| e-texts navigator |
| Wylie |
303a1 སྨིན་པའི་ཆོ་གའོ། །རྡོ་རྗེ་ས་འོག་གི་རྒྱུད་ལས་སློབ་མ་ལ་དབང་བསྐུར་བའི་ལེའུ་སྟེ་བཅུ་གཉིས་པའོ།། །། དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ
303a2 ཏོ། །བཅོམ་ལྡན་འདས་སེམས་ཅན་རྣམས་ཀྱི་དོན་དུ་ཐུགས་ཀྱི་གསང་བ་བཤད་དུ་གསོལ་ཞེས་གསོལ་བ་བཏབ་བོ། །བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་མི་བཟད་ཁྱོད། །གཞན་དོན་བག
303a3 བརྩོན་ལེགས་སོ་ལེགས། །གང་ཞིག་དུས་ཀྱི་སྙིགས་མ་ལ། །གདུལ་དཀའི་སེམས་ཅན་འདུལ་འདོད་པས། །དང་པོར་བྱང་ཆུབ་སེམས་བསྐྱེད་ལ། །ཚོགས་གཉིས་ཀུན་རྫོགས་མཐར་ཕྱིན་པས། །
303a4 རིན་ཆེན་སྣོད་དུ་པད་མའི་གཏེར། །དབུས་སུ་གསང་བའི་བདག་པོ་ཅན། །འདབ་མ་བརྒྱད་ལ་ཀླུ་ཆེན་བརྒྱད། །སྦྲུལ་མགོས་བརྒྱན་པ་དགོད་པར་བྱ། །ཁྲུས་དང་གཙང་སྦྲ་དང་ལྡན་པས། །ལས་ཀྱི
303a5 ལྷ་ཡི་རྣལ་འབྱོར་གྱིས། །དང་པོ་སྤྱན་དྲངས་རབ་མཆོད་ནས། །བདག་དང་ལྷ་གཉིས་འཕྲོ་འདུར་བཟླས། །ཀླུ་བརྒྱད་ཞི་བར་འགྱུར་སེམས་ཀྱིས། །ཧཱུ~ཾ་དང་ཧཱུ~ཾ་གི་ཐག་པ་ལས། །བསྒྲུབ་བྱ་འོད་ཀྱི་ཕུང་པོར
303a6 བྱ། །སྐད་ཅིག་མས་ནི་ཧཱུ~ཾ་དུ་བསླང་། །ོཾ་བཛྲ་ཀྲོ་དྷ་ཨ་ཧཱི་ཙཎ་ཌ་ཕཊ། ཁྲི་བཟླས་གདོན་ལས་ངེས་གྲོལ་འགྱུར། །ལག་ན་རྡོ་རྗེ་ཁྱོད་ཀྱིས་ནི། །ཐུགས་ཀྱི་འཕྲོས་འདུ་གསང་བ་ཡིན། །བསྒྲུབ
303a7 བྱའི་ལུས་ནི་ཚོན་གྱིས་དཀྲི། །ཧཱུ~ཾ་ཆེན་ཕྲེང་བའི་འཕྲོ་འདུས་གཅད། །རྫས་ཆེན་རྣམས་ལ་རབ་བརྟགས་ན། །ངེས་པར་གདོན་ལས་གྲོལ་བར་འགྱུར། །གལ་ཏེ་དེས་ཀྱང་མ་གྲུབ་ན། །སྔགས
303a8 ཀྱི་ཕྲེང་བ་བཟློག་སྟེ་བཟླས། །རྡོ་རྗེ་ཕྲེང་བས་རབ་བཅད་ནས། །ཐེ་ཚོམ་མེད་པར་འགྲུབ་པར་འགྱུར། །འོག་གི་བགེགས་བཟློག་ཆོ་ག་མཆོག་།ཡིད་བཞིན་ནོར་ལྟར་འབྱུང་བ་ཡིན། །ཐེག་པ
iiif viewer powered by OpenSeadragon
