| e-texts navigator |
| Wylie |
364a1 པར་དག་པར་སྒྱུ་མ་རབ་ཏུ་མི་གནས་པར་བསྟན་པའི་དོན་དུ། དེ་ནི་རྡོ་རྗེ་ཆོས་ཀྱི་བདག་ཅེས་ཚད་མེད་པའི་བྱང་ཆུབ་སེམས་ལས་བྱུང་བའི་ཆོས་ཀྱི་དབང་ཕྱུག་ཆེན་པོ། ཕྱིར་མི་ལྡོག་པའི་གནས་ཐོབ་པ། དག་པའི
364a2 ས་ལ་གནས་པར་འགྱུར་བ་ནི། ས་བཅུ་ལ་ནི་གནས་པར་འགྱུར་བ་སྟེ། སྣང་བ་གསུམ་པོ་རང་བཞིན་དང་བཅས་པ། ཐམས་ཅད་དག་པས་བདག་བྱིན་གྱིས་བརླབ་པའི་རིམ་པ་ཐོབ་པས། ལུས་ཀྱི་གནས་དང་ཉེ་བའི་གནས་ལ
364a3 སོགས་པར་བགྲོད་པས། རྟེན་དང་བརྟེན་པ་རང་བྱིན་གྱིས་བརླབས་པར་འགྱུར་བའི་ཕྱིར། རྒྱལ་པོ་དཔུང་གི་དམ་ཚིག་འཛིན་ནི། ཐོགས་པ་མེད་པའི་ཡེ་ཤེས་ཀྱིས་ཕྲིན་ལས་ཡོན་ཏན་མི་ཟད་པ་སྟོབས་དང་མི་འཇིགས་པ་ལ་སོགས་པའི
364a4 དབང་ཕྱུག་དམ་པ་བརྒྱད་ལ་སོགས་པ་མ་འདྲེས་པའི་ཆོས་སྤོབས་ལ་དབང་བསྒྱུར་བ། ཀུན་གྱི་མཆོག་ཚད་མེད་མངོན་དུ་གྱུར་པའོ། །མངོན་པར་བྱང་ཆུབ་རྣམ་གཉིས་ལས། །ཕྱི་ནང་གཉིས་སུ་དགོས་པས་བཤད། །ནང་གི་དུས་ཏེ་ཆོ་འཕྲུལ
364a5 བསྟན། །བདུད་ལས་རྣམ་པར་རྒྱལ་བ་སྟེ། །རྡོ་རྗེ་སྒོ་གསུམ་སོ་སོར་དག་།སློབ་པའི་ཕྱི་ཡི་མངོན་བྱང་ཆུབ། །ཐོ་རངས་མི་སློབ་ཟུང་འཇུག་སྟེ། །སྐུ་བཞི་གཅིག་ཏུ་འདུས་པ་སྟེ། །སྐད་ཅིག་ཡེ་ཤེས་རྣམ་གྲོལ་བའོ། །དཔལ་ཡེ་ཤེས
364a6 རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་སུམ་བཅུ་སོ་གཉིས་པའོ། ། །། དེ་ལས་མངོན་པར་བྱང་ཆུབ་པ་བདེ་བ་ཆེན་པོའི་དབང་ཕྱུག་བསྟན་པའི་ཕྱིར། རྡོ་རྗེ་རྣལ་འབྱོར་པས་རྡོ་རྗེ་ལུས་ཀྱི་ཁྱད་པར་ལ་བསྟན་ནས། རིག་མ
364a7 མངོན་པར་འདུ་བྱ་བ་ལས། མཁའ་གསང་བྱིན་རླབས་དང་ལྡན་པས། ཐབས་དང་ཐབས་ལས་འབྱུང་བའི་རྡོ་རྗེ་ཆོས་འབྱུང་པདྨར་ནུབ་པས། ཤེས་རབ་ཟེ་འབྲུ་རྒྱས་པར་ཟླ་བ་དང་ཉི་མ་ངོ་མཉམ་པར་གྱུར་པས། སྣང་བ་དང་སྣང་བ
364a8 མཆེད་པ་དང་སྣང་བ་ཐོབ་པ་དང་། ཉེ་བར་ཐོབ་པ་ནུབ་པ་ཅན་གྱི་ཡེ་ཤེས་ཀྱི་བསྒྲུབ་པ་ཀུན་ཏུ་བརྩམ་པའོ། །འོད་གསལ་བའི་ཡེ་ཤེས་ཐོག་མ་དང་མཐར་འབྱུང་བ་ཉིད་ཀྱིས་རང་བཞིན་རྣམས་ཀུན་འདར་དུ་ནུབ་ཅིང་རྣམ་པར་དག
iiif viewer powered by OpenSeadragon
