| e-texts navigator |
| Wylie |
297a1 འ་དིའི་སྒྲུབ་པ་ནི་འདི་ལགས་ཏེ་གང་ཞིག་བདག་སྒྲུབ་པར་འདོད་པ་དེས་དུས་གསུམ་དུ་མཆོད་པ་རྒྱ་ཆེན་པོ་བཤམས་ཏེ་བདག་འཁོར་དང་བཅས་པ་མཆོད་ལ་སེམས་རྩེ་གཅིག་དང་ལྡན་པས་གནས་དབེན་པར
297a2 འདུག་འདུག་སྟེ། བཅོམ་ལྡན་འདས་ཕྱག་ན་རྡོ་རྗེ་སྒོམ་པ་པོས་བདག་གི་སྔགས་དེ་ཁྲི་ཕྲག་གཅིག་བཟླས། དེ་ནས་ལས་རྣམས་བསྒྲུབ་པར་བྱའོ། །དེ་ལྟར་བདག་སྒྲུབ་པ་དང་བདག་གི་ལས་སྒྲུབ་པ་པོ་དེས་བདག
297a3 འཁོར་དང་བཅས་པ་ལ་གཏོར་མ་དང་མཆོད་པ་རྒྱ་ཆེན་པོས་མཆོད་པར་བྱའོ། །དེ་ལ་བདག་དང་བདག་གི་འཁོར་རྣམས་ལ་མཆོད་པ་དང་གཏོར་མ་རྒྱ་ཆེན་པོ་དབུལ་བའི་སྔགས་ནི་འདི་རྣམས་ཡིན་ཏེ། ཨོཾ་བཻ་ཤྲ་བ་ཎཱ་ཡ
297a4 སྭཱ་ཧཱ། །ོཾ་ཛམ་བྷ་ལཱ་ཡ་སྭཱ་ཧཱ། ཨོཾ་མ་ཎི་བྷ་དྲཱ་ཡ་སྭཱ་ཧཱ། །ོཾ་པུརྞ་བྷ་དྲཱ་ཡ་སྭཱ་ཧཱ། ཨོཾ་ཀུ་བེ་རཱ་ཡ་སྭཱ་ཧཱ། ཨོཾ་ས~ཾ་པྲ་ཛྙཱ་ནཱ་ཡ་སྭཱ་ཧཱ། ཨོཾ་གུ་ཧྱ་སྠ་ནཱ་ཡ་སྭཱ་ཧཱ། ཨོཾ་པཱཉྩི་ཀཱ་ཡ་སྭཱ་ཧཱ། ཨོཾ་པི་ཙི་ཀུཎ
297a5 ཌ་ལི་ནི་སྭཱ་ཧཱ་ཞེས་པའི་སྔགས་དེ་རྣམས་ནི་བདག་གི་འཁོར་དང་བཅས་པ་ལ་མཆོད་པ་དང་གཏོར་མ་སྦྱིན་པའི་སྔགས་གཉིས་སུ་ཤེས་པར་བྱའོ། །དེ་ནས་བདག་གི་ལས་སྒྲུབ་པ་ནི་བདག་གིས་བཤད་ཀྱིས་བཅོམ་ལྡན
297a6 འདས་ཀྱིས་བྱིན་གྱིས་བརླབ་ཏུ་གསོལ་ཞེས་གསོལ་ནས་འདིའི་ལས་བཤད་པ་ནི། གང་ཟག་གང་གིས་སྒྲུབ་འདོད་པས། །གསད་དང་སྦྱིན་སྲེག་མནན་པ་གསུམ། །རིམ་པ་ཇི་བཞིན་ཤེས་པར་བྱ། །
297a7 བསྒྲུབ་བྱ་བསྟན་ལ་སྡང་བ་རྣམས། །སྤྲ་ཚིལ་ལ་སོགས་གཟུགས་བྱས་ལ། །དགུག་དང་གཞུག་སོགས་དབང་དུ་བྱ། །ཡིག་འབྲུ་བཅཝ་བརྒྱད་སྔགས་ཀྱིས་ནི། །དུས་གསུམ་བརྡེག་པར
297a8 རབ་བྱས་ནས། །འཕྲལ་དུ་ཡིད་ཆེས་འཇོམས་པ་སྟེ། །བསྒྲུབ་བྱ་གསོད་པར་ཐེ་ཚོམ་མེད། །གལ་ཏེ་སྦྱིན་སྲེག་བྱེད་པ་ན། །ཞི་རྒྱས་དབང་དང་མངོན་སྤྱོད་ལས། །འདིར་ནི་དྲག་པོས་བསྒྲལ་བར
iiif viewer powered by OpenSeadragon
