| e-texts navigator |
| Wylie |
359b1 བརྒྱད་བཅུར་འགྱུར། །རང་བཞིན་དག་པས་གནས་འགྱུར་བའོ། །ཡང་ན་དབྱངས་ཡིག་ཉིས་འགྱུར་བཅས། །མཚན་མཆོག་སུམ་བཅུ་རྩ་གཉིས་པོ། །འགྲུབ་འགྱུར་རྒྱུ་རྐྱེན་ཉེར་ལེན་ལས། །རྒྱུ་འབྲས་མངོན་དུ་གསལ་བར་འབྱུང་། །
359b2 རྫོགས་སངས་རྒྱས་ཀུན་ཡོན་ཏན་ནི། །འཁོར་ལོས་སྒྱུར་ལས་ཁྱད་འཕགས་པ། །མཛོད་སྤུ་སྨིན་མཚམས་འོད་འབར་བ། །གསང་བ་སྦུབས་སུ་ནུབ་པ་དང་། །གཙུག་ཏོར་ལྟ་བས་མི་མངོན་པ། །འོད་ཟེར་དཀྱིལ་འཁོར་ཁྱབ་བྱེད་པ། །དབང
359b3 གི་ནུས་པ་བརྟན་གྱུར་པས། །གཟུགས་སྐུའི་ཡོན་ཏན་རྒྱུ་འབྲས་ཀྱི། །བྱེད་ལས་སྟོབས་ལྡན་འབྱུང་འགྱུར་ཉིད། །གསང་སྔགས་ཟབ་དང་རྒྱ་ཆེ་བ། །མྱུར་བ་ཉིད་དུ་བྱིན་བརླབས་ཤིང་། །བདེ་བ་ལམ་བྱེད་ཚེ་འདི་དང་། །བར་དོར་ཡེ
359b4 ཤེས་མངོན་དུ་བྱེད། །བླ་མ་ལས་ནི་གྲོལ་སྤྱོད་འཐོབ། །མངོན་སུམ་རྟེན་འབྲེལ་ཁྱད་པར་རོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས། རབ་ཏུ་བྱེད་པ་རྩ་ལྔ་པའོ།། །། དེ་ནས་རང་བཞིན་རྟོག་པ་ནི། །དཔེར་ན་རྒྱ
359b5 མཚོ་ཆེན་པོ་ལ། །བྱ་ཡི་ཚོགས་རྣམས་རྒྱུ་བ་ཀུན། །འགྲོ་འོང་དུ་མ་བྱེད་གྱུར་ཀྱང་། །རྒྱ་མཚོ་གཡོ་བ་མེད་པ་བཞིན། །སྣང་བ་གསུམ་གྱི་ཡེ་ཤེས་ལ། །གོས་པ་མེད་ཅིང་རྟོག་པ་མེད། །རྩ་རྣམས་རྣམ་པར་དག་པས་ནི། །
359b6 གཏུམ་མོ་ཡེ་ཤེས་མེ་འབར་བའོ། །རླུང་ནི་སྲོག་རྩོལ་དག་པ་ན། །སྒྱུ་མ་སྨིག་རྒྱུ་ཆུ་ཟླར་འཆར། །ཐིག་ལེ་དག་པར་གྱུར་པ་ན། །འོད་གསལ་བདེ་བ་ཆེན་པོར་འཆར། །བག་ཆགས་རྟོག་པ་དག་པ་ལས། །རྨི་ལམ་སངས་རྒྱས
359b7 ཞིང་ཁམས་མཐོང་། །ཡི་གེ་དག་ཅིང་ཁམས་དངས་པས། །མཁྱེན་པ་བརྐྱང་བས་རྣམ་གྲོལ་འཐོབ། །སེམས་གསུམ་ཞི་གནས་ཆ་དང་ནི། །སེམས་གསུམ་ལྷག་མཐོང་གང་ཡིན་པ། །རྣལ་འབྱོར་པ་ལ་ངེས་པར་འཆར། །རྟོག་པའི་རྦ
359b8 རླབས་ངང་གིས་ཞི། །སྣང་བ་སྐྱེ་བ་མེད་པ་སྟེ། །སྣང་བ་ཐོབ་པ་འགག་པ་མེད། །སྣང་བ་མཆེད་པ་མི་གནས་ཤིང་། །གནས་པ་མེད་པས་མི་རྟག་པ། །ཉེར་ཐོབ་སྟོང་ཉིད་དོན་གནས་པའོ། །འོད་གསལ་ཆོས་ཉིད་དེ་བཞིན་ཉིད། །མཁའ
iiif viewer powered by OpenSeadragon
