| e-texts navigator |
| Wylie |
300b1 འཁོར་བཟླས། །འགུལ་གཡོ་ཡི་ནི་རྟགས་བྱུང་ནས། །ཆུ་ཆེན་གཞུང་ལ་བཏང་བར་བྱ། །གལ་ཏེ་རྟགས་དེ་མ་བྱུང་ན། །དྷ་དུ་ར་ཡི་ཁུ་བ་དང་། །ཁྲག་དང་དུག་བསེས་རབ་བྱུགས་ཏེ། །ཚེར་མ་ཅན་གྱི་ཤིང་མེས
300b2 བསྲེག་། ཨོཾ་ནཱི་ལཱ~ཾ་བ་ར་དྷ་ར་བཛྲ་པཱ་ཎི་སྟམ་བྷ་ཡ་མོ་ཧ་ཡ་བན་དྷ་ཡ་ད་ཧ་ན་ཡ་ཧཱུ~ཾ་ཧཱུ~ཾ་ཕཊ། དུས་གསུམ་དག་དུ་བདུགས་བྱས་ནས། །སྐད་ངན་སྣ་ཚོགས་གདོན་པར་བྱེད། །དེ་ནས་སྔགས་འདིས་ཆུ་ལ་དོར། ཨོ་ཙཎ
300b3 ཌ་མ་ཧཱ་རོ་ཥ་ཎ་ཧཱུ~ཾ་ཕཊ། །ཚོན་གྱིས་དྲིལ་ནས་རབ་ཏུ་བོར། །བསམ་པས་བ་ཚྭའི་རྒྱ་མཚོར་སྐྱུར། །དེ་ནས་མི་ལྡོག་བྱ་བའི་ཕྱིར། །སྔགས་འདི་རྒྱུན་དུ་བཟླ་བར་བྱ། །ོཾ་ནཱི་ལཱ~ཾ་བ་ར་དྷ་ར་བཛྲ་པཱ་ཎི་ཧཱུ~ཾ་ཧཱུ~ཾ་སྟ~ཾ་བྷ་ཡ་ནན་ཕཊ
300b4 ཅེས་རྒྱུན་དུ་བཟླ་བར་བྱའོ། །དེ་ནས་ལས་དེ་ངེས་པར་འགྲུབ་བོ། །རྡོ་རྗེ་ས་འོག་གི་རྒྱུད་ལས་བསྐྲད་པའི་འཁོར་ལོའི་ལེའུ་སྟེ་བདུན་པའོ།། །། དེ་ནས་བཅོམ་ལྡན་འདས་རྡོ་རྗེ་འཛིན་པས་སེམས་ཅན་རྣམས་ཀྱི་དོན
300b5 དུ་སྔགས་ཀྱི་ལེའུ་འདི་གསུངས་སོ། །ོཾ་ནཱི་ལཱ~ཾ་བ་ར་དྷ་ར་བཛྲ་པཱ་ཎི་ཧཱུ~ཾ་ཧཱུ~ཾ་ཕཊ། བཅོམ་ལྡན་འདས་ཀྱི་རྩ་བའི་སྔགས་ལས་ཐམས་ཅད་བསྒྲུབ་པའོ། །འདི་ནི་སངས་རྒྱས་ཐམས་ཅད་ཀྱི་ཐུགས་ཀྱི་གསང་བའོ། །
300b6 འདིས་ནི་མ་བསྒྲུབས་པར་ཡང་ལས་ཐམས་ཅད་འགྲུབ་སྟེ། ཕྱག་རྒྱ་ཐམས་ཅད་ཆིང་བསྒྲུབ་པ་ལ་ནི་རྡོ་རྗེ་ཁུ་ཚུར་གྱིས་སོ། །དམ་ཚིག་ཐམས་ཅད་སྒྲུབ་པ་ལ་ནི་རྡོ་རྗེ་རབ་ཏུ་གདེངས་པས་སོ། །སེམས་ཅན་ཐམས
300b7 ཅད་རྗེས་སུ་ཆགས་པར་བྱ་བ་ལ་ནི་རྡོ་རྗེ་བཞད་པས་སོ། །ཐམས་ཅད་ལྐུགས་པར་བྱ་བ་ལ་ནི་རྡོ་རྗེ་ཧཱུ~ཾ་སྒྲས་སོ། །ནམ་མཁའ་ལ་འཕྲོ་བའི་དངོས་གྲུབ་ལ་ནི་རྡོ་རྗེ་ཀུ་མུ་ཏས་བྱའོ། །ཀླུ་ཐམས་ཅད་འདུལ་བ་ལ་ནི་རྨ་བྱའི
300b8 མཇུག་སྒྲོས་བྱའོ། །དགྲ་ཐམས་ཅད་གསད་པ་ལ་ནི་འཁྲུལ་འཁོར་གྱིས་སོ། །ནོར་སྒྲུབ་པར་འདོད་ན་ཛམ་བྷ་ལའི་ཆུ་སྦྱིན་གྱིས་བྱའོ། །བགེགས་འཕང་བར་འདོད་ན་ཏིང་ངེ་འཛིན་གྱིས་བྱའོ། །ཐམས་ཅད
iiif viewer powered by OpenSeadragon
