| e-texts navigator |
| Wylie |
368a1 དེ་དག་ལ་འདི་སྐད་ཅེས་བཀའ་སྩལ་ཏོ། །བྱང་ཆུབ་སེམས་དཔའ་ཁྱེད་རྣམས་མ་ངུ་ཅིག་།སྡུག་བསྔལ་གསུམ་བསྒོམ་པར་མ་བྱེད་ཅིག་།བྱང་ཆུབ་སེམས་དཔའ་ཐམས་ཅད་ཀྱིས་གསོལ་པ། བཅོམ་ལྡན་འདས་གསང་བའི
368a2 ཡི་གེའི་མིང་ཙམ་ཐོས་པའི་སྐལ་བ་ཡང་མ་མཆིས་ན། ཇི་ལྟར་མི་ངུ་བར་བགྱི། དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། དེ་སྐད་ཅེས་མ་ཟེར་ཅིག་།གཉེན་པོ་ལ་ལྡེམ་པོར་དགོངས་པས་ན། སྒྱིད་ལུག་པ་སྤང་བའི་ཕྱིར་ཡི་གེ་ནི
368a3 ཐུན་མོང་སྟེ། རིགས་ཀྱི་བུ་ཁྱེད་རྣམས་ཀྱིས་ཇི་ལྟར་མི་ཤེས་པ་དང་། མ་ཐོས་པ་དེ་བཞིན་དུ། ངེད་དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་ཀྱིས་ཀྱང་། རིགས་ཀྱི་བུ་གསང་བའི་ཡི་གེ་འདི་དག་མ་མཐོང
368a4 མ་ཐོབ་ཅིང་། མངོན་པར་རྫོགས་པར་སངས་མ་རྒྱས་སོ། །དེ་ཅིའི་ཕྱིར་ཞེ་ན། གསང་བ་གསུམ་གྱི་ཡི་གེ་རྣམ་པར་དག་པའི་ཕྱིར་རོ་ཞེས་ཐེ་ཚོམ་བསལ་བའོ། །སྔགས་ཀྱི་སེམས་དཔའ་མི་བྱ་སྟེ། བྱས་ན་བྱང་ཆུབ་རྙེད་པར་དཀའ་ཞེས་པ
368a5 ལ། ཞེན་པ་དང་མ་བྲལ་ན་འཆིང་བར་འགྱུར་ཞེས་པ་གང་ཟག་གཞན་ལ་དགོངས་པའོ། །མདོར་ན་ཕུང་པོ་ལྔ་རྣམས་ནི། སངས་རྒྱས་ལྔར་ནི་རབ་ཏུ་བསྒྲགས། །ཞེས་པ་ལ་སོགས་པ་དོན་གཞན་ལ་དགོངས་པའོ། །ཆོས་ཐམས་ཅད་ལ
368a6 མཉམ་པ་ཉིད་མཐོང་ངམ་ཞེས་པ་མཉམ་པ་ཉིད་ལ་དགོངས་པའོ། །ཆོས་ཀྱི་རྣམ་གྲངས་འདི་ལ་སྐལ་བ་ཡོད་པའི་ཕྱིར་རོ་ཞེས་གསུངས་པས་ནི། དུས་གཞན་ལ་དགོངས་པའོ། །དགོངས་པ་ཉིད་ནི་ཕྱིར་མི་ལྡོག་པའི་དོན་ལ་དགོངས་པ་ནི
368a7 ལྡེམ་པོར་དགོངས་པ་དག་གོ། །དགོངས་པ་སྤྱི་ནི་ཡང་དག་པར་དགོངས་པའོ། །དེ་བཞིན་གཤེགས་པ་ཐམས་ཅད་ཀྱི་དགོངས་པའི་ཁྱད་པར་བསྟན་པ་ཞེས་བྱ་བའི་ཏིང་ངེ་འཛིན་ཏོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས། རབ
368a8 ཏུ་བྱེད་པ་སུམ་བཅུ་སོ་དྲུག་པའོ། ། །། བྱང་ཆུབ་སེམས་ཀྱི་ངོ་བོ་ཉིད། །བླ་མ་རྡོ་རྗེ་འཛིན་པ་ལ། །མོས་གུས་མཐར་ཕྱིན་གྱུར་པས་ནི། །ལམ་གྱི་རིམ་པ་ཀུན་རྫོགས་པས། །སྒྲིབ་དག་ཡོན་ཏན་ཐོབ་པ་སྟེ། །
iiif viewer powered by OpenSeadragon
