| e-texts navigator |
| Wylie |
287a1 པ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་འདི་ལན་ཅིག་ཐོས་ན་ཡང་དེ་བྱང་ཆུབ་ཀྱི་སྙིང་པོའི་བར་དུ་སྒྲིབ་པ་ཐམས་ཅད་དང་ཆོད་པ་དང་། ཉོན་མོངས་པའི་སྒྲིབ་པ་དང་། ཆོས་ཀྱི་སྒྲིབ་པ་དང་། ལས་ཀྱི་སྒྲིབ་པ་ཆེན
287a2 པོ་བསགས་ཀྱང་སེམས་ཅན་དམྱལ་བ་ལ་སོགས་པ་ངན་སོང་དུ་ནམ་ཡང་སྐྱེ་བར་མི་འགྱུར། སྡིག་པ་ཡང་བྱས་མ་ཐག་ཏུ་སྡུག་བསྔལ་མེད་པར་འབྱང་བར་འགྱུར་རོ། །སུ་ཞིག་འཛིན་པ་དང་། ཉིན་རེ་ཞིང་ཀློག་པ་དང་།
287a3 ཁ་ཏོན་བྱེད་པ་དང་། ཚུལ་བཞིན་ཡིད་ལ་བྱེད་པ་དེར་ཚེ་འདི་ཉིད་ལ་ཆོས་ཐམས་ཅད་ཀྱི་མཉམ་པ་ཉིད་རྡོ་རྗེའི་ཏིང་ངེ་འཛིན་ཐོབ་པས་ཆོས་ཐམས་ཅད་ལ་དབང་བསྒྱུར་བར་འགྱུར་རོ། །ཆོས་ཐམས་ཅད་ལ་དགའ
287a4 བ་དང་། མགུ་བ་དང་། མཆོག་ཏུ་དགའ་བ་མྱོང་བར་འགྱུར་རོ། །བྱང་ཆུབ་སེམས་དཔའ་ཆེན་པོའི་ཚེ་བཅུ་དྲུག་གིས་དེ་བཞིན་གཤེགས་པ་འམ། རྡོ་རྗེ་འཛིན་ཐོབ་པར་འགྱུར་རོ། །དེ་ནས་བཅོམ་ལྡན་འདས་ལག
287a5 ན་རྡོ་རྗེ་དེ་བཞིན་གཤེགས་པ་ཐམས་ཅད་པ། ཐེག་པ་ཆེན་པོ་མངོན་པར་རྟོགས་པ། དཀྱིལ་འཁོར་ཐམས་ཅད་པ། རྡོ་རྗེ་འཛིན་མཐའ་དག་གི་སེམས་ཅན་གྱི་མཆོག་ཁམས་གསུམ་མ་ལུས་པ་མཐའ་དག
287a6 ན་འཇིག་རྟེན་གསུམ་པོ་ཐམས་ཅད་ལས་རྣམ་པར་རྒྱལ་བ། སེམས་ཅན་གྱི་ཁམས་ལུས་པ་མེད་པ་འདུལ་བ། དོན་ཐམས་ཅད་གྲུབ་པ། དམ་ཚིག་ཆེན་པོ་པ། རྡོ་རྗེ་གསང་བའི་སེམས་ཅན་ཆེན་པོ་དུ་མས
287a7 གཡོག་བྱས་པ་དེ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་གྱི་དོན་འདི་སྟོན་ཏེ། བཞིན་རབ་ཏུ་འཛུམ་ཞིང་ལག་པ་གཡོན་པ་རྡོ་རྗེ་བསྒྱིངས་ཏེ་ཐོག་མའི་རྡོ་རྗེ་ཆེན་པོ་གསོར་ནས་རང་གི་སྙིང་ཀར་བསྟོད་པའི་ཚུལ་གྱིས
287a8 འཛིན་ཅིང་བདེ་བ་ཆེན་པོ་རྡོ་རྗེ་དོན་ཡོད་པའི་དམ་ཚིག་ཅེས་བྱ་བ་རང་གི་དེ་ཁོ་ན་ཉིད་ཀྱི་སྙིང་པོ་འདི་སྨྲས་སོ། །ཧཱུ~ཾ། དེ་ནས་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་ཀྱིས་ཡང་དེ་བཞིན
iiif viewer powered by OpenSeadragon
