| e-texts navigator |
| Wylie |
363b1 འབྱོར་བསྟན་པ་ལས་ནི། དམ་པ་གཉིས་ཀྱི་སྦྱོར་བ་ནི། ཐབས་རླུང་གི་སྦྱོར་བ་དང་། ཤེས་རབ་རིག་པ་སྟོང་ཉིད་སྤྲོས་མེད་ལྷན་ཅིག་སྐྱེས་པ་རང་འབྱུང་རོ་མཉམ་བདེ་བ་ཆེན་པོའི་སྦྱོར་བས་ཡེ་ཤེས་ལ་རོལ་པ་གར་གྱི་ཉམས་ཀྱི་སྤྱོད་པ་ཐམས
363b2 ཅད་འོད་གསལ་བའི་ངང་ལས། ཟུང་འཇུག་བདེ་བ་ཆེན་པོར་ཕྲིན་ལས་ཐམས་ཅད་བརྩམ་པར་བྱ་བའོ། །འདི་ནི་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་སེམས་འདའ་བར་མི་བྱ་བས་འདའ་བར་དཀའ་བ་སྟེ་ད་ཕན་ཡོན་ནི་སྐུ་གསུང་ཐུགས
363b3 གསང་བ་གསུམ་གྱི་ཡེ་ཤེས་དང་ལྡན་པ་དེ་ནི་སྐད་ཅིག་དེ་མ་ཐག་ཏུ་ཡང་། དཔལ་རྡོ་རྗེ་འཆང་བྱང་ཆུབ་སེམས་རྡོ་རྗེ་དང་ཕྲིན་ལས་ཐ་མི་དད་པ་འཐོབ་པར་འགྱུར་བའི་མཚན་ཉིད་ཀྱི་ཐ་ཚིག་གོ། རྡོ་རྗེ་ཉི་མ་ནུབ་པ་རྡོ་རྗེ་ནི། སྒྱུ་ལུས་དག་པ་ཐབས
363b4 མི་ཕྱེད་པ། ཉི་མ་ནི་སྣང་བ་དང་སྣང་བ་མཆེད་པའི་ཆ་ལས་ནུབ་པ་སྣང་བ་ཐོབ་པ་ལས། ཁྱད་པར་དུ་རང་བཞིན་གྱི་རྟོག་པ་ཐམས་ཅད་རྩ་རོ་རྐྱང་གཉིས་རླུང་དང་ཤེས་པ་དབྱེར་མེད་དུ་བསྡུས་ནས། རྩ་དབུ་མ་ཡེ་ཤེས་ཀྱི་ངང་དུ། སྤང་བླང
363b5 མེད་པར་ནུབ་པ་ཆེན་པོ་ཉིད་དེ། དེ་ཉིད་དུ་ནམ་མཁའ་རྣམ་པར་དག་པ་ལྟ་བུའི་བདེ་སྟོང་དབྱེར་མེད་འོད་གསལ་ཆེན་པོ་རབ་ཏུ་མི་གནས་པའི་ངང་དུ་གནས་པར་འགྱུར་བའོ། །དེ་ལས་སློབ་པའི་ཟུང་འཇུག་ཏུ་ལྡང་བས། སྐྱ་རེངས་ཤར་བ་ལྟ་བུ་སྟེ།
363b6 མཁྱེན་པའི་ཡེ་ཤེས་དུས་གསུམ་ཕྱོགས་བཅུར་ཁྱབ་པའི་སྐད་ཅིག་མའི་ཁྱད་པར་ལ། རྣམ་པ་ཐམས་ཅད་མཁྱེན་པ་ཉིད་དུ་གྱུར་པའོ། །ཁྱད་པར་སྒྱུ་ལུས་རྣམ་པར་དག་པ་ཡེ་ཤེས་ཀྱི་རབ་ཏུ་བྱེད་པ་བསྟན་པའི་ཕྱིར། རྒྱལ་པོ་སེམས
363b7 དཔའ་སྟེ། ཆོས་རྣམས་ཀུན་དང་མཚུངས་པར་ལྡན་པ་རྒྱལ་པོ་འཁོར་ལོས་སྒྱུར་བ་ནི། རིན་པོ་ཆེ་བདུན་དང་ལྡན་པ་སྟེ། གནས་སྐབས་སུ་འཕགས་པའི་ནོར་བདུན་གྱི་རྒྱན་གྱིས་སྤྲས་པ་ན། རྒྱུད་གསང་ཆེན་ལ་རྒྱན་བདུན་གྱིས་སྤྲས་པར
363b8 གྱུར་པས། སྐུ་གསུམ་ཡན་ལག་བདུན་ལྡན་དུ་གྲུབ་པ་འདོད་དང་ཐར་པ་རབ་ཏུ་གྲུབ་པ་སྟེ། དབང་ཕྱུག་བརྒྱད་ལྡན། ཟུང་འཇུག་བླ་ན་མེད་པ་རབ་ཏུ་གྲུབ་པ་ཉིད་དོ། །དངོས་པོ་དང་མཚན་མར་འཛིན་པ་ཐམས་ཅད་རྣམ་པར་འཛིན་པ་རྣམ
iiif viewer powered by OpenSeadragon
