| e-texts navigator |
| Wylie |
362b1 རྡོ་རྗེ་འཆང་ཆེན་པོའི་དཀྱིལ་འཁོར་དུ་དམིགས་པའོ། །བཤང་གཅིའི་དམ་ཚིག་ནི་ཡུལ་དང་དབང་པོ་གཉིས་མེད་དུ་སྦྱར་བའོ། །ལ་སོགས་ནི་བདེ་བ་སྟོང་པ་ཉམས་སུ་མྱོང་བའི་ཟས་ཀྱིས་ཁྱད་པར་ཡུལ་ལ་སྤྱོད་པའོ། །དེ་རུ་ཆོ་ག་བཞིན
362b2 དུ་ཞེས་པ་རྡོ་རྗེ་འཛིན་པ་ཡབ་ཡུམ་རོལ་པ་བདེ་ཆེན་མི་འགྱུར་བ་ཡོངས་སུ་གྲུབ་པའོ། །དེའི་དཀྱིལ་འཁོར་རྟེན་གཞལ་ཡས་ཁང་ཆོས་འབྱུང་དང་། འབྱུང་བ་རིམ་བརྩེགས་དང་བཅས་པ་རྟེན་དང་བརྟེན་པའི་ལྷ་ཚོགས་ཐམས་ཅད
362b3 ཡེ་ཤེས་ལས་སྐྱེས་པ། ཡེ་ཤེས་ལས་བྱུང་བའི་མཚན་ཉིད་བདེ་སྟོང་རོ་མཉམ་དུ་འབྱུང་བའི་ངོ་བོ་ཉིད་ཡོངས་སུ་རྫོགས་པའོ། །རབ་ཏུ་བཟང་བས་ན་འོད་གསལ་བའི་ཡེ་ཤེས་ལས་སྐྱེས་པ། བཞིན་རབ་ཏུ་མཛེས་པ་ཡེ་ཤེས་ཀྱི་དབང
362b4 པོ་དང་སྟོབས་ལས་བྱུང་བ་ཉིད་དོ། །རྒྱན་རྣམས་ནི་བྲལ་བ་དང་རྣམ་པར་སྨིན་པའི་ཆ་ལས་འཕགས་པའི་ནོར་ལས་ཡན་ལག་བདུན་ལྡན་ཡེ་ཤེས་ཀྱི་ཆེ་བས་ཡོངས་སུ་རྫོགས་པའོ། །དཀྱིལ་འཁོར་གྱི་དབུས་སུ་བཞག་པ་ནི། རྡོ་རྗེ་འཛིན
362b5 པ་ཉིད་དང་། རེག་བྱ་རྡོ་རྗེ་མ་ཆོས་ཀྱི་དབྱིངས་ཀྱི་རྡོ་རྗེ་མར་གྱུར་པ་རྣམ་པར་བསྒོམ་ཞེས་པའོ། །དཀྱིལ་འཁོར་ལྔའི་འཁོར་ལོ་ནི། དེ་བཞིན་གཤེགས་པ་ལྔའི་དཀྱིལ་འཁོར། དཔྲལ་བ་མགྲིན་པ་ཐུགས་ཀ་ལྟེ་བ་གསང་བ་དང་བཅས
362b6 པར་སངས་རྒྱས་ཀྱི་སྐུའི་མཚན་དཔེ་དང་། སྐུ་མདོག་ཕྱག་མཚན་རྒྱན་དང་ལྡན་པ། ཡེ་ཤེས་ལས་འབྱུང་བ་སྐད་ཅིག་གིས་སོ། །དེར་རྣལ་འབྱོར་གྱི་དབང་ཕྱུག་གསང་སྔགས་ཀྱི་རྣམ་པར་བསམ་པའི་འཁོར་ལོ་ཅན་གྱི་གསང་བ
362b7 ཡེ་ཤེས་ཀྱི་བསྒྲུབ་པ་སྟེ། བདེ་སྟོང་གཉིས་སུ་མེད་པའི་ཕྱག་རྒྱ་ཆེན་པོར་ངོ་བོ་ཉིད་མི་འགྱུར་བའི་མཆོད་པའི་གནས། ཚད་མེད་པས་ཡང་དག་པར་མཆོད་པ། དམིགས་པ་རྣམ་པར་གྱུར་པའི་ཉམས་ཀྱི་ཏིང་ངེ་འཛིན་གྱིས་སོ། །
362b8 དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་སུམ་བཅུ་པའོ།། །། དེ་ཉིད་ལས་གསང་བ་བླ་ན་མེད་པའི་བསྒྲུབ་པ་བསྟན་པའི་ཕྱིར། སྐུ་གསུང་ཐུགས་ཀྱི་རྡོ་རྗེ་ཅན་ཞེས་པ་སྟེ། སྐུ་རྡོ་རྗེ་མི་འགྱུར་བ་གསུང་རྡོ་རྗེ
iiif viewer powered by OpenSeadragon
