| e-texts navigator |
| Wylie |
45b1 ནས་རྔ་ལྤགས་ལྷམ་གོན་ན། །ཆུ་ཡི་སྟེང་ན་འགྲོ་བར་འགྱུར། །ས་བཀོང་ཚ་ཉའི་ཚེར་མ་དག་།བསྡུས་ནས་ཚང་ཚིང་ཁྱིམ་སྦས་ན། །ཆང་རྣམས་རླག་སྟེ་ཕྱུང་ནས་ནི། །བཟང་པོ་ཉིད་དུ་འགྱུར་བ་ཡིན། །རྫ་མཁན་རྫ་མ་བསྲེགས
45b2 པའི་མེ། །ཐོགས་གིས་བཅགས་པའི་ཤིང་བཙུགས་ན། །དེ་མེ་འབར་བར་མི་འགྱུར་ཏེ། །ཆང་བླུགས་སླར་ཡང་འབར་བར་འགྱུར། །ཟོང་ལ་གོང་བསྟན་སྔགས་བཟླས་ནས། །སྔོན་སྔགས་ཚོང་པ་རྣམས་བསྟན་ན། །རྣལ་འབྱོར
45b3 པ་ཡིས་ཚོང་འགྲུབ་སྟེ། །ཚོང་པ་རྣམས་ལས་ཁེ་ཆེར་རྙེད། །ཆང་གི་ས་བོན་བྱེད་པ་ལ། །སྤྲེའུའི་མི་གཙང་བཅུག་གྱུར་ན། །ཆང་སྣོད་བཅས་པ་རླག་པར་འགྱུར། །བ་ཀུ་ལས་བཀྲུས་སྤྱད་དུ་རུང་། །བ་ཀུ་ལ་ཡི་ཆུས
45b4 བཀྲུས་ན། །བྱིས་པ་མ་མས་བླངས་ནས་ནི། །འབྱུང་པོ་སྐྲ་ཡིས་བདུག་བྱས་ན། །ངུར་སྨྲིག་བཀོན་པས་སོས་པར་འགྱུར། །བྱིས་པ་ནུ་ཞོ་འཐུངས་སྐྱུགས་ན། །རྨ་བྱའི་སྒྲོ་བསྲེགས་ཐལ་བ་ཡིས། །མགུལ་པ་བཅིངས་པ་བྱས
45b5 ན་ནི། །སྦྱོར་བ་མཆོག་གིས་སླར་སོས་འགྱུར། །ཡ་ད་ཀ་བ་ཀ་ནི་ཆོ་ག་དང་། །ལྡན་པའི་ཞ་ཉེ་བྱང་དུ་སྐོ་བྱས་ནས། །ཁ་ཡི་ནང་དུ་བཅུག་ནས་འདུག་ན་ནི། །འཆིང་དང་མཚོན་ཆ་མི་བྱམས་པ་ལས་ཐར། །ཀྵ་མ་ར་ཡ་ཡི་གེ
45b6 རྣམས་དང་ལྡན། །ཡི་གེ་ཀུན་ཀྱང་ཨེ་ཡིས་བརྒྱན་པ་ལ། །ཡང་དག་ཀ་བ་ཀ་ཡི་མཐའ་མར་ནི། །སྒོ་ང་བཞི་དང་ཚད་གསུམ་གཉིས་གཉིས་སྦྱིན། །དན་ཏིལ་ཨུཏྤལ་ས་ར་བུ་ཀ་དང་། །ནི་ཚུ་ལ་དང་གི་རི་ཀར་ཎི་ཆུས། །ལན
45b7 བདུན་བར་དུ་བཀྲུས་པའི་ཞ་ཉེ་ཡིས། །བྱང་བུ་ལ་ནི་བློ་དང་ལྡན་པས་བྲི། །ཤིང་སྒྲོག་ལྕགས་སྒྲོག་ཁྲི་མོན་གཡུལ་ངོ་རུ། །མཚོན་ཆའི་ཆར་འབབ་པ་དང་གཞན་དག་ནི། །ཞེ་སྡང་བ་དག་ངེས་པར་འཇོམས་བྱེད་པར། །རྒྱུད་ཆེན
45b8 འདིས་ནི་འགྲུབ་པར་འགྱུར་བ་ཡིན། །གང་གིས་སྔགས་ཀྱི་རྒྱལ་པོ་བྲིས་ནས་ནི། །རིག་པ་བྱས་ནས་དཔུང་པ་ལ་བཏགས་ན། །དེའི་དབང་ཕྱུག་ནོར་སྦྱིན་དང་མཉམ་འགྱུར། །གཞན་གྱིས་མི་འཕྲོགས་ནོར་གྱི་གཏེར་ཐོབ
iiif viewer powered by OpenSeadragon
