| e-texts navigator |
| Wylie |
357b1 མོས་པའི་དབང་བྱས་པས། །ཐམས་ཅད་མོས་སྤྱོད་ལམ་མཚན་པ། །གསང་ཆེན་མཆོག་གི་དོན་ལས་ནི། །ཡེ་ཤེས་ལམ་བསྟན་དེ་ཉིད་དོ། །དཀྱིལ་འཁོར་ཆེན་པོའི་ཚད་གྱུར་པ། །ཡེ་ཤེས་ཚད་མེད་རི་རབ་སྟེ། །སྤྱོད་ཡུལ་བླ་མེད་འདིར་བསྟན་པ། །
357b2 མཆོད་པའི་རོལ་པ་ལྷ་མོ་སྟེ། །པདྨ་སྣ་ཚོགས་བདེ་བས་མཆོད། །ཕྱོགས་བཅུ་དུས་གསུམ་རྒྱལ་བ་ཀུན། །གསང་ཆེན་ཐེག་པ་ལ་བརྟེན་ནས། །རྡོ་རྗེ་ཡེ་ཤེས་ཏིང་འཛིན་བརྙེས། །རྡོ་རྗེ་འཆང་གི་ངོ་བོར་ནི། །བདེ་ཆེན་མཉམ་པ་ཉིད་གྱུར་པས། །མི་ཕྱེད་ཡེ་ཤེས
357b3 མངོན་སངས་རྒྱས། །རིགས་ལྡན་མཆོད་པ་བླ་ན་མེད་པ་སྟེ། །དྲན་པ་གཅིག་པ་ནས་ནི་ལུས་དབེན་པར། །རགས་པའི་ཏིང་འཛིན་སློབ་དུས་མཉམ་རྗེས་ལས། །ཡུལ་ལྔ་གཟུགས་ཀྱི་རྡོ་རྗེ་མ་ལ་སོགས། །ས་ཡི་སྙིང་པོ་ལ་སོགས་དབང་པོ་ལྔ། །ཡབ
357b4 ཡུམ་ལྷར་བརྟེན་སློབ་པ་སྤྱོད་པ་སྟེ། །གཟུང་འཛིན་མ་སྤངས་སྤྲོས་པ་ལྡན་པའི་ཕྱིར། །སྤྲོས་བཅས་སྤྱོད་པ་ཞེས་ནི་གྲགས་པའོ། །མཆོད་ཡུལ་རིགས་ལྔ་རྣམ་སྣང་ལ་སོགས་པ། །མཆོད་རྫས་ཡུལ་ལྔ་ལྷ་དང་ལྷ་མོར་སྣང་། །མཆོད་བྱེད་སྤྲོས་བཅས
357b5 སྤྱོད་པ་ལ་གནས་པ། །མཆོད་ཐབས་སོ་སོར་རིགས་ཀྱིས་མཆོད་པའོ། །རྟེན་སློབ་སྤྲོས་མེད་ངག་དབེན་སེམས་དབེན་ལྡན། །བདག་བྱིན་བརླབ་པས་ཏིང་འཛིན་ཕྲ་བ་ས། །སློབ་མ་མཉམ་རྗེས་ཐབས་དང་ཤེས་རབ་དག་།གཉིས་མེད་རྟེན་པའི
357b6 ལུས་སེམས་བརྟེན་སློབ་པ། །མཆོད་བྱ་རིགས་ཀྱི་བདག་པོ་ལྔ་སོགས་སོ། །མཆོད་དངོས་རྣམ་གསུམ་ཁྱད་པར་དག་ཏུའོ། །མཆོད་བྱེད་རྣལ་འབྱོར་གྱིས་ནི་ཐབས་བཅས་མཆོད། །རྟེན་སློབ་ཤིན་ཏུ་སྤྲོས་མེད་འོད་གསལ་ནས། །སྒྱུ་ལུས
357b7 དག་པའི་བར་དུ་ཏིང་འཛིན་ནི། །ཤིན་ཏུ་ཕྲ་བ་སློབ་པ་མཉམ་རྗེས་ལ། །བསམས་པས་ཐབས་དང་ཤེས་རབ་དབང་པོ་དང་། །ཡུལ་ལྔ་གཉིས་མེད་རང་བཞིན་མེད་པར་བསླབ། །སྤྲོས་པ་རྣམ་པར་བྱེད་པ་དེ་ཡི་ཕྱིར། །ཤིན་ཏུ་སྤྲོས
357b8 མེད་དེ་ལ་བྱེ་བྲག་ཏུ། །མཆོད་བྱའི་ཡུལ་ནི་ཡེ་ཤེས་སྐུ་འབྱུང་བ། །མཆོད་བྱེད་གང་ཟག་སྒྱུ་མར་གནས་པས་སོ། །དོན་ནི་སྣང་གསུམ་སྒྱུ་མར་ལྡན་པ་ལས། །མཆོད་དངོས་སྒྱུ་མའི་འདོད་ཡོན་ཉིད་ཡིན་ནོ། །མཆོད་པའི་ཐབས་ནི་བསམ་གཏན
iiif viewer powered by OpenSeadragon
