| e-texts navigator |
| Wylie |
370b1 ཡེ་ཤེས་མངོན་པར་བྱང་ཆུབ་པ་ནི་མི་མཚུངས་པ་མེད་པའི་སྣང་བ་འོད་གསལ་བའི་མཚན་ཉིད་རྟག་ཏུ་མི་འགྱུར་བའི་དེ་བཞིན་ཉིད་དོ། །སྒྱུ་འཕྲུལ་དྲ་བ་མངོན་པར་བྱང་ཆུབ་པ་ནི་ཀུན་ཏུ་འབྱུང་བ་ཐོགས་པ་མེད་པའི་དུས་དང་རྣམ་པ་ཐམས
370b2 ཅད་དུ་འགག་པ་མེད་པའོ། །ཡོངས་སུ་དག་པ་ཆོས་ཀྱི་དབྱིངས་མངོན་པར་བྱང་ཆུབ་པ་ནི། ཐ་དད་པར་དམིགས་པ་མེད་པའི་ཡེ་ཤེས་ཀྱི་སྐུ་སངས་རྒྱས་ཐམས་ཅད་ཀྱི་བྱང་ཆུབ་ཀྱི་སེམས་དུས་གསུམ་ཐོག་མཐའ་ཀུན་དུ་དཀྱིལ
370b3 འཁོར་ཆེན་པོ་གསང་བའི་བདེ་བ་ཆེན་པོ་སྐུ་གསུང་ཐུགས་རྡོ་རྗེ་དམ་ཚིག་གི་འཁོར་ལོས་ཞི་བ་དང་ཁྲོ་བོའི་སྐུ་སྣ་ཚོགས་སུ་སྣང་བའོ། །ལོངས་སྤྱོད་རྫོགས་པ་མཚན་དཔེ་ལྡན། །ཡབ་ཡུམ་བདེ་ཆེན་ངོ་བོ་ཉིད། །སྙིང་རྗེ་ཆེན
370b4 པོ་ཚད་མེད་པས། །རྒྱུན་མི་འཆད་པར་བསམ་པ་དང་། །མཐུན་པར་འཇུག་པས་ཞི་མི་འགྱུར། །རང་བཞིན་མེད་པས་མི་འགྱུར་བའོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས། རབ་ཏུ་བྱེད་པ་བཞི་བཅུ་པའོ།། །།
370b5 དེ་ནས་དེ་བཞིན་གཤེགས་པའི་ཚོགས། །དཔག་མེད་འདུས་པ་ཐམས་ཅད་ཀྱི། །རྟག་ཏུ་དགའ་བའི་གཟུགས་ཅན་མཆོག་།བཅོམ་ལྡན་རྡོ་རྗེ་འཆང་ཆེན་གྱི། །གསུང་དབྱངས་རྡོ་རྗེ་སྒྲ་སྒྲོགས་པ། །ཉེ་བ་ཉིད་དུ་ཐོས་པ་ཡིས། །
370b6 བདེ་བ་དང་ནི་ཡིད་བདེ་ཐོབ། །དེ་ཉིད་དུ་ནི་སྐད་ཅིག་ལ། །ཡང་དག་ཏིང་འཛིན་སྒོ་ཐོབ་ཅིང་། །རྨད་བྱུང་ཡེ་ཤེས་དབྱངས་ཀྱིས་བསྟོད། །ཆོས་ཀྱི་དབྱིངས་ལས་མ་གཡོས་ཀྱང་། །ཐུགས་རྗེ་ཚད་མེད་འགྲོ་སྐྱོབ་མཛད། །
370b7 བྱང་ཆུབ་ཡེ་ཤེས་གཙོ་ཆེན་པོ། །བདེ་ཆེན་དཔེ་བྲལ་ཕྱག་འཚལ་ལོ། །རྡོ་རྗེ་གསང་བ་མི་འགྱུར་བ། །མཆོག་ཏུ་གྱུར་པ་བདེ་ཆེན་པོ། །ཐབས་དང་ཤེས་རབ་གཉིས་མེད་པའི། །གར་གྱི་བདག་པོ་ཕྱག་འཚལ
370b8 ལོ། །དྲག་པོ་མ་རུངས་ཐམས་ཅད་ཀུན། །གསུང་གི་ང་རོས་ཟིལ་གནོན་ཅིང་། །འཇིགས་བྱེད་བདུད་འདུལ་ཆེན་པོ་ཉིད། །རྒྱལ་བ་རྒྱ་མཚོ་ལ་ཕྱག་འཚལ། །ཆོས་རྣམས་མི་ཟད་མཛོད་ཐོབ་པས། །
iiif viewer powered by OpenSeadragon
