| e-texts navigator |
| Wylie |
368b1 དབང་གི་རྒྱལ་པོ་རྙེད་པ་བཞིན། །ལས་དང་དངོས་གྲུབ་མ་ལུས་པ། །ཡེ་ཤེས་མི་ཟད་གནས་འཐོབ་པའོ། །དམ་ཚིག་དག་གི་འཁོར་ལོར་ནི། །དགའ་བ་ཆེན་པོས་རོལ་པ་ནི། །ལུས་ཀྱི་གནས་སུ་རྩ་གནས་པ། །འཁོར་ལོ་དྲུག
368b2 གི་རྣམ་པ་ལ། །ཐིག་ལེ་ཡི་གེ་རླུང་དག་པ། །བདེ་གསང་སྟོང་ཉིད་ཡེ་ཤེས་ལས། །དབང་ཕྱུག་མཛོད་སྤུ་གཙུག་ཏོར་དུ། །གཉིས་མེད་མཉམ་པ་བདེ་ཆེན་དུ། །རབ་ཏུ་ཐིམ་པས་རྣམ་གྲོལ་ཉིད། །རྟེན་འབྲེལ་ཐམས་ཅད་མཁྱེན
368b3 པར་འགྱུར། །ལས་རྒྱལ་མཆོག་གི་ཕྲིན་ལས་ནི། །དོན་དམ་སྟོང་ཉིད་ངང་ལས་ནི། །རྡོ་རྗེ་སེམས་དཔའི་སྐུར་གྱུར་ལས། །རྣམ་པར་སྣང་མཛད་སྐུར་བསྒྱུར་བ། །ཟླ་བའི་གདན་ལ་གནས་པ་ཡི། །སྤྱན་དང་གཉིས་མེད་སྦྱོར
368b4 བ་ལས། །ཞི་བར་འདོད་རྣམས་ཐམས་ཅད་ཀྱི། །དེར་གནས་གནོད་པ་ཞི་བར་བྱེད། །རྒྱས་ལ་རིན་ཆེན་འབྱུང་གནས་དཔལ། །མཱ་མ་ཀཱི་དང་གཉིས་མེད་པས། །སྤྲོ་བསྡུས་རིན་ཆེན་ཆར་དབབ་བྱ། །དབང་ལ་འོད་དཔག་མེད་པ
368b5 ཉིད། །གོས་དཀར་ཡུམ་དང་གཉིས་མེད་པས། །སྤྲོས་པས་དབང་དུ་བསྡུ་བར་བྱ། །མངོན་སྤྱོད་གདོན་མི་ཟ་བ་ཉིད། །པདྨ་ཉི་མ་ལ་གནས་པས། །སྒྲོལ་མ་དང་ནི་གཉིས་སུ་མེད། །སྤྲོ་བསྡུས་ཁྲོ་བོས་ལས་ལ་སྦྱར། །དེ་དག
368b6 ལས་ཚོགས་ཐམས་ཅད་ཀུན། །སྒྱུ་མ་རྨི་ལམ་ལྟར་གསལ་བས། །བདག་བྱིན་བརླབ་པ་ཉིད་དུ་ལྟ། །སྒྱུ་མའི་དཔེ་བཅུ་གཉིས་ཀྱིས། བདེ་བ་ཆེན་པོའི་ཏིང་ངེ་འཛིན་ཉེ་བར་མཚོན་པར་འགྱུར་བ་ཡིན་ཏེ། དེ་ལྟར་ཕྱོགས་བཅུའི
368b7 འཇིག་རྟེན་གྱི་ཁམས་ན། གནས་པའི་དེ་བཞིན་གཤེགས་པ་མ་ལུས་ཤིང་ལུས་པ་མེད་པ་ཀུན། འཁོར་བའི་རྒྱ་མཚོ་ཇི་སྲིད་གནས་པའི་བར་དུ། ཆོས་ཐམས་ཅད་ལ་དབང་སྒྱུར་བ། ཟབ་པ་དང་རྒྱ་ཆེ་བ་བླ་ན་མེད་པ་སྒྱུ
368b8 མ་ལྟ་བུའི་ཏིང་ངེ་འཛིན་གྱིས་བཞུགས་ནས། འདོད་པའི་ཡོན་ཏན་དུ་མ་རྣམས་ཀྱིས་རོལ་པར་མཛད་ཅིང་། རབ་ཏུ་དགའ་བར་མཛད་པས། ཐམས་ཅད་མཁྱེན་པའི་ཡོན་ཏན། གསང་བ་བསམ་གྱིས་མི་ཁྱབ་པ་དང་ལྡན་པས།
iiif viewer powered by OpenSeadragon
