| e-texts navigator |
| Wylie |
301a1 འགུགས་པ་ལ་ནི་རྡོ་རྗེ་ལྕགས་ཀྱུས་བྱའོ། །རིམས་བསྲུང་བ་ལ་ནི་རྩཝ་ཀུ་ཤའི་འབྲུམ་བུས་བྱའོ། །ཀླུ་སྒྲུབ་པར་འདོད་ན་མཚར་བུའི་ལྕུག་མ་དང་བདུད་རྩི་ཆུས་བྱའོ། །ཕ་རོལ་གྱི་དཔུང་འཇོམས་པར
301a2 འདོད་ན་གུ་གུལ་གྱིས་བྱའོ། །ལས་རྣམས་ལ་སྔགས་འབུམ་གྱིས་བྱའོ། །རྡོ་རྗེ་ས་འོག་གི་རྒྱུད་ལས་སྔགས་ཀྱི་ལེའུ་སྟེ་བརྒྱད་པའོ།། །། དེ་ནས་གཞན་ཡང་བཟླས་པ་ཡི། །ངེས་པ་འདིར་ནི་བཤད
301a3 པར་བྱ། །གང་ཞིག་དངོས་གྲུབ་སྒྲུབ་འདོད་པས། །དམ་ཚིག་སྡོམ་དང་རབ་ལྡན་པས། །བདག་ཉིད་ལས་ཀྱི་ལྷར་བསྒོམས་ཏེ། །ཡེ་ཤེས་ཁྲོ་བོ་སྤྱན་དྲངས་ཏེ། །ཛཿཧཱུ~ཾ་བ~ཾ་ཧོཿ་དགུག་སོགས་བྱ། །
301a4 རང་སྙིང་ཟླ་བར་སྔགས་ཀྱི་ཕྲེང་། །དངུལ་སྦྲམ་ལྟ་བུར་རབ་བསམས་ཏེ། །མྱུར་དལ་གསལ་དང་མི་གསལ་སྤང་། །ཡིད་ཀྱིས་བསྒྲིམ་པའི་བཟླས་པ་བྱ། །མཆོད་པ་རྣམ་པ་ལྔས་ཀྱང་མཆོད། །རབ་ཏུ་བསྒྲིམ་པའི
301a5 བཟླས་པ་འདིས། །གང་འདོད་དངོས་གྲུབ་ངེས་པར་འགྲུབ། །ོཾ་ཨཱཿཧཱུ~ཾ་སྐུ་གསུང་ཐུགས་བྱིན་གྱིས་བརླབ་པའི་སྔགས་སོ། །ོཾ་བཛྲ་པཱ་ཎི་ཨ་བྷི་ཥཱིཉྩ་མཱཾ། དབང་བསྐུར་བའི་སྔགས་སོ། །ོཾ་བཛྲ་པཱ་ཎི་ཏིཥྛ་ཧཱུ~ཾ།
301a6 ཐུགས་བརྟན་པའི་སྔགས་སོ། །སྐུ་དང་ཐུགས་ཀྱི་གསང་བ་དང་། །གསུང་གི་གསང་བ་མ་ལུས་པས། །མྱུར་དུ་བྱང་ཆུབ་ལ་རེག་འགྱུར། །གང་ཚེ་སྒྲུབ་ལ་བརྩོན་ལྡན་པ། །ཚེ་གཅིག་འབྲས་བུ་མྱུར་ཐོབ་འགྱུར། །
301a7 གཉིས་མེད་རང་བཞིན་རྡོ་རྗེ་ཅན། །མཁའ་དབྱིངས་རྡོ་རྗེ་ཀུན་ཏུ་ཁྱབ། །བརྗོད་མེད་རྟོག་བྲལ་དེ་ཉིད་དོན། །ལྷུན་གྲུབ་ངང་ལ་རབ་ཏུ་གཞག་།ཧཱུ~ཾ་དང་ཨ་ཡི་རྣམ་པ་ཅན། །ཇི་ལྟར་ཆུ་ཡི་ཟླ་བ་བཞིན། །མ་ཡེངས
301a8 སེམས་ཀྱིས་རྒྱུན་དུ་བསྒོམ། །ེ་མ་ཧོ་མགོན་པོ་བཅོམ་ལྡན་འདས། །མཆོག་ལས་མཆོག་ཏུ་རྣམ་པར་རྒྱལ། །ེ་མ་ཧོ་སྤྲུལ་པའི་རྣམ་པ་སྐུ། །སྒྲ་ལ་རབ་ཏུ་དམིགས་པ་མེད། །དགྱེས་ཆེན་ཀུན་གྱི་སྤྱོད་ཡུལ
iiif viewer powered by OpenSeadragon
