| e-texts navigator |
| Wylie |
367b1 འོད་ཀྱིས་རེག་པ་ཙམ་གྱིས། དེ་དག་རང་རང་གི་སྟན་ལ་གནས་པར་གྱུར་ཏོ་ཞེས་པས་བསྟན་ནོ། །འདི་ལྟ་བུ་ཡང་དག་པ་མ་ཡིན་པའི་ཚིག་གི་ལམ། རྡོ་རྗེའི་ཚིག་ཅིའི་སླད་དུ་གསུང་ཞེས་དྲིས་པ་དང་། དེ་བཞིན་གཤེགས་པ་རྣམས
367b2 ཀྱིས་བཀའ་སྩལ་པ། རིགས་ཀྱི་བུ་རྣམས་འདུ་ཤེས་ངན་པ་དང་། དམན་པའི་འདུ་ཤེས་དེ་ལྟ་བུ་མ་སྐྱེད་ཅིག་ཅིའི་ཕྱིར་ཞེ་ན། རིགས་ཀྱི་བུ་འདི་ལྟ་སྟེ། སྔགས་ཀྱི་སྤྱོད་པའི་མཆོག་གོ། འདི་ལྟ་སྟེ་སྔགས་ཀྱི་སྤྱོད་པ་ནི་དེ་བཞིན་གཤེགས་པའི
367b3 སྤྱོད་པའོ་ཞེས་པ་ནས། དམ་ཚིག་དེ་དག་རྗེས་སུ་རིག་པར་བྱའོ་ཞེས་པས། བསྒྱུར་བ་ལ་ལྡེམ་པོར་དགོངས་པའི་ཐེ་ཚོམ་སེལ་བའོ། །སྐུ་མི་འགྱུར་བ་མི་གནས་པ་མ་སྐྱེས་པ་ཞེས་པ་ལ་སོགས་པ་ནས། ཡང་དེ་ནས་འཕགས་པ་འཇམ
367b4 དཔལ་ལ་སོགས་པས། དེ་བཞིན་གཤེགས་པ་རྣམས་ལ་ཞུས་པ་དང་། དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། ཁྱེད་རྣམས་ལྟ་ཅི་སྨོས་ཏེ། ངེད་སྒོ་གསུམ་རྡོ་རྗེའི་གསང་བ་མི་འགྱུར་བ་རྙེད་པ་ཡང་། སྐུ་དང་གསུང་དང
367b5 ཐུགས་རྡོ་རྗེའི་བྱང་ཆུབ་མི་ཤིས་སོ་ཞེས་པ་དང་། དེ་ཅིའི་ཕྱིར་ཞེ་ན། སྐྱེ་བ་མེད་པའི་རྡོ་རྗེ་མངོན་པར་བྱང་ཆུབ་པའི་ངོ་བོ་ཉིད་མེད་པ་མི་འགྱུར་བ་ལས་བྱུང་བའོ། །ཞེས་ངོ་བོ་ཉིད་ཆོས་ཀྱི་མཚན་ཉིད་ལ་ལྡེམ་པོར་དགོངས་པའི་ཐེ་ཚོམ
367b6 སེལ་བའོ། །དགོངས་པ་སྒྱིད་ལུག་པ་སྤང་བའི་ཕྱིར། རིགས་ཀྱི་བུ་སེམས་ཅན་ཆེན་པོའི་ཞེས་པ་ནས། རྡོ་རྗེའི་ཡེ་ཤེས་ཐོབ་པའོ་ཞེས་པས་བསྟན་པའོ། །བཅོམ་ལྡན་འདས་མར་མེ་མཛད་ཅེས་པ་ནས། སྐལ་བ་མེད་པའི་ཕྱིར་གྱི་བར
367b7 གྱིས་གསང་སྔགས་རྡོ་རྗེ་ཐེག་པ་འབྱུང་བ་དཀོན་པ་ལ་གདམས་པའོ། །ཡང་ལམ་མ་ལུས་པ་ཡོངས་སུ་རྫོགས་ཤིང་། ཚེ་གཅིག་ལུས་གཅིག་གིས་སངས་རྒྱས་པ་བསྟན་པ་ནི། འོན་ཀྱང་ཞེས་པ་ནས། སངས་རྒྱས་ཞེས་བྱ
367b8 བའི་གྲངས་སུ་འགྲོའོ་ཞེས་གསུངས་སོ། །དེ་ནས་བྱང་ཆུབ་སེམས་དཔའ་དེ་དག་གིས། གསུང་རྡོ་རྗེའི་ཡི་གེའི་ཚིག་འདི་ཐོས་ནས་རབ་ཏུ་ངུས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས། བྱང་ཆུབ་སེམས་དཔའ
iiif viewer powered by OpenSeadragon
