| e-texts navigator |
| Wylie |
300a1 རྟེན་གསུམ་འདུལ་གཟུགས་སུ་བསམ། །མཆོད་པའི་རིམ་པ་རབ་ཏུ་དབུལ། །དེ་ལ་སྦྱིན་སྲེག་གི་སྔགས་གསུངས་པ་འདི་ཡིན་ཏེ། ཨོཾ་ནཱི་ལཱཾ་བ་ར་དྷ་ར། ཨོཾ་བཛྲ་ཛྭ་ལ་ཨ་ན་ལ་ཧ་ན་སརྦཱ་དུཥྚ་སརྦྦ་བྷསྨིཾ་ཀུ་རུ་ནཱི
300a2 ལཱཾ་བ་ར་དྷ་ར་བཛྲ་པཱ་ཎི་ཆེ་གེ་མོ་མཱ་ར་ཡ་ཧཱུ~ཾ་ཕཊ་ཅེས་པས་རྫས་རྣམས་བསྲེག་གོ། དུག་ཁྲག་སྐེ་ཚེ་ལན་ཚྭ་ལས། །གཟུགས་བྱས་རབ་ཏུ་བསྒྲུབས་ཏེ་བསྲེག་།ོཾ་ནཱི་ལཱཾ་བ་ར་དྷ་ར་བཛྲ་པཱ་ཎི་ཡཀྵ་ཁཱ་ད་ཡ་ཁཱ་ད་ཡ་བ་ན་དྷ་ཡ་བན་དྷ
300a3 ཡ་མོ་ཧ་ཡ་མོ་ཧ་ཡ་ཤ་ཏྲུཾ་ཨཱ་ན་ཡ་ཧཱུ~ཾ་ཕཊ། གཟུགས་ལ་བྲབ་པའི་སྔགས་སོ། །ོཾ་ནཱི་ལཱ~ཾ་བ་ར་དྷ་ར་བཛྲ་པཱ་ཎི་ཤ་ཏཱུཾ་གྲྀཧྞ་ཨཱ་ཀར་ཥཱ་ཡ་ཧཱུ~ཾ་ཛཿཛཿ་འགྲོ་བ་དགུག་པའི་སྔགས་སོ། །དེ་ལྟར་སྦྱིན་སྲེག་རབ་བྱས་ནས། །
300a4 ཆུ་བོ་སྐམས་དང་ཀླུ་ཤིང་གཅད། །གླང་ཆེན་གཡང་ལྟུང་མེ་ཆེན་འབར། །ནད་དང་ཡམས་སོགས་བྱུང་བའི་ཚེ། །ཞི་བ་མཆོག་གི་ལས་བསྒྲུབས་ཏེ། །ཐབ་ཁུང་ཟླུམ་པོ་རབ་དཀར་བ། །རིམ་པ་གསུམ་ལྡན་ཁྲུ་གང་ཚད། །
300a5 ཟབས་སུ་ཁྲུ་ཕྱེད་བརྐོས་བྱས་ནས། །ཞི་བའི་ལས་ཀྱི་ཆོ་ག་བྱ། །དེ་ལྟར་བྱས་ན་མཚན་མ་ཡི། །དངོས་གྲུབ་ཐོབ་པར་ཐེ་ཚོམ་མེད། །ལག་ན་རྡོ་རྗེ་རྡོ་རྗེ་འཛིན། །གུས་པས་རྒྱུད་དོན་རབ་ཏུ་ཟུང་། །འགྲོ་བའི་དོན་ལ་རབ་བརྩོན་གྱིས། །
300a6 ཀྱེ་མ་རྒྱུད་ཆེན་མཆོག་ཏུ་གསང་། །བྱིན་རླབས་སྔོན་དུ་ཆེར་འབྱུང་བ། །སྟོན་པ་རྡོ་རྗེ་འཆང་གིས་གསུངས། །རབ་ཏུ་འབད་པས་བསྒྲུབ་པར་གྱིས། །དཔལ་རྡོ་རྗེ་ས་འོག་གི་རྒྱུད་ལས་སྦྱིན་སྲེག་གི་རིམ་པ་སྟེ་ལེའུ་དྲུག་པའོ།། །།
300a7 དེ་ནས་སྟོན་པ་རྡོ་རྗེ་འཆང་། །དཔལ་ཆེན་གདན་ལ་རབ་བཞེངས་ནས། །ལག་ན་རྡོ་རྗེ་ལ་གཟིགས་ནས། །ལས་ཀྱི་ཆོ་ག་བཤད་པར་བྱ། །དུག་ལ་སོགས་པའི་རྫས་རྣམས་ལ། །གང་འདོད་པ་ཡི་གཟུགས་བྱས་ཏེ། །
300a8 སྙིང་གར་འཕྲུལ་འཁོར་རབ་ཏུ་གཞུག་།བདག་ཉིད་ལས་ཀྱི་ལྷར་གསལ་བས། །ག་འུ་ནང་དུ་རབ་བཅུག་སྟེ། །ཚོན་གྱི་ཐ་གུ་སྣ་ལྔ་དཀྲི། །སྙིང་གའི་ལྕགས་ཀྱུས་རབ་བཀུག་ནས། །ཡི་གེ་བཅུ་གསུམ་འཁྲུལ
iiif viewer powered by OpenSeadragon
