| e-texts navigator |
| Wylie |
365a1 པ་ནི་ཤེས་རབ་རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་ཉིད་ཀྱི་ཏིང་ངེ་འཛིན་དབྱིངས་དང་ཡེ་ཤེས་དབྱེར་མེད་དུ་གྱུར་པའོ། །སངས་རྒྱས་ནི་སློབ་པ་ལས་འདས་པ་མི་སློབ་པའི་ཟུང་འཇུག་སྟེ། བྱང་ཆུབ་ནི་ཡང་དག་པའི
365a2 ཡེ་ཤེས་ཐུགས་སུ་ཆུད་པའོ། །གནས་ཞི་བ་སྟེ་མཐའ་ཐམས་ཅད་དང་བྲལ་བ་གཉིས་མེད་ཟུང་འཇུག་ཆེན་པོ་མངོན་དུ་གྱུར་པས་ས་བཅུ་གསུམ་པའི་དབང་ཕྱུག་དམ་པའོ། །ཉེ་བར་བསྡུ་བ་ལ་གདམས་པ་སྟེ། རྡོ་རྗེ་ཅན་ནི་དག་པའི་སྒྱུ་ལུས་ལ
365a3 གནས་པ་སྟེ། མི་སློབ་པའི་ཟུང་འཇུག་ལམ་ཐམས་ཅད་མཐར་ཕྱིན་པས་སྲོད་དུས་སུ་བདུད་བཅོམ་སྟེ། བྱང་ཆུབ་སེམས་དཔའ་རྡོ་རྗེ་སྙིང་པོའི་ནུས་པ་ཐོབ་པ། ཐོབ་པས་ཡེ་ཤེས་ཆེན་པོ་གསང་བའི་གནས་གྲུབ་པའོ། །ཐོ་རངས་ཤིན
365a4 ཏུ་རྣམ་པར་དག་པའི་གྲུབ་པ། ཡེ་ཤེས་རབ་ཏུ་མི་གནས་པ། གཙུག་ཏོར་ཆེན་པོ་རབ་ཏུ་རྫོགས་པ་བདེ་བ་ཆེན་པོ་མི་ཤིགས་པ་བླ་ན་མེད་པ་ཐོབ་པའོ། །བཤང་གཅིའི་དམ་ཚིག་བཟའ་བ་ནི། དབྱིངས་ཀྱི་ངང་དུ་ཡེ་ཤེས་རོ་མཉམ་དུ་ཐིམ་པས
365a5 དངོས་གྲུབ་མ་ཟད་པ་ཡེ་ཤེས་རྒྱ་མཚོ་རྣམ་པར་དག་པ། རྡོ་རྗེ་སྐུ་གསུང་ཐུགས་ཀྱི་གསང་བ་བྱང་ཆུབ་ཆེན་པོ་རབ་ཏུ་རྟོགས་པའི་སྐད་ཅིག་གཅིག་རྡོ་རྗེ་འཆང་དེ་བཞིན་གཤེགས་པ་མངོན་དུ་གྱུར་པའོ། །ཡང་དག་པར་གསུངས་པ་ཕྱིའི་མངོན་པར
365a6 བྱང་ཆུབ་པ་སྟེ། དགོངས་པས་བཤད་པའོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས། རབ་ཏུ་བྱེད་པ་སུམ་བཅུ་སོ་གསུམ་པའོ།། །། དེ་ལ་འདིར་ཆོས་ཐམས་ཅད་ནི་སྒྱུ་མ་དང་མཚུངས་པ། སྒྱུ་མ་ལྟ་བུར་སྤྱོད་ཅིང་འཇུག་པ་ཉིད། །སྒྱུ་མ་དེ་དག
365a7 བྱིན་གྱིས་རླབས་པའི་རིམ་པ་ལས། །མ་དག་པ་ལས་རྣམ་དག་ལྷ་ཡི་སྐུ། །ལུས་ངག་ཡིད་གསུམ་སྒྱུ་མར་ལམ་དུ་འཆང་། །ཕུང་པོ་ཁམས་དང་སྐྱེ་མཆེད་འབྱུང་སོགས་རྣམས། །ཤེས་པ་གཉིས་ལ་དེ་ཉིད་ཡོངས་བསྡུས་ནས། །
365a8 གང་ཞིག་སྟོང་ཆེན་གཉིད་ལོག་གྱུར་པ་སྟེ། །རླུང་གི་བྱེད་པས་རྨི་ལམ་མཐོང་བར་འགྱུར། །རྨི་ལམ་ཡུལ་ལས་བྱེ་བྲག་འཁྲུག་པར་སྣང་། །ཀུན་དུ་རྟོག་པའི་རྒྱུ་འབྲས་རྨི་ལམ་རྟོག་།གང
iiif viewer powered by OpenSeadragon
