| e-texts navigator |
| Wylie |
365b1 གིས་མཚན་དང་ཉིན་དུ་གཉིད་འཇུག་པས། །གཉིད་ལོག་སད་པ་ཐ་དད་གྱུར་པ་མིན། །ས་འཐུག་བསྒྲིབས་པས་རབ་ཏུ་རིང་གཉིད་ལོག་།སྔར་བྱས་འབྲས་བུ་མ་སྨིན་ལས་རྣམས་ཀུན། །དེ་ནས་རླུང་གིས་ལས་རྣམས་འབྱུང
365b2 འཇུག་འགྱུར། །སྔོན་ལས་སྨིན་པར་གྱུར་ན་རླུང་སེམས་དག་།འཇིག་རྟེན་འཕོ་བ་གནས་གཞན་དག་ཏུ་འགྲོ། །ཇི་ལྟར་ཕྱོགས་བཅུར་བཞུགས་པའི་རྒྱལ་བ་རྣམས། །དེ་ཡི་སྐུ་ལ་རྐང་རུས་ཤ་ཁྲག་མེད། །སེམས་ཅན་དོན་དུ་ཁམས་ལ
365b3 འཇུག་པར་མཛད། །སྤྲུལ་པ་སྒྱུ་མས་འགྲོ་དོན་མཛད་པ་བཞིན། །དེ་བཞིན་གཉིད་ལོག་སད་གྱུར་རིམ་པས་སེམས། །རྣམ་རྟོག་དྲ་བས་བཅིངས་པས་ཐ་དད་ཅན། །ཆོས་རྣམས་ལས་ནི་ཡོངས་སུ་མ་འདས་ཕྱིར། །བདེན་དང་བརྫུན་པ་གཅིག
365b4 དང་དུ་མར་མིན། །ཕྱི་རོལ་དོན་དུ་གྱུར་པ་ཅི་ཡང་མེད། །དེ་ཕྱིར་རང་སེམས་སྟོང་ཉིད་ཆོ་འཕྲུལ་ཡིན། །སྒྱུ་མར་སྣང་བ་འཁྲུལ་པ་ལས་བཟློག་བྱ། །ཅིར་སྣང་མེད་བདག་རྟོགས་པར་བྱ། །རྨི་ལམ་དེ་ཉིད་རྟོག་མེད་རང་གསལ་བ། །
365b5 འབྱུང་བའི་གནས་ལ་ཁམས་འདུས་སྣང་བ་གང་། །སས་བརྟན་ཆུས་སྡུད་མེས་རྣོ་ངར་ཆགས་པ། །རླུང་གིས་ཡང་ཞིང་གཡོ་བྱེད་མི་བརྟན་པའོ། །ནམ་མཁའ་ལ་འདུས་ལུས་བདེ་ཉམས་བཟང་བ། །བདུད་རྩི་དག་ལས་ནུས
365b6 པ་འབྱུང་བ་སྟེ། །གླ་རྩིས་ཞེ་སྡང་བཞི་མཉམ་གཏི་མུག་ཉིད། །ག་བུར་ཆགས་བྱེད་སི་ཧླས་ང་རྒྱལ་བསྐྱེད། །སྣ་ཚོགས་ལས་ཀྱིས་ཕྲག་དོག་འདུ་འཕྲོ་བྱེད། །ལམ་གྱུར་དམིགས་པས་ཡོན་ཏན་པ་རྣམ་འཆར། །སྔར་ཕྱུང
365b7 བ་ལས་ཕྱིས་འབྱུང་རྟགས་སུ་འཆར། །ཡུལ་དུས་མཚན་མ་ངེས་པ་དྲན་པའི་བློ། །ཉམས་སྣང་བློ་ལས་མ་བཅོས་སྒྱུ་མར་སྣང་། །དེ་ཉིད་རོས་ཟིན་ཡེ་ཤེས་གྲོགས་ཡིན་ནོ། །རང་སྲོག་སྙིང་པོར་གྱུར་པ་སེམས་ཉིད་ལས། །ཆོས
365b8 ཉིད་སེམས་ལུས་ཁམས་གསུམ་སྣང་བ་ལ། །གཞན་པ་མེད་ཅིང་རླུང་ལས་ཁམས་གསུམ་སྤྲུལ། །སྒྱུ་ལུས་རྨི་ལམ་རྨིས་པ་བཞིན་དུ་མཐོང་། །ཁམས་གསུམ་རླུང་རིག་བདག་ཉིད་དེ་བཞིན་ཉིད། །རྗེས་སུ་རྟོགས་པ་འབྲིང་གིས་ཆོས་རྣམས
iiif viewer powered by OpenSeadragon
