| e-texts navigator |
| Wylie |
152b1 ཁང་པ་བཞི་ལ་ཟུར་རེ་མཛེས། །ཡོངས་སུ་དག་པར་བཀོད་བྱས་ནས། །མཆོད་དང་གཏོར་མ་བྱས་ནས་ནི། །སྤོ་བ་དག་ནི་བརྩམ་པར་བྱ། །ལས་ཀྱི་དབྱེ་བ་ཇི་ལྟ་བར། །འཁོར་ལོའི་རས་ནི་བླངས་བྱ་སྟེ། །ཞི་བ་དང་ནི་རྒྱས་པ་ལ། །ཤིན་དུ་དགེ་བའི་རས
152b2 ལ་བྱ། །དབང་དང་དགུག་པ་སྨད་འཚོང་སོགས། །བསད་དང་དབྱེ་དང་བསྐྲད་པ་དང་། །མནན་པ་ལ་ནི་དུར་ཁྲོད་རས། །གི་ཧ~ཾ་གུར་གུམ་ཞི་རྒྱས་ལ། །དབང་དང་དགུག་ལ་ཙན་དན་དམར། །མནན་པ་ལ་ནི་ལྡོང་རོས་སོགས། །བསྐྲད་ལ་བྱ་རོག་ཁྲག
152b3 གིས་ཏེ། །དབྱེ་ལ་རྟ་དང་མ་ཧེའི་འོ། །བསད་ལ་དུག་ལ་སོགས་པས་བྲི། །དགེ་བའི་རས་ལ་བཟང་པོའི་ཤིང་། །དགེ་མིན་ལ་ནི་རུས་པ་དང་། །ལྕགས་ལ་སོགས་པས་བྲི་བར་བྱ། །ཞི་བ་ཤར་བལྟས་དབང་ལ་ནུབ། །རྒྱས་པ་བྱང་སྟེ་དྲག་པོ་ལྷོ། །
152b4 གཞན་ཡང་ཅི་རིགས་སྦྱར་བར་བྱ། །ཞི་རྒྱས་དབང་དང་དགུག་པ་ལ། །ས་བསྐོར་རིམ་བཞིན་དགོད་བྱས་ཏེ། །གནམ་སྐོར་དག་ནི་རིམ་ལས་བཟློག་།བསད་བསྐྲད་དབྱེ་དང་མནན་པ་ལ། །ས་སྐོར་རིམ་ལས་བཟློག་པ་སྟེ། །གནམ་བསྐོར་དག་ནི
152b5 རིམ་བཞིན་བྲི། །འདི་ལྟར་ལེགས་པར་མ་བྲིས་ན། །འཁོར་ལོ་རང་ལ་ལྡོག་པར་འགྱུར། །དེ་བས་ནན་ཏན་བསྐྱེད་དེ་བྱ། །རས་ཀྱི་འཁོར་ལོ་ལེགས་ཟིན་ནས། །མཎྜལ་ལ་གནས་འཁོར་ལོ་དེ། །རས་ཀྱི་འཁོར་ལོ་སྤྱན་དྲངས་ཏེ། །རྡོ་རྗེ་བསྡུ
152b6 བའི་སྦྱོར་བ་ཡིས། །མཎྜལ་འཁོར་ལོ་བསྡུ་བར་བྱ། །རས་ཀྱི་འཁོར་ལོ་མཆོད་ནས་ནི། །བདེན་པའི་བྱིན་བརླབས་དམིགས་པར་བྱ། །ཇི་ལྟར་གསུངས་པའི་ཆོ་ག་བཞིན། །འཁོར་ལོ་སྦ་བ་བྱས་ནས་ནི། །གསང་སྔགས་བཟླས་པ་བརྩམ
152b7 པར་བྱ། །ོ~ཾ`་བཛྲ་ས་མ་ཡ་སྟྭ~ཾ། །དམ་ཚིག་གི་སྔགས་སོ། །ོ~ཾ`་བཛྲ་བེ་ག་ཧཱུ~ཾ། །རྡོ་རྗེ་ཤུགས་ཀྱི་སྔགས་སོ། །ོ~ཾ`་ཨ་ས་མེ་ཏྲི་ས་མེ་མ་ཧཱ་ས་མ་ཡེ་སྭཱ་ཧཱ། ཡི་གེ་བསྲེ་བའི་སྔགས་སོ། །ོ~ཾ`་བཛྲ་ས་མཱ་ཛཿ། འཁོར་ལོ་སྤོ་བའི་སྔགས་སོ། །
152b8 ཨོ~ཾ`་ཡ་མ་རཱ་ཛཱ་ས་དོ་མེ་ཡ། ཡ་མེ་དོ་རུ་ཎ་ཡོ་ད་ཡ། ཡ་ད་ཡོ་ནི་ཀྵེ་ཡ། ཡ་ཀྵེ་ཡཙྪ་ནི་རཱ་མ་ཡ་ཕཊ་ཕཊ། འདི་ནི་རྩ་བའི་གསང་སྔགས་ཏེ་ལས་ཐམས་ཅད་པའོ། །ོ~ཾ`་ཧྲཱི་ཥྚྲཱིཿཝི་ཀྲྀ་ཏཱ་ན་ན་ཧཱུ~ཾ་ཕཊ། འདི་ནི་ལས་ཀྱི་གསང་སྔགས་ཏེ་ལས་ཐམས་ཅད་པའོ། །
iiif viewer powered by OpenSeadragon
