| e-texts navigator |
| Wylie |
128b1 པའི་བདག་ཉིད་ལ། །ུ་ནི་ཧཱུ~ཾ་གི་བདག་ཉིད་དེ། །དེ་ནི་སེམས་ཀྱི་རང་བཞིན་ཉིད། །དགའ་ལས་འདས་པའི་ཡེ་ཤེས་ཏེ། །ཐབས་ནི་ཤེས་རབ་ལྡན་པ་ལས། །དུས་ཐབས་བསྟེན་པའི་བདག་ཉིད་ཀྱིས། །འཐོབ་སྟེ་གཞན་དུ་དེ་མི
128b2 འཐོབ། །ཆུ་འགྲམ་ཆེན་པོ་བས་མཐའ་དང་། །དུར་ཁྲོད་ཤིང་དྲུང་དགོན་པ་སྟེ། །དབེན་པའི་ཡུལ་དང་མ་མོའི་ཁྱིམ། །དེར་ནི་མགོན་པོ་འདི་ལ་འབད། །གཞན་དུ་བསྒྲུབས་ཀྱང་དེ་མི་འགྲུབ། །སྐད་ཅིག་དེ་ལ་རང་བཞིན
128b3 ཀུན། །ངེས་པར་མི་སྣང་རིག་པ་ཡི། །ལམ་དུ་གྱུར་པ་མེད་པར་ཤེས། །འབྲས་བུ་དེ་ནི་རྒྱ་ཆེན་ཏེ། །མཐའ་ཡི་འཐོབ་པ་དེ་ཡིན་ནོ། །དེ་ནས་ཡང་ཐམས་ཅད་ཀྱི་བདག་པོ་བདེ་བར་གཤེགས་པས་རྡོ་རྗེ་སའི་ཆོ་ག་གསུངས་པ་ནི། །
128b4 སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་གྱིས། །ས་དང་ཕ་རོལ་ཕྱིན་པ་ལ། །ལྷ་མོ་ཁྱོད་ནི་དབང་དུ་གྱུར། །བསྲུང་བའི་དཀྱིལ་འཁོར་རབ་གནས་པས། །སྡང་བའི་ལོག་འདྲེན་སྐྱེ་བོ་དང་། །བགེགས་རྣམས
128b5 བསལ་བ་འདི་སྐད་གསུངས། །དཔལ་ལྡན་བདག་ནི་རྡོ་རྗེ་འཛིན། །བསྲུང་བའི་འཁོར་ལོ་རབ་སྦྱོར་བས། །བདག་གིས་ཡེ་ཤེས་རྡོ་རྗེ་ཡིས། །ལུས་ངག་ཡིད་དུ་བཅས་པ་དག་།སངས་རྒྱས་ཀུན་གྱི་བདག་ཉིད་ནི། །ཁྲོ་བོ
128b6 གཤིན་རྗེ་ནག་པོའི་བདག་། སློབ་དཔོན་གྱིས་ནི་དཀྱིལ་འཁོར་བྲི། །ཞེས་ལན་གསུམ་གྱི་བར་དུ་བརྗོད་པར་བྱའོ། །དཀྱིལ་འཁོར་གྱི་ནི་དྲུང་ཉིད་དུ། །དར་གྱིས་གདོང་ནི་བཀབ་པ་ལ། །སྒོ་དྲུང་གནས་པ་ཁྱོད་གང་ཡིན། །སློབ་དཔོན
128b7 གྱིས་ནི་རབ་བརྗོད་དེ། །དེས་བདག་སྐལ་བ་ལྡན་པར་བརྗོད། །ཇི་ལྟར་བླ་མེད་དཔའ་བོ་ཡིས། །མགོན་ལ་དབང་ནི་བསྐུར་བ་བཞིན། །བླ་མེད་བྱང་ཆུབ་གནས་བྱའི་ཕྱིར། །བདག་ལའང་མགོན་པོས་དབང་བསྐུར་གསོལ། །
128b8 མེ་ཏོག་སོགས་ཏེ་མཆོད་པའི་མཆོག་།རབ་འབྱམ་རྒྱ་མཚོ་མ་ལུས་པས། །སློབ་དཔོན་དཔའ་བོ་དེ་ཉིད་ལ། །ཡང་ཡང་མཆོད་ཅིང་བསྟོད་པའི་ཚོགས། །རྒྱས་པར་མཉེས་བྱ་དེ་འོག་ཏུ། །དཔའ་བོས་དེ་ལ་དབང་རྣམས
iiif viewer powered by OpenSeadragon
