| e-texts navigator |
| Wylie |
358b1 སྤྱོད་པ་ལྷ་མོ་དགུ་འམ་ལྔ། །སྤྱོད་པ་མཐར་ཕྱིན་བྱེད་པའོ། །རྗེས་དྲན་བཅུ་དྲུག་གིས་ནི་འདིར། །མྱུར་བར་སྐྱོབ་པའི་ཁྱད་པར་ཡང་། །ཟབ་དང་རྒྱ་ཆེ་བསྟན་པའོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ
358b2 བྱེད་པ་རྩ་གསུམ་པའོ། ། །། འཇིག་རྟེན་འཇིག་རྟེན་འདས་པ་ཡི། །བདེར་གཤེགས་བྱང་ཆུབ་སེམས་དཔར་བཅས། །ཐེ་ཚོམ་གཅོད་མཛད་རྡོ་རྗེའི་ཚིག་།ཡང་དག་དོན་ནི་སྟོན་པར་མཛད། །གསང་བ་ཡེ་ཤེས
358b3 སྨིན་གྲོལ་གྱིས། །ཏིང་འཛིན་ཡེ་ཤེས་ཆོས་བསྟན་ཏོ། །དགོངས་ཏེ་གསུངས་པ་གང་ལ་གང་། །སྔོན་བྱུང་རྗེས་འཇུག་ལྡེམ་དགོངས་ཉིད། །གསལ་བ་གཞན་ལས་ཁྱད་པར་གྱུར། །དཀྱིལ་འཁོར་དབུས་དབྱུང་རིགས་བསྡུས
358b4 པའི། །དེ་ཉིད་རྒྱལ་བ་བསླང་བར་མཛད། །གཅོད་བྱེད་རྡོ་རྗེ་བཟླས་པ་སྟེ། །མ་བྱིན་ལེན་པ་སེམས་དམིགས་ཀྱིས། །མི་ཚངས་སྤྱོད་པའི་འོད་གསལ་བ། །སྒྱུ་མས་བརྫུན་དུ་སྨྲ་བ་ཉིད། །ཟུང་འཇུག་རབ་ཏུ་མི་གནས་པས། །
358b5 ཚིག་རྩུབ་དངོས་འཛིན་ཟློག་པར་བྱེད་པའོ། །ལས་རླུང་ཅུང་ཟད་དུལ་བར་གྱུར་པ་ཡིས། །ཡེ་ཤེས་རླུང་གི་ནུས་པ་རྙེད་གྱུར་ནས། །ཏིང་འཛིན་གསལ་ཞིང་ཕྲ་རབ་འཇུག་པ་ཉིད། །ཀུན་དོར་ཏུ་ནི་སྲོག་རྩོལ་རབ་སིམ་གྱུར། །ལ་ལར
358b6 ཐབས་དང་ཡེ་ཤེས་རབ་རླུང་། །དབུ་མར་གནས་པས་འབྱུང་འཇུག་གཡོ་མི་འགྱུར། །དེ་ལས་ཡེ་ཤེས་འོད་ཟེར་གློག་ལྟ་བུ། །ཀུན་ནས་འབྱུང་བ་དེ་ཉིད་ཐིག་ལེའི་དབུས། །དཀར་དམར་གོང་བུ་འདྲེས་པའི་བྱང་ཆུབ་སེམས། །
358b7 འབྱུང་བའི་སྒོ་དང་འཇུག་པའི་སྒོ་ཉིད་ནི། །མི་འཕོ་རི་བོང་འཛིན་པ་ཟླ་རྒྱས་པས། །སྣ་ཡི་བུ་ག་གཡས་གཡོན་རྣལ་འབྱོར་པའི། །གཅིག་ནས་འབྱུང་ཞིང་གཅིག་ཏུ་འཇུག་པ་ནི། །ཚིམ་བྱེད་བདེ་གནས་སྙིང་ག་ལྟེ་བར་ནི། །གནས
358b8 པ་རྡོ་རྗེ་འཛིན་པའི་སྙིང་པོ་ནི། །བསྐུལ་བར་གྱུར་པའི་བདེ་གཤེགས་ཐམས་ཅད་ལ། །ཕྱོགས་བཅུར་མཆོད་ནས་དགྱེས་པར་གྱུར་པ་ལས། །བདུད་རྩི་སྤྱན་གྱི་མཛོད་སྤུ་ནས་ཕྱུང་སྟེ། །འཇུག་པ་རྣལ་འབྱོར་སྤྱི་གཙུག་འཁོར་ལོར་ཞུགས། །
iiif viewer powered by OpenSeadragon
