| e-texts navigator |
| Wylie |
151b1 ཕྱོགས། །དྲག་པོ་ཉི་མ་ཡན་ལག་ས། །ཚེས་ཞེས་བྱ་བར་རབ་ཏུ་གྲགས། །ཕྱི་རོལ་མུ་ཁྱུད་ཐ་མ་ལ། །ཤར་གྱི་ཚངས་ཐིག་ནས་བརྩམས་ཏེ། །རིམ་མིན་གཟའ་ཅན་ཁང་པ་ནས། །ཡི་གེ་བཀྲ་ཤིས་ཙམ་བླངས་ཏེ། །ནང་གི་ངོས་ཀྱི་མུ་ཁྱུད་ཀྱི། །ཚངས
151b2 ཐིག་གི་ནི་ངོས་དག་ལ། །ཕྱོགས་བཞིར་མིག་གི་ཚད་དུ་སྦྱིན། །རིམ་མིན་ཕྱོགས་ཅན་ཁང་པ་ནས། །ཡི་གེ་མིག་གི་ཚད་བླངས་ཏེ། །ཤར་དུ་དེ་ཡི་གཡས་གཡོན་གཞག་།རིམ་མིན་བཀྲ་ཤིས་ཁང་པ་ནས། །དབྱངས་ཡིག་གཉིས་པ་ཅན་བླངས
151b3 ཏེ། །མིག་གི་ཚད་དུ་བྱས་ནས་ནི། །དེ་ཡི་ངོས་ལ་རེ་རེ་གཞག་།ནུབ་ཀྱི་ཚངས་ཐིག་ནས་བགྲངས་པའི། །རྒྱ་མཚོ་ཅན་གྱི་ཁང་པ་ནས། །དབྱངས་ཡིག་བཅུ་གཅིག་དང་ལྡན་པ། །མིག་གི་ཚད་དུ་བླངས་ནས་ནི། །ལྷོ་ཕྱོགས་དེ་ཡི་གཡས་གཡོན
151b4 གཞག་། ནུབ་ནས་རིམ་པ་མིན་པ་ཡི། །ཟླ་བ་ཅན་གྱི་ཁང་པ་ནས། །དབྱངས་ཡིག་བཅུ་གསུམ་དང་ལྡན་པ། །མིག་གི་ཚད་དུ་བླངས་ནས་ནི། །ལྷོ་རུ་དེ་རྗེས་སྦྱིན་པར་བྱ། །དེ་ཉིད་དབྱངས་ཡིག་གསལ་བ་ནི། །མིག་གི་ཚད་དུ་བླངས་ནས་ནི། །སྔོན་བཞིན
151b5 ནུབ་ཀྱི་ངོས་སུ་སྦྱིན། །ནུབ་ནས་བཀྲ་ཤིས་ཁང་པ་ནས། །དབྱངས་ཡིག་བཅུ་གསུམ་པར་ལྡན་པ། །མིག་གི་ཚད་དུ་བླངས་ནས་ནི། །ནུབ་ཀྱི་ངོས་ལ་དེ་བཞིན་སྦྱིན། །བྱང་ནས་བཀྲ་ཤིས་ཁང་པ་ནས། །དབྱངས་ཡིག་བཅུ་གཅིག་པར་ལྡན་པ། །
151b6 མིག་གི་ཚད་དུ་བླངས་ནས་ནི། །བྱང་གི་ངོས་ལ་དེ་བཞིན་སྦྱིན། །རླུང་གི་ས་བོན་ཞེས་བྱ་བ། །མིག་གི་ཚད་བླངས་དེ་རྗེས་སྦྱིན། །མདའ་ཅན་ཁང་པ་ནང་གནས་པ། །འོད་ཀྱི་གོང་བུར་བྱས་པ་དང་། །དེ་ཉིད་ནས་ནི་བགྲངས་པ་ཡི། །ས་ཅན་ཁང་པ
151b7 ལ་གནས་པ། །དབྱངས་ཡིག་གསུམ་པར་ལྡན་པ་དག་།ཟླ་བའི་ཚད་དུ་བླངས་ནས་ནི། །བྱང་ཤར་མཚམས་སུ་རེ་རེ་སྦྱིན། །རྒྱ་མཚོའི་ཁང་པ་ན་གནས་པ། །དབྱངས་ཡིག་གཉིས་པ་དང་ལྡན་དག་།རིམ་མིན་ཡོན་ཏན་ཁང་པ་ནས། །ཟླ་བའི་ཚད
151b8 དུ་བཟུང་ནས་ནི། །ཤར་ལྷོའི་མཚམས་སུ་དེ་བཞིན་སྦྱིན། །རིམ་མིན་བཀྲ་ཤིས་ཁང་པ་ནས། །དབྱངས་ཡིག་ལྔ་པ་ལྡན་པ་དག་།ཡན་ལག་ཅན་གྱི་ཁང་པ་ནས། །ཟླ་བའི་ཚད་དུ་བླངས་ནས་ནི། །ལྷོ་ནུབ་མཚམས་སུ་དེ་བཞིན་སྦྱིན། །རིམ་མིན་ཚེས
iiif viewer powered by OpenSeadragon
