| e-texts navigator |
| Wylie |
129b1 པས། །ཆུ་བླངས་བསྐྱོད་པས་དབུལ་བར་བྱ། །ོཾ་པཱ་ཏྱ~ཾ་མཐར་ནི་སྔོན་གྱི་བརྗོད། །ཞབས་བཀྲུ་བ་ལ་ཤིས་པ་ཡིས། །དགང་གཟར་ཡུ་བ་སོར་བཅུ་དྲུག་།དེ་མིན་སོར་བཞི་ཟབས་སོར་གཉིས། །ཟུར་གསུམ་དབུས་སུ་སོར་གཉིས
129b2 ཚད། །རྩེ་གསུམ་ཕྲེང་བས་ཡོངས་སུ་བསྐོར། །དེ་ཡི་དབུས་སུའང་མཚན་མ་སྟེ། །སྟག་སྦྲུལ་གང་འདོད་པས་མཚན་བྱ། །ཁུ་བཅུད་འཛག་པ་སོར་གཅིག་གོ། ཁྲོ་བོ་རྡོ་རྗེ་མཆུ་ཡི་དབྱིབས། །བྱིན་བརླབས་སོར་གཅིག་ཚད་ཅན་ནོ། །
129b3 བླུགས་གཟར་ཡུ་བ་སོར་བཅུ་བཞི། །ཟབས་སུ་སོར་གཅིག་གྲུ་གསུམ་དང་། །ཡུ་བའི་མཐར་ནི་རྩེ་གསུམ་པ། །གདེངས་པ་བྱིན་བརླབས་མངོན་སྤྱོད་ཀྱི། །གཟར་བུ་ཡིན་པར་ང་ཡིས་བསྟན། །གནམ་ལྕགས་ཚེར་མ་ཅན་སོགས་ཤིང་། །
129b4 དེ་ལ་དེ་བྱས་སངས་རྒྱས་འཇིགས། །བསྲེག་རྫས་གཟུགས་བརྙན་ལ་སོགས་བསྲེག་།སྟོང་དུ་ཚང་པས་འབྲས་བུ་ནི། །ངེས་པར་འབྱིན་པར་བྱེད་མ་ཡིན། །གཡོན་གྱི་རྩ་དེར་དགང་གཟར་ལ། །གཡས་པ་བླུགས་པའི་གཟར་བུ་ཡིན། །
129b5 ཁ་ནི་པད་མའི་འདབ་མ་ཡིན། །སོར་མོ་གཉིས་པར་དེ་རྒྱས་སོ། །རྡོ་རྗེ་བར་གྱི་ཐོད་པ་དག་།བསྲེག་རྫས་ཀྱི་ནི་སྣོད་ཡིན་ལ། །རྫས་རྣམས་རྡོ་རྗེ་རིན་ཆེན་དཔལ། །ཧཱུ~ཾ་ཕཊ་ཀྱི་ནི་མཐའ་ཅན་གྱིས། །བསྲེག་བྱ་ས་ཆུ་མེ་དང་རླུང་། །
129b6 ནམ་མཁའ་ལྟ་བུའི་དབུས་སུ་གནས། །ཁ་བྱེ་གནས་པ་རྟག་ཏུའོ། །ཀུན་ཏུའང་ཁ་ཕྱེ་བསྐོར་བར་བྱ། །བཞི་གཉིས་འདབ་མའི་སྟེང་དུ་སྟེ། །ལྟེ་བ་དང་ནི་ཡང་དག་ལྡན། །ལྷན་ཅིག་རྣམ་པར་ཤེས་པའི་ལྷ། །ནམ་མཁའ་ཉིད་དུ
129b7 ངེས་པར་འབར། །དེ་ཡི་མཚན་མར་ཤེས་བྱ་བ། །རྡུལ་གྱི་རྣམ་པར་དེ་ཉིད་དོ། །ཐིག་ལེ་ཡི་གེ་མེད་པ་སྟེ། །རྒྱུན་མི་འཆད་པར་འོད་ཀྱིས་གནས། །བརྒྱར་གཤགས་སྐྲ་ཡི་ཚད་ཀྱིས་སོ། །རྒྷས་རབ་ཏུ་སྦར་བར་བྱ། །
129b8 སྔར་གསུངས་འབྱུང་བ་རྣམ་བཞི་དང་། །ནམ་མཁར་ཡང་དག་ལྡན་པ་ཡི། །སོར་མོ་ལྔ་དང་ངེས་ལྡན་པས། །གང་གི་སྦྱིན་སྲེག་དེས་བྱའོ། །གཞན་དག་སོར་མོ་གསུམ་གྱིས་བསྲེག་།དམིགས་པ་ཐམས་ཅད་འགག་པར་འགྱུར། །
iiif viewer powered by OpenSeadragon
