས་ཀྱི་ཞབས་གཡས་པ་ནས་འོད་ཟེར་བརྒྱ་སྟོང་དུ་མ་བཀྱེ་བས་འཇིག་རྟེན་དུ་འགྱུར་བ་དང་། ལྟས་བྱུང་བས་འཇིག་རྟེན་པ་རྣམས་འཇིགས་ཤིང་སྐྲག་ནས་བརྒྱལ་བར་གྱུར་ཏོ། །དེ་ནས
304a2 བྱང་ཆུབ་སེམས་དཔའ་ཕྱག་ན་རྡོ་རྗེས་བཅོམ་ལྡན་འདས་ལ་གསོལ་པ། འོད་ཟེར་འདི་འགྱུར་བ་དང་ལྟས་བྱུང་བའི་རྒྱུ་དང་རྐྱེན་ཅི་ལགས། བཅོམ་ལྡན་འདས་ཀྱིས་བཀའ་སྩལ་པ། འདི་ནི་བསོད་ནམས་ཀྱི
304a3 ཚོགས་ཚད་མེད་པ་ལས་གྲུབ་པས་འབྲས་བུ་ཡང་ཚད་མེད་ཀྱིས་བྱང་ཆུབ་སེམས་དཔའ་བརྒྱལ་བ་ལས་བསླང་དུ་གསོལ། དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེའི་ཐུགས་ཀ་ནས་འོད་ཟེར་བརྒྱ
304a4 སྟོང་དུ་མ་བཀྱེ་སྟེ་འོད་ཀྱིས་རེག་པ་ཙམ་གྱིས་བརྒྱལ་བ་ལས་བསླང་ངོ་། །དེ་ནས་འཇིག་རྟེན་པ་རྣམས་ཀྱིས་ཆེད་དུ་བརྗོད་པ། ཨེ་མ་ཐུབ་ཆེན་ཐུགས་རྗེ་ཡི། །འཇིག་རྟེན་ཐམས་ཅད་བརྒྱལ
304a5 གྱུར་ན། །ཐུགས་རྗེ་ཆེན་པོའི་འོད་ཟེར་གྱིས། །བརྒྱལ་བ་ཐམས་ཅད་སླངས་པར་གྱུར། །དེ་ནས་འཇིག་རྟེན་པ་རྣམས་ས་འོག་རིམ་པ་བདུན་གྱི་ཀླུའི་རྒྱལ་པོའི་གནས་སུ་འདུས་པར་གྱུར་ནས་གསོལ་བ་བཏབ་པ། སྐུ
304a6 གསུང་ཐུགས་ཀྱི་ཕྲིན་ལས་ཅན། །སྟོན་པ་བཅོམ་ལྡན་རྡོ་རྗེ་འཛིན། །འཇིག་རྟེན་རྣམས་ལ་ཕན་གདགས་ཕྱིར། །རྡུལ་བྲལ་ཆོས་རྣམས་བཤད་དུ་གསོལ། །དེ་ནས་བཅོམ་ལྡན་འདས་ཀྱིས། བཛྲ་ཨ་བྷི་ཥིཉྩ
304a7 བཛྲ་པཱ་ཎི་ཧཱུ~ཾ་ཞེས་གསུངས་པས་སྣོད་དང་ལྡན་པར་བྱས་སོ། །དེ་ནས་ཀླུའི་རྒྱལ་པོ་རྣམས་འཁྲུགས་སོ། །ཤིན་ཏུ་ཡིད་འཁྲུགས་ནས་ཁ་གཡབ་ཅིང་བྲང་བརྡུངས་ཏེ། ཀྱེ་མ་ཀྱི་ཧུད་བདག་ཀླུའི་གནས་དང་སྟོན་པ་ནི
304a8 འཇིག་རྟེན་པས་ཕྲོགས་པས་འཇིག་རྟེན་པ་རྣམས་བརླག་པར་བྱའོ་ཞེས་ཟེར་ནས། ཀླུའི་ཁའི་བརླངས་པས་འཇིག་རྟེན་པ་རྣམས་ལ་མཛེའི་ནད་བཏང་ངོ་། །དེ་ནས་བཅོམ་ལྡན་འདས་ཀྱིས་ནད་སེལ་བ་ཞེས་བྱ་བའི
iiif viewer powered by OpenSeadragon
