| e-texts navigator |
| Wylie |
362a1 མ་མཆོག་། འགྲོ་བ་འདུལ་བའི་དོན་དུའོ། །སྐུ་གསུང་ཐུགས་ཀྱི་རྡོ་རྗེ་ལས། །ཕྱི་ནང་དབྱེ་བ་རིམ་པ་ཡིས། །མ་གྲུབ་སྤོགས་པའི་ཆོ་ག་ནི། །ཕུར་གདབ་དེ་ཉིད་བསྟན་པའོ། །འདོད་པའི་ཁམས་ན་འགྲོ་བ་ཀུན། །
362a2 རྣམ་རྟོག་རླུང་གི་ར་བར་ཚུད། །བདག་འཛིན་མདུད་པས་བསྡམས་པ་ལ། །སྨིན་གྲོལ་ཡེ་ཤེས་ལམ་རྟོགས་པ། །བླ་མའི་ཞལ་ལས་ཤེས་པར་བྱ། །པདྨ་འདབ་བརྒྱད་བཀོད་པ་ལ། །སོ་བདུན་ཡི་གེ་ལ་དམིགས་པ། །བཅུ
362a3 དྲུག་ཆ་དང་ལྡན་པའོ། །དྲོད་ནི་སྣང་བ་རྟོག་བྲལ་སེམས། །སྤངས་ཐོབ་ཡོན་ཏན་འབྱུང་བའི་གཞི། །རྩེ་མོ་མཆོད་པ་ནུས་པ་རྙེད། །འཇིགས་པ་ལས་གྲོལ་བརྟན་པར་འགྱུར། །བཟོད་པ་སྣང་བ་ཐོབ་པ་ཉིད། །རྟོག་པ་ཀུན་ལས
362a4 རྣམ་པར་གྲོལ། །ཆོས་མཆོག་སྣང་བ་ཉེར་ཐོབ་ཉིད། །ཡེ་ཤེས་དེ་མ་ཐག་པ་ཆེ། །ཟིལ་གནོན་རྟེན་འབྲེལ་ཕྱོགས་ཆ་འཆར། །རིགས་པ་མངོན་གྱུར་རྟོག་པ་འདག་།དེ་ཉིད་འཁོར་འདས་ཡོན་ཏན་ཐོབ། །གཟུང་འཛིན་ཆ་འདས
362a5 ལམ་དུ་གྱུར། །རྒྱལ་བའི་དགོངས་པ་རྟོགས་པར་བྱ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་ཉི་ཤུ་རྩ་དགུ་པའོ།། །། སྤྲོས་པ་མེད་པའི་སྤྱོད་པ་ཡེ་ཤེས་ཀྱི་གྲུབ་པའི་དོན་བསྟན་པའི་ཕྱིར། དབེན
362a6 གནས་དབེན་པ་ཡོན་ཏན་ཀུན་དང་ལྡན་པ། ལུས་གནས་སེམས་ཀྱི་དུར་ཁྲོད་རབ་ཏུ་སྒྲུབ་པ་ཉིད་དུ་བྱ་བ་སྟེ། དངོས་འཛིན་རྣམ་པར་དག་པ་ཉིད་ཀྱིས་སོ། །སྨེ་ཤ་ཅན་ནི་རྟོག་མེད་མའི་ཤ་ལ་རོལ་པ་ཉིད་དེ། ཁྱད་པར་དུ་ཡེ་ཤེས་ཡང
362a7 དག་པ་བསྒྲུབ་པ་སྟེ། དུས་རྟག་ཏུ་ཡེ་ཤེས་ཀྱི་ངང་ལས་མི་འདའ་བར་བསྒྲུབ་པའོ། །རིག་མ་ཤེས་རབ་ཡེ་ཤེས་ལས་སྐྱེས་མ། རྣམ་པ་ཉི་ཤུས་བྱང་ཆུབ་པ་སྟེ་བཅུ་ཕྲག་གཉིས་མ་ཉིད་དོ། །རྡོ་རྗེའི་དཀྱིལ་འཁོར
362a8 བསྒོམ་པ་ནི། ཡེ་ཤེས་ཀྱི་སྐུ་བསྐྱེད་པ། འོད་གསལ་ལས་བྱུང་བའི་ལུས་རྟེན་དང་བརྟེན་པར་བཅས་པའི་དཀྱིལ་འཁོར་རྡོ་རྗེ་འཛིན་པ་ཆེན་པོའི་ཕོ་བྲང་དང་ལྡན་པའོ། །དེ་ཉིད་ཕུང་པོ་དང་ཁམས་དང་སྐྱེ་མཆེད་རྣམ་པར་དག་པ། དཔལ
iiif viewer powered by OpenSeadragon
