| e-texts navigator |
| Wylie |
292a1 དྲག་པོ་ཆེན་པོ་རབ་འབར་བའི། །ཏིང་ངེ་འཛིན་ལ་སྙོམས་ཞུགས་ནས། །འཁོར་གྱི་ཀླུ་ཚོགས་དབང་བསྡུས་ཏེ། །ཉེན་རྣམས་བཟློག་པའི་ཆོ་གར་གསུངས། །གནས་ཁང་རིམ་པ་གསུམ་དག་ལ། །ཕྱི་རོལ
292a2 སྨེ་བསྲེགས་དབྲལ་བར་བྱ། །བར་དུ་ཕྱི་ནང་ཁྲུས་བྱས་ཏེ། །མཉེས་པའི་ལས་ཀྱང་ཅི་ནུས་བྱ། །ནང་དུ་བུམ་པའི་དབང་བསྐུར་བས། །ཉེན་རྣམས་བཟློག་ལ་ཐེ་ཚོམ་མེད། །ཀྱེ་ཧོ་ཉེན་རྣམས་འདུལ་བའི་མཆོག་།ེ་མ
292a3 གསང་ཆེན་དྲག་པོ་ཆེ། །ེ་མ་མ་རུངས་འཇིགས་པ་ཅན། །ེ་མ་གསང་སྔགས་རྣལ་འབྱོར་ཆེ། །ཕྱག་ན་རྡོ་རྗེ་ཁྱོད་ཕྱག་འཚལ། །ཕྱོགས་བྲལ་ཁྲོ་བོ་ཁྱོད་ཕྱག་འཚལ། །ལེའུ་བདུན་པའོ།། །། དེ་སྐད་ཅེས་གསུངས
292a4 ནས་འཁོར་ཐམས་ཅད་དགའ་བའི་རྗེས་ལས། འདི་སྐད་ཅེས་བཀའ་སྩལ་ཏོ། །ཐམས་ཅད་ལྡན་པའི་གཏོར་མ་ལ། །ར~ཾ་གྱིས་སྦྱངས་ནས་ཡ~ཾ་གིས་བུས། །ཁ~ཾ་གིས་བཀྲུས་ཏེ་དག་པ་ལ། །བ~ཾ་ལས་བདུད་རྩི་ཆུ་རྒྱུན
292a5 བསྐྱེད། །ཡ~ཾ་ར~ཾ་དབབ་པའི་སྦྱོར་བ་བྱ། །ཛཿཡིས་བཀུག་སྟེ་གཏོར་མ་བསྟིམ། །བསམ་གཏན་ལྷ་མོས་མཆོད་པ་འབུལ། །དེ་ནས་འཁོར་ལ་འདི་སྐད་བསྒོས། །ང་ནི་ཁྲོ་བོ་གོས་སྔོན་ཅན། །སངས་རྒྱས་ཐམས
292a6 ཅད་འདུས་པའི་སྐུ། །སངས་རྒྱས་ཀུན་གྱིས་བྱིན་གྱིས་བརླབས། །དབང་བསྐུར་མཆོག་ཐོབ་ང་ཡི་སྐུ། །ཅི་སྟེ་ང་ཡི་དམ་འདས་ན། །གཏོར་མ་དུག་གི་རང་བཞིན་གྱིས། །ཁྱེད་རྣམས་ཐལ་བའི་རྡུལ་དུ་རློགས།།
292a7 གལ་ཏེ་དམ་ཚིག་མ་འདས་ན། །གཏོར་མ་ཡེ་ཤེས་བདུད་རྩི་ཡིས། །ཁྱེད་ཀྱི་སྒོ་གསུམ་སྒྲིབ་སྦྱངས་ནས། །ངེས་པར་ལེགས་པའི་ཡོན་ཏན་ཐོབ། །ོཾ་ཨ་ཀཱ་རོ་མུ་ཁ~ཾ་སརྦ་དྷརྨཱ་ཎཱ~ཾ་ཨཱདྱ་ནུད་པན་ན་ཏྭད་ཨོཾ
292a8 ཨཱཿཧཱུ~ཾ་སྭཱ་ཧཱ། ལེའུ་བརྒྱད་པའོ།། །། དེ་ནས་དཔལ་ལྡན་གོས་སྔོན་ཅན། །གདུལ་དཀའ་འདུལ་བའི་བདག་པོ་དེས། །བསམ་གཏན་འཁོར་ལོ་མེད་པ་ལ། །སྔགས་ཀྱི་ངེས་པ་བཤད་པར་བྱ། །
iiif viewer powered by OpenSeadragon
