| e-texts navigator |
| Wylie |
130b1 པོ་ཚིམ་བྱ་གཏོར་མ་དང་། །བསྟོད་བཟླས་མཉེས་པར་བྱ་བ་དང་། །དབང་གི་དབྱེ་བ་བསྟན་པ་དང་། །དཀྱིལ་འཁོར་འཇུག་པར་བྱ་བ་དང་། །དེ་ཡི་ས་ལ་མཆོད་པ་སོགས། །ཅོད་པན་དུ་ནི་བདེ་གཤེགས་གཞག་།མངོན་སྤྱོད
130b2 ཧོམ་གྱི་ཆོ་ག་དང་། །བསྡུས་ནས་བར་དུ་རྣམ་པ་བརྒྱད། །པད་མ་དཀར་འདྲ་མགྲིན་པ་རིང་། །གཟུགས་མཛེས་ཧ་ཅང་རིང་བ་མིན། །ལུས་ལ་རྡུལ་བྱུང་ཡིད་འཕྲོག་མ། །དྲི་ནི་ཤིན་ཏུའང་ཞིམ་པ་ཡིན། །ལྟ་སྟངས་མིག་སོགས
130b3 རི་དག་འདྲ། །མགྲིན་དང་ལྟོ་བའང་རི་དགས་ཀྱི། །སྐལ་བཟང་རྐར་པའང་རི་དགས་ཀྱི། །གླང་ཆེན་དྲི་ལྡན་བཞིན་འཕེལ་ཆེ། །མྱོས་ཤིང་ནུ་མ་རབ་ཏུ་རྒྱས། །གཞན་ཡང་ཀུན་རྫོབ་བདེན་པ་ནི། །བོང་ཐུང་དེ་ཡི
130b4 སྐྲ་ཡང་ཐུང་། །རྐང་ལག་རིང་ཞིང་བཞིན་རིང་མ། །ཉ་ཡི་དྲི་བྲོ་བོང་རིང་མ། །ཟླ་འདྲ་སྐྱེ་གནས་རབ་ཏུ་རིང་། །སྐྱེ་གནས་ཆུང་ཞིང་ཡན་ལག་རྩུབ། །བོང་རིང་དེ་བཞིན་ནུ་མ་མཁྲང་། །སྐྲ་སྲབ་དལ་སྨྲ་ཡན་ལག་ཆུང་། །
130b5 སྔོ་བསངས་རི་མོ་མཉམ་པ་དེ། །གསང་བ་ཤེས་རབ་རྣམ་གཉིས་ལ། །རིག་མར་ང་ཡིས་བསྒྲགས་པ་ཡིན། །ངང་པའི་འགྲོས་ཅན་སྐྲ་འཁྱིལ་མ། །བཞིན་ཟླུམ་ནུ་རྒྱས་ལུས་ཀྱང་རྒྱས། །ཤིན་ཏུ་རིང་མིན་དལ་བར
130b6 སྨྲ། །དབུས་ནས་རྣ་འཕྱང་གཉེར་གསུམ་ཅན། །མཚན་ཉིད་ངན་ཞིང་ལེ་ལོ་ཆེ། །ཡན་ལག་ནག་ཅིང་སྐྲ་འཁྱིལ་མ། །ཁང་པར་གནས་ཤིང་ལུས་རྩུབ་མ། །ས་ལིའི་དྲི་འབྱུང་ས་ལི་བྲོ། །ནུ་ཡངས་དེ་ནི་སྐྱེས་བུ་བཞིན། །
130b7 ཆང་གིས་མྱོས་པའི་དཔའ་མོ་སྟེ། །ཆང་ལ་ཤིན་དུ་ཆགས་པ་ཡིན། །དེ་གཉིས་དེ་ལ་ཤིས་པ་ཡིན། །ཐ་མ་ཐ་མར་ངེས་པར་ཡིན། །འཆི་བའི་བསམ་གཏན་དེ་ཉིད་ནི། །བདེ་བ་དམ་པ་ཁོ་བོས་འདོད། །འདི་ལའང་བདེ་བ་དེ་ཉིད
130b8 ཡིན། །ཀ་སོགས་སྤངས་པའི་ཨཱ་ལི་ནི། །བཅུ་དྲུག་ཡིན་ཏེ་ཕྲག་གཉིས་པོ། །འཁོར་ལོ་སོགས་པའི་ས་བོན་ཡིན། །ཟླ་བ་དེ་དག་སུམ་ཅུ་གཉིས། ། སོགས་སྤངས་པའི་ཀཱ་ལི་སྟེ། །བཅུ་བདུན་གཉིས་པ་དེ་སྟེང་དུ། །
iiif viewer powered by OpenSeadragon
