| e-texts navigator |
| Wylie |
361b1 བདག་བྱིན་བརླབ་པར་གྱུར་པའོ། །ཚེ་འདི་ཉིད་དང་བར་དོར་ནི། །ཡེ་ཤེས་དངོས་གྲུབ་ཐོབ་པར་བཤད། །གོང་དུ་འཕོ་བའི་དོན་གྲུབ་བྱེད། །བཅུ་བདུན་ལྷ་ཡི་འཁོར་ལོ་ལས། །གྲུབ་པ་རབ་གསལ་བདེ་ཐོབ་པའོ། །མཚོན་བྱའི
361b2 འབྲས་བུ་མངོན་གྲུབ་ན། །མཚོན་བྱེད་ནུས་པ་ཐོགས་མེད་འབྱུང་། །གསལ་བྱ་གསལ་བྱེད་རྒྱུ་འབྲས་དང་། །བསྐྱེད་བྱ་སྐྱེད་བྱེད་རྒྱུ་འབྲས་སོ། །ངོ་བོ་ཉིད་ཀྱི་རྒྱུ་འབྲས་ལས། །རྒྱུས་ནི་འབྲས་བུ་སྐྱེད་བྱེད་པས། །འབྲས་བུ་རྒྱུ་ལས་འབྱུང
361b3 བས་ན། །ཕན་ཚུན་ལྟོས་པའི་རྒྱུ་འབྲས་སོ། །ངོ་བོ་གཅིག་པར་གྲུབ་འགྱུར་ཏེ། །རྒྱུ་འབྲས་རྣམ་པ་ཐ་དད་ཀྱང་། །རིགས་མཐུན་གནས་ཉིད་མཚུངས་འབྲལ་བས། །གྲུབ་སྡེ་གཅིག་པར་གྲུབ་པའོ། །རྒྱུ་འབྲས་མ་ལུས་རྟེན་འབྲེལ
361b4 ཏེ། །དེ་ཉིད་ནམ་མཁའི་ངོ་བོ་ཉིད། །སྟོང་ཉིད་དངོས་པོ་སྣ་ཚོགས་པར། །གནས་ཀྱང་རོ་མཉམ་འགག་པ་མེད། །ཆོས་རྣམས་སྣང་བ་མ་ལུས་ལ། །ནམ་མཁའི་རང་བཞིན་ངང་ལས་འབྱུང་། །སྒྲིབ་ཕྱོགས་དང་ནི་སྣང་ཕྱོགས་དག་།
361b5 སྐྱེ་འགག་དེ་ཉིད་དངོས་མེད་པས། །བདེན་གཉིས་ཐ་དད་གྱུར་པ་ན། །ཡེ་ཤེས་ལམ་ནི་དོན་མེད་འགྱུར། །གསལ་སྟོང་གཉིས་ནི་ཐ་དད་ན། །རྟག་ཆད་མཐར་ནི་ལྟུང་བར་འགྱུར། །དངོས་པོའི་གནས་ལུགས་ལ་བརྟེན་ནས། །དངོས་མེད
361b6 ཡེ་ཤེས་འོད་གསལ་བ། །ཟབ་དང་རྒྱ་ཆེ་གཉིས་མེད་པ། །རྒྱུ་རྐྱེན་མ་ལུས་དག་བྱེད་པས། །བསམ་གཏན་ཏིང་འཛིན་མཐར་ཐུག་ནི། །རྡོ་རྗེ་ལྟ་བུའི་ངོ་བོ་ཉིད། །དངོས་པོ་ཐམས་ཅད་ཟློག་བྱེད་པ། །ཤིང་གི་ཚོགས་ལ་མེ་འབར་བས། །
361b7 བསྲེགས་ཏེ་དངོས་མེད་འགྱུར་བ་ལྟར། །མཐར་ནི་ཐམས་ཅད་སྟོང་ཉིད་དུ། །ཡེ་ཤེས་མེས་ནི་རྣམ་པར་སྦྱངས། །ནམ་མཁའ་ལྟ་བུའི་དབྱིངས་ལས་ནི། །ཡེ་ཤེས་ཕྲིན་ལས་འགག་མེད་འབྱུང་། །དཔལ་ཡེ་ཤེས་རྡོ་རྗེ་ཀུན་ལས
361b8 བསྡུས་པ་ལས་རབ་ཏུ་བྱེད་པ་ཉི་ཤུ་རྩ་བརྒྱད་པའོ། ། །། དེ་ནས་རྒྱལ་པོ་རྡོ་རྗེ་འཛིན། །དཔལ་ལྡན་ལུས་ཀྱི་རྣམ་ཤེས་དང་། །ཡེ་ཤེས་སྒྱུ་འཕྲུལ་ལ་སོགས་བསྟན། །ལྷ་མོ་བཞི་དང་ཁྲོ་བོ་བཅུ། །སྣ་ཚོགས་ཕྲིན་ལས་དུ
iiif viewer powered by OpenSeadragon
