| e-texts navigator |
| Wylie |
293b1 བཛྲ་ཨཱ་ལོ་ཀེ་པཱུ་ཛ་མེ་ཧཱུ~ཾ། ཇི་སྲིད་ཐམས་ཅད་མཆོད་པ་ཆེ། །ཇི་སྲིད་མཆོད་པ་བདེ་བ་ཆེ། །ཇི་སྲིད་མཆོད་པ་བླ་ན་མེད། །ཇི་སྲིད་མཆོད་པ་ཡང་དག་ཆེ། །ེ་མ་ཧོ། ལེའུ་བཅུ་གཉིས་པའོ།། །། དེ་ནས་གཞན་ཡང
293b2 བཤད་བྱ་བ། །བཅོམ་ལྡན་གསང་བ་གོས་སྔོན་ཅན། །བསྡུ་བ་ཐབས་ཀྱི་ཏིང་འཛིན་གྱིས། །འཁོར་གྱི་ཀླུ་རྣམས་སྡུད་མཛད་ནས། །མེ་ཡི་འཁོར་ལོ་སྙོམས་ཞུགས་ཚེ། །གསད་པ་མེ་ཡི་སྔགས་བཟླས་པས། །
293b3 ཀླུ་རྣམས་མ་ལུས་ཚིག་པར་མཛད། །བྲལ་ནས་དཔག་ཚད་གནས་སུ་བྲོས། །སླར་བསྡུས་བདུད་རྩི་སྨན་གྱིས་གསོས། །ལས་བཅོལ་སོ་སོའི་གནས་སུ་འཁོད། །དེ་ནས་ཁམས་གསུམ་རྣམ་པར་རྒྱལ། །ཐལ་མོ
293b4 སྦྱར་ནས་འདི་སྐད་གསོལ། །མེ་བརྒྱད་འཁོར་ལོའི་བདག་ཉིད་ཆེ། །རྟག་ཏུ་མེ་ཡི་ཏིང་འཛིན་ལ། །སྙོམས་ཞུགས་ཁྱོད་ནི་རྒྱལ་གྱུར་ཅིག་།བདེ་བའི་རོལ་མོ་མེ་ཀློང་དུ། །བསྲེགས་མཛད་མེ་བརྒྱད་ཁྱོད་ཕྱག་འཚལ། །རང་བཞིན་རྣམ་དག་ཁྱོད་ཕྱག་འཚལ།།
293b5 དག་ཕྱག་ཆུ་ཡི་ངང་ལ་གནས་འདོད་ན། །ཆུ་བརྒྱད་ཏིང་འཛིན་ལ་གནས་ཏེ། །དེ་ཚེ་འཁོར་གྱིས་འདི་སྐད་བསྟོད། །ཆུ་བརྒྱད་འཁོར་ལོའི་བདག་ཉིད་ཆེ། །རྟག་པ་ཆུ་ཡི་དཀྱིལ་འཁོར་ཅན། །འབྱུང་བའི་གཙོ་བོ་ཆུ་ཡི་བདག་།
293b6 ཆུ་བརྒྱད་མངའ་བདག་ཁྱོད་ཕྱག་འཚལ། །རླུང་བརྒྱད་ཏིང་འཛིན་ལ་གནས་ན། །འཐོར་ཞིང་འབུད་པའི་བདག་ཉིད་ཆེ། །རླུང་ཆེན་དྲག་པོ་རྩལ་ཤུགས་ལྡན། །རླུང་ལྷ་གོས་སྔོན་ཁྱོད་ཕྱག་འཚལ། །ས་ཡི་ཏིང་འཛིན
293b7 ལ་གནས་ནས། །མི་གཡོ་བརྟན་པའི་ལས་མཛད་པ། །གསེར་ལྡན་རོལ་མོ་སྣ་ཚོགས་ལྡན། །ས་བརྒྱད་འཁོར་ལོ་ཁྱོད་ཕྱག་འཚལ། །ལེའུ་བཅུ་གསུམ་པའོ།། །། དེ་ནས་དཔལ་ལྡན་གོས་སྔོན་ཅན། །ཕྲ་མོའི
293b8 ཏིང་འཛིན་ལ་གནས་ནས། །འཁོར་གྱི་གནོད་སྦྱིན་མང་པོ་ཀུན། །ཤིན་ཏུ་ཡིད་དགའ་དད་པས་ཞུས། །ཕྲ་མོའི་ཐིག་ལེ་ཆེན་པོ་ཡིས། །ཅིར་སྣང་དངོས་པོ་གཅིག་ཏུ་འདུས། །དེ་ཉིད་མཐའ་འདས་རང་བཞིན་མེད། །དེ་ནས
iiif viewer powered by OpenSeadragon
