| e-texts navigator |
| Wylie |
299b1 འཁོར་ལོ་བྱ། །ལྟེ་བར་ཧཱུ~ཾ་དང་བསྒྲུབ་བྱའི་མིང་། །སྤེལ་ལ་རབ་དུ་དགོད་པར་བྱ། །ལྷག་མ་བཅུ་གཉིས་རྩིབས་ལ་དགོད། །བྲི་བ་རྫོགས་ན་སྙིང་གར་གཞུག་།དགུག་དང་གཞུག་སོགས་བྱས་ལ་བསྲེག་།མི་འདོད་མནན
299b2 པའི་ཆོ་ག་བྱ། །མར་གྱི་དུས་ལ་ཤིས་པ་ཡིན། །འཁྲུལ་འཁོར་ཇི་ལྟར་བྲིས་པ་ལྟར། །གང་འདོད་ལས་ལ་ཐེ་ཚོམ་མེད། །དཔེར་ན་མེ་ལྕེས་རྩཝ་བསྲེགས་འདྲ། །གང་ཡིན་གནས་པར་མི་འགྱུར་རོ། །དཔལ་རྡོ་རྗེ་ས་འོག་གི
299b3 རྒྱུད་ལས་བྲི་བའི་འཁྲུལ་འཁོར་གྱི་ཆོ་ག་སྟེ་ལེའུ་ལྔ་པའོ། ། །། དེ་ནས་ཡང་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཐམས་ཅད་ཟབ་མོའི་སྤྱོད་ཡུལ་ལགས་པས་སྦྱིན
299b4 སྲེག་ལ་སོགས་པས་གྲོལ་བར་ཅང་འགྱུར་ལགས་སམ། བདག་གི་ཐེ་ཚོམ་བསལ་དུ་གསོལ་ཞེས་ཞུས་སོ། །བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་སྙིང་རྗེ་ཆེ། །དད་པའི་ཤུགས་ཀྱིས་རབ་ཉམས་ཏེ། །
299b5 དཀྱིལ་འཁོར་རྫས་ཀྱི་སྦྱོར་ལྡན་ཞིང་། །སྦྱིན་སྲེག་ལས་དང་དེ་ཉིད་ཤེས། །སྡོམ་པར་དམ་ཚིག་རྒྱུད་ལྡན་ན། །མཚན་མས་གྲོལ་བར་འགྱུར་བ་སྟེ། །དཀྱིལ་འཁོར་སྦྱིན་སྲེག་རྫས་ལ་སོགས། །མེད་ན་དངོས་གྲུབ
299b6 མི་འགྲུབ་པས། །སྦྱིན་སྲེག་ལས་ནི་འབད་པས་བརྩམ། །ཕྲིན་ལས་བཞི་ཡི་སྦྱིན་སྲེག་ལས། །དྲག་པོའི་རིམ་པ་བྱ་བ་ནི། །ཁྲུ་བཞི་པ་ཡི་དཀྱིལ་འཁོར་ལ། །དབུས་སུ་ཟུར་གསུམ་ཁྲུ་རེ་ཚད། །ཟབས
299b7 སུ་ཁྲུ་ཕྱེད་བརྐོ་བར་བྱ། །ཕྱི་རོལ་རིམ་པ་གསུམ་ལྡན་པ། །དབུས་སུ་རྡོ་རྗེའི་མཚན་མ་བྲི། །རིམ་པ་གསུམ་ལ་རྡོ་རྗེ་ཡི། །རྩེ་གསུམ་ཕྲེང་གིས་བསྐོར་བ་བྲི། །མཚམས་སུ་ལྕགས་ཀྱུ་བྲི་བར་བྱ། །
299b8 ཚེར་མ་ཅན་གྱི་ཤིང་བུ་ནི། །ཁྲུ་གང་ཚད་ཀྱིས་རབ་ཏུ་ཤིས། །དུག་དང་ཁྲག་དང་སྐེ་ཚེ་སོགས། །རྫས་ནི་རིམ་པར་ཤེས་པར་བྱ། །བདག་ཉིད་ལྷ་ཡི་རྣལ་འབྱོར་གྱིས། །ཡེ་ཤེས་ཁྲོ་བོ་སྤྱན་དྲངས་ཏེ། །འཇིག
iiif viewer powered by OpenSeadragon
