| e-texts navigator |
| Wylie |
130a1 རྟེན་མེད་སྟོང་པ་ནམ་མཁའ་འདྲ། །ཤེས་རབ་ཕ་རོལ་ཕྱིན་པ་ཡི། །ཕྱག་རྒྱ་ཆེན་པོ་དབང་དུ་འགྱུར། །བདེ་གཤེགས་ཀུན་དང་མཉམ་འགྱུར་བ། །ཤེས་རབ་དང་ནི་སྙིང་རྗེ་ཆེས། །འགག་པ་མེད་པའི་ཆོས་འགྱུར་རོ། །
130a2 བདེ་ཆེན་ནམ་མཁའ་ལྟ་བུ་སྟེ། །རྣལ་འབྱོར་པ་ཡི་དམིགས་པ་ཡིན། །མདོག་ནག་འདབ་བརྒྱད་ལྟ་བུ་ལ། །རྒྱ་དང་ཟབས་སུ་སོར་མོ་ནི། །ཉི་ཤུ་དེ་བཞིན་བཅུ་པའི་ཐབ། །བྱང་དུ་རྩེ་མོ་བསྟན་པ་ལ། །རྡོ་རྗེ་ཐོ་བའི་མཚན
130a3 མ་དེ། །སོར་ནི་བཞི་པར་བྲི་བར་བྱ། །དེ་སྟེང་སོར་མོ་གསུམ་བོར་བར། །ཁ་ཁྱེར་ཀྱང་ནི་དེ་ཡི་ཚད། །ས་ནག་བོང་བུ་རྔ་མོའི་སྦངས། །མི་རུས་འབྲས་ཀྱི་ཕུབ་མ་དང་། །སོལ་བའི་ཕྱེ་མས་རྣམ་བྱུགས་ལ། །མི་ཞིམ་དྲི་དང་བདུག
130a4 པས་མཆོད། །དུར་ཁྲོད་ཤིང་ངམ་བོང་བུ་དང་། །རྔ་མོའི་སྦངས་སྐམ་བུད་ཤིང་ངོ་། །སོར་གཅིག་གིས་ནི་དམའ་བ་ཡིན། །ནིམ་པ་དེ་བཞིན་སེང་ལྡེང་དང་། །སེ་བ་དེ་བཞིན་བསེ་ཤིང་དང་། །དུར་ཁྲོད་ཤིང་བུ་སོར་བཅུ་པ། །
130a5 རྩ་བའི་ཆ་ལས་རྣམ་བྱུང་བ། །དུར་ཁྲོད་མར་ཁུ་རྣམས་བསྙུགས་ལ། །དེ་ཡིས་ཡམ་ཤིང་བྱ་བ་ཡིན། །བྱ་རོག་འུག་པའི་གཤོག་པ་དང་། །ནིམ་པའི་འདབ་མ་ཐལ་བ་དང་། །རྐང་རྗེས་ས་དང་བོང་བུ་དང་། །རྔ་མོ་སོགས་ཀྱི
130a6 སྦངས་དང་ནི། །སྐྲ་དང་ཞག་དང་བཤང་བ་དང་། །གཅི་བ་མི་རུས་ཡུངས་ཀར་དང་། །ཡུངས་མར་ངག་དང་ལན་ཚྭ་དང་། །དེ་ལ་སོགས་པ་རེ་རེ་ཞིང་། །ཇི་ལྟར་རྙེད་པའི་རྫས་རྣམས་ནི། །དུག་དང་ཁྲག་དང་སྨྱོ་བྱེད་ཀྱི། །
130a7 འདབ་ཁུང་ཐལ་བ་སོལ་བ་དང་། །འབྲས་ཀྱི་ཕུབ་མ་ལ་སོགས་ལ། །དགྲ་བོ་དག་གི་གཟུགས་བྱས་ལ། །མགོ་ནས་བརྩམས་ཏེ་རལ་གྲི་ཡིས། །དུམ་བུར་གཏུབ་ཅིང་ལྕགས་ཕོར་དུ། །ཁྲག་དང་ཆུ་དང་མི་རྣམས་དང་། །བོང་བུའི
130a8 གཅིན་ལ་ཕཊ་ལྡན་པའི། །གདུག་པའི་ཡི་གེ་རྣམས་བཟླས་པའི། །རྫས་ལ་བསང་གཏོར་བྱས་ནས་ཀྱང་། །སློབ་དཔོན་ལ་སྡང་རྨོངས་པ་འདི། །བརྗོད་ཅིང་སྦྱིན་སྲེག་དབུལ་བར་བྱ། །དེ་ལ་འདི་སྐད་ཅེས་བྱ་སྟེ། །འབྱུང
iiif viewer powered by OpenSeadragon
