| e-texts navigator |
| Wylie |
369a1 བདག་ཇི་ལྟར་བཞེད་པ་ཙམ་གྱིས། སངས་རྒྱས་ཀྱི་ཞིང་ནས། སངས་རྒྱས་ཀྱི་ཞིང་ཁམས་དཔག་ཏུ་མེད་པར། མི་ཟད་པ་རྒྱན་གྱི་འཁོར་ལོས། ཕྲིན་ལས་ཐོགས་པ་མེད་པར་རབ་ཏུ་མངོན་པར་འབྱུང་བའོ། །དཔལ་ཡེ
369a2 ཤེས་རྡོ་རྗེ་ཀུན་ལས་བསྡུས་པ་ལས། རབ་ཏུ་བྱེད་པ་སུམ་བཅུ་སོ་བདུན་པའོ།། །། ཨེ་མའོ་རྡོ་རྗེ་ནི་སྣང་བ། ཨེ་མའོ་རྡོ་རྗེ་ནི་མཆེད་པ། ཨེ་མའོ་རྡོ་རྗེ་ཡིན་པར་བཤད་པ་ནི་སྣང་བ་ཐོབ་པའི་ཡེ་ཤེས་སོ། །སྒྱུ
369a3 རླུང་སེམས་སྒྱུ་མ་ཙམ་ལས་འབྱུང་བའི་གང་དུ་ཞེས་འོད་གསལ་བའི་ངང་དུའོ། །དེར་ནི་སྒྱུ་མ་རྨི་ལམ་ལྟ་བུའི་ལུས་མེད་སྣང་ཙམ། ངག་མེད་གྲག་ཙམ་སེམས་མེད་རྟོག་མེད་སྟོང་པ་ཉིད་དོ། །དེར་སྟོང་ཉིད་འོད་གསལ་བའི་ངང
369a4 ལས། ལུས་ནི་རྣམ་པར་བསྒོམ་པ་སྒྱུ་ལུས་རྣམ་པར་དག་པའི་སྐད་ཅིག་གིས་འབྱུང་བའི་ཟུང་འཇུག་གི་སྐུ་ཐོབ་པར་གྱུར་པའོ། །ཟུང་འཇུག་སློབ་བཞིན་པ་ལ་གནས་པས་ནི། ལྷུན་གྱིས་གྲུབ་པའི་དབྱིངས་ཀྱི་དོན་ནམ་མཁའ
369a5 འོད་གསལ་ལས་བྱུང་བའི་ཡེ་ཤེས་ཀྱི་ལྷ་མོ་རིག་མ་དང་། ཡང་དེ་ཉིད་དུ་ཐབས་སྙིང་རྗེ་ཆེན་པོ་དང་ལྡན་པའི། ཐབས་ཤེས་རབ་གཉིས་མེད་དུ་སྦྱོར་བས་མཉེས་པར་གྱུར་པའི་ངོ་བོ་ཉིད་དོ། །བདུད་འདུལ་བར་མཛད་པས། རིག་མ
369a6 ནི་རྣམ་པ་སྒྱུ་མ་ལྟ་བུ་ལས་སྐྱེས་བུ་རྣལ་འབྱོར་པ་དགའ་བ་ཆེན་པོའི་རོལ་པ། ཡེ་ཤེས་མི་འགྱུར་བའི་རྡོ་རྗེ་སྟེ། ཤེས་རབ་པདྨ་ཆོས་ཀྱི་འབྱུང་གནས་དང་མཉམ་པར་སྦྱོར་བས་ནི། གང་ཞིག་འདི་དག་སྒོམ་པ་ཞེས། སྐུ་རྡོ་རྗེ་དག་པ
369a7 དགའ་བའི་སྐད་ཅིག་། གསུང་རྡོ་རྗེ་མཆོག་དགའི་སྐད་ཅིག་།ཐུགས་རྡོ་རྗེ་དག་པ་དགའ་བྲལ་གྱི་སྐད་ཅིག་དང་གསུམ་ལས། རྡོ་རྗེ་སྐུ་གསུམ་གྱིས་མཚན་པ་ནི་སྐད་ཅིག་བཞི་ལ་ལྷན་ཅིག་སྐྱེས་པ་རོ་མཉམ་བདེ་བ་ཆེན་པོ་ངོ
369a8 བོ་ཉིད་ཀྱི་སྐུ་མངོན་དུ་བྱེད་པ་སྟེ། ཁྱུ་མཆོག་བྱང་ཆུབ་སེམས་རྡོ་རྗེ་དེ་ནི་མཉེས་པར་གྱུར་པ། ཟུང་འཇུག་སློབ་བཞིན་པའི་བྱང་ཆུབ་སེམས་དཔའ་གྲགས་ཆེན་ས་བཅུ་པའི་ཏིང་ངེ་འཛིན་ཐོབ་པ་དང་མཉམ་པར་འགྱུར་ཏེ།
iiif viewer powered by OpenSeadragon
