| e-texts navigator |
| Wylie |
356b1 གཞི་དང་དངོས་པོའི་ཁྱད་པར་དང་། །ལམ་བྱེད་ནུས་པ་ཕྲིན་ལ་སོགས། །འབྱུང་གནས་ཡེ་ཤེས་བསྟན་པ་ལ། །སྨོན་པ་དང་ནི་འཇུག་སེམས་བསྐྱེད། །དོན་དམ་བསྟན་པའི་བྱང་ཆུབ་སེམས། །ཡང་དག་དོན་གྱི་སེམས་བསྐྱེད་པ། །ཀུན་ཏུ
356b2 བཟང་པོའི་ཏིང་འཛིན་ལས། །སྤྱི་བོར་པདྨ་ཟླ་ཉི་ལ། །འཁོར་ལོ་ཨོཾ་དཀར་འོད་འཕྲོ་བ། །མགྲིན་པར་པད་དམར་ཨཱཿའོད་འབར། །ཐུགས་ཀར་ཟླ་བ་རྡོ་རྗེ་ནི། །དཀར་པོ་རྩེ་ལྔ་འོད་འཕྲོ་བ། །དངུལ་ཆུའི་མདོག་འདྲའི་ཧཱུ~ཾ་ཡེ་ཤེས། །ཀུན
356b3 རྫོབ་དོན་དམ་བྱང་ཆུབ་སེམས། །དེ་ཉིད་ཏིང་འཛིན་གནས་པར་བྱ། །དཔྲལ་བར་རིན་ཆེན་ས་ཡིག་གསེར། །ལྟེ་བར་རལ་གྲི་ཧ་ལྗང་བ། །འོད་འཕྲོ་ཡེ་ཤེས་ལྔ་བདག་ཉིད། །འོད་འགྱེད་འགྲོ་བ་སྦྱངས་པ་ལས། །སླར་འདུས་རིགས་ཀྱི་བདག
356b4 པོ་ནི། །རྡོ་རྗེ་བཻ་ཌཱུརྱ་ཡི་འོད། །ཐུགས་ཀར་རྡོ་རྗེ་ལ་ཐིམ་པས། །ཁྲོ་བོའི་རྡོ་རྗེ་ཁ་གྱེས་པས། །འདུས་པ་རྡོ་རྗེ་འཆང་ངོ་བོ། །བྱང་ཆུབ་སེམས་ཀྱི་རྡོ་རྗེ་ཉིད། །གཉིས་མེད་བདེ་བ་ཆེན་པོར་གནས། །རྟོགས་པ་བརྗོད་པས་བསྟན
356b5 པར་འགྱུར། །རྣལ་འབྱོར་ཏིང་འཛིན་གནས་པ་ནི། །འཇིག་རྟེན་ལམ་ལ་གནས་པ་སྟེ། །ཕྱི་ལ་མཆོག་ཏུ་གཞོལ་བས་ནི། །འཇིག་རྟེན་ཆོས་བརྒྱད་རྟོག་པ་འདབ། །མ་སྤངས་ལྷ་ཡི་དམིགས་པ་ལས། །ཕྲ་མོ་རླུང་ལ་བསླབ་པ
356b6 དང་། །རགས་པ་ཐིག་ལེ་བསྒོམ་པས་ནི། །ལས་ཆེན་ཐུན་མོང་དངོས་གྲུབ་ལ། །དམིགས་ཕྱིར་གནས་སྐབས་འབྲས་བུ་ཐོབ། །རིམ་གཉིས་ལྡན་པའི་ཏིང་འཛིན་ལས། །སྤྲོ་བསྡུ་རིགས་ཀྱི་རྣལ་འབྱོར་ལམ། །ས་བོན་ཐིག་ལེའི་དེ
356b7 ཉིད་ལས། །ངོ་བོ་ཡེ་ཤེས་བདེ་ཆེན་འགྲུབ། །མཆོག་གྱུར་ནང་དོན་མངོན་དུ་བྱ། །རྣམ་པར་བཀོད་པའི་དཀྱིལ་འཁོར་དང་། །བྱང་ཆུབ་སེམས་དང་ལུས་གནས་པའི། །དཀྱིལ་འཁོར་བདེ་ཆེན་འབྱུང་གནས་ཉིད། །སེམས་ཀྱི་དཀྱིལ
356b8 འཁོར་མཆོག་གྱུར་པ། །བུམ་པ་གསང་བ་ཤེས་རབ་དང་། །དེ་ཉིད་སྙིང་པོའི་དཀྱིལ་འཁོར་ཏེ། །ཡེ་ཤེས་མཆོག་ཏུ་དབང་བསྐུར་བའོ། །གསང་བའི་དེ་ཁོ་ན་ཉིད་ཡེ་ཤེས་ཀྱི་དཀྱིལ་འཁོར་ཆེན་པོར་བདེ་བ་ཆེན་པོ་ལྷུན་གྱིས་གྲུབ་པ
iiif viewer powered by OpenSeadragon
