| e-texts navigator |
| Wylie |
297b1 བྱ། །ནེར་སྤ་ཚ་ལ་རབ་བསྲེག་བྱ། །ཐབ་ཁུང་རབ་དང་འབྲིང་ཐ་མ། །རབ་ཀྱིས་མཐོ་གསུམ་འབྲིང་གིས་དོ། །ཐ་མས་མཐོ་གང་ཚད་དུ་བྱ། །བུད་ཤིང་ཚེར་མ་ཅན་ཤིང་གིས། །ཀུན་ཏུ་དྲག་པོ་རབ་ཏུ་བསྒྲུབ། །བག་ཟན
297b2 ཡུངས་དཀར་མེར་བསྲེག་ཅིང་། །སྡང་བའི་ལུས་ངག་ཡིད་གསུམ་རྣམས། །རྫས་ལ་བསྟིམས་ཏེ་སྦྱིན་བསྲེག་བྱ། །འཁོར་བཅས་གནོད་སྦྱིན་མེར་བསམས་ཏེ། །བསྲེག་པའི་རྫས་ཀྱིས་མཆོད་པ་འམ། །ལས་མེ
297b3 གནོད་སྦྱིན་རྫས་ཀྱིས་བྲབ། །གང་ལྟར་བྱས་ཀྱང་འགྲུབ་པར་འགྱུར། །དེ་ཚེ་བསྟོད་པ་འདིས་ཀྱང་ནི། །རྩེ་གཅིག་སེམས་ཀྱིས་བསྟོད་པར་བྱ། །ཧཱུ~ཾ་ཀུན་འདུལ་མི་བཟད་གནོད་སྦྱིན་སོགས། །གདུག་པ་དཔལ་ཚ་རབ་ཏུ
297b4 འཇིགས། །ཁྲོ་བོ་རྔམ་པ་ཆེར་སྒྲོགས་པ། །འཁོར་བཅས་རྣམས་ལ་ཕྱག་འཚལ་བསྟོད། །ོཾ་བཻ་ཤྲ་བ་ཎ་པུཥྤེ་ཧཱུ~ཾ་སྭཱ་ཧཱ། ཨོཾ་བཻ་ཤྲ་བ་ཎ་དྷཱུ་པེ་ཧཱུ~ཾ་སྭཱ་ཧཱ། ཨོཾ་བཻ་ཤྲ་བ་ཎ་དཱི་པ~ཾ་ཧཱུ~ཾ་སྭཱ་ཧཱ། ཨོཾ་བཻ་ཤྲ་བ་ཎ་གན་དྷཾ
297b5 ཧཱུ~ཾ་སྭཱ་ཧཱ། ཨོཾ་བཻ་ཤྲ་བ་ཎ་ནེ་བི་དྱེ་ཧཱུ~ཾ་སྭཱ་ཧཱ། གཙོ་བོ་མཆོད་ཅིང་འཁོར་ཀྱང་མཆོད། །དེ་ནས་རིམ་པས་མཆོད་པ་ནི། །གསང་སྔགས་ཀུན་ཏུ་སྤེལ་ཏེ་བཟླས། །སྤྲོ་དང་བསྡུ་བ་ཀུན་དུ་བྱ། །སྤེལ་བྱེད་ཀུན་གྱི་ཐུན
297b6 མོང་ཡིན། །ོཾ་བཻ་ཤྲ་ཝ་ཎཱ་ཡ་ཆེ་གེ་མོ་མཱ་ར་ཡ་ཕཊ་སྭཱ་ཧཱ། གཙོ་བོ་ཇི་ལྟར་འཁོར་ཀྱང་དེ། །རང་གི་རིག་པས་མཆོད་པར་བྱ། །རིག་པ་ཀུན་ཏུ་བརྟེན་བྱས་ནས། །རྡུལ་ཕྲན་བཞིན་དུ་བརླག་པར་བསམ། །ཕྲིན
297b7 ལས་བཅོལ་ལ་གཏོར་མ་བཏང་། །གཏོར་དང་གཏོར་མའི་རིམ་པ་ནི། །གོ་རིམས་བཞིན་དུ་དབུལ་བར་བྱ། །ཞི་བའི་ལས་ཀྱི་རིམ་པ་ནི། །ཐབ་ཁུང་མཐོ་གང་ཚད་ཉིད་ལ། །བསྲེག་རྫས་ལ་སོགས་རབ་ཏུ་དབུལ། །
297b8 ལུས་ངག་ཡིད་གསུམ་སྡིག་བཅོམ་ནས། །ཡེ་ཤེས་མེ་ཡི་ངོ་བོར་བྱ། །སྣོད་དང་ཐབ་ནི་དོར་བར་བྱ། །དེར་ནི་གདོན་རྣམས་ཀུན་སྲེག་ཅིང་། །བགེགས་ཆེན་ཞི་བའི་ཡས་ཀྱང་བྱ། །རྒྱས་དང་དབང
iiif viewer powered by OpenSeadragon
