| e-texts navigator |
| Wylie |
355b1 ཙནྡན་ལྟ་བུ་ནི་ཉན་ཐོས་ཀྱི་རིགས་ཅན། ཨུཏྤལ་ལྟ་བུ་ནི་རང་རྒྱལ་བའོ། །པདྨ་དཀར་པོ་ནི་བྱང་ཆུབ་སེམས་དཔའ་རྣམས་སོ། །པད་དམར་ལྟ་བུ་ནི་གསང་སྔགས་ལ་འཇུག་པའོ། །རིན་ཆེན་ལྟ་བུ་ཡོན་ཏན་དང་ལྡན་པ་ནི། དཔལ
355b2 རྡོ་རྗེ་འཆང་གི་རིགས་སོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་བཅཝ་བརྒྱད་པའོ།། །། ཀུན་རྫོབ་ཀྱི་བདེན་པ་ནི་ཆུ་ཟླ་ལ་སོགས་པའོ། །དོན་དམ་པའི་བདེན་པ་ནི་སྟོང་པ་ཉིད་བཅཝ་བརྒྱད་དོ། །དེའི
355b3 དོན་ནི་རྒྱ་མཚོར་གཟའ་སྐར་ཤར་བ་ལྟར་སྐད་ཅིག་ལ་འཆར་བའོ། །གཙུག་ཏོར་གནས་ལས་ཡོན་ཏན་ཀུན་མཐར་ཕྱིན། །རྡོ་རྗེ་གསུམ་གྱི་སྙིང་པོ་སྐུ་གསུམ་རྫོགས། །ཀུན་འདར་བྱང་ཆུབ་སེམས་ཀྱིས་བརྟན་གྱུར་པ། །སྒྲོ་འདོགས་གཅོད
355b4 བྱེད་དམག་དཔོན་རལ་གྲི་འཛིན་པའོ། །དོན་དམ་ཀུན་རྫོབ་དབྱེར་མེད་རྟ་མཆོག་སྟེ། །དབུ་མ་ཟུང་འཇུག་རབ་ཏུ་མི་གནས་པ། །སྐུ་བཞི་ལྷུན་གྲུབ་ཡེ་ཤེས་རྫོགས་སངས་རྒྱས། །སྦྱང་གཞི་སྦྱོང་བྱེད་ལྡན་པར་རིམ་པ་ཉིད། །རྡོ་རྗེ་ལུས
355b5 ཀྱི་རྩ་གནས་ཐམས་ཅད་ནི། །དབུ་མ་ལ་བརྟེན་ཆ་ཤས་ཕྲ་རགས་གང་། །མཚུངས་གྱུར་རྡོ་རྗེ་གསང་ཆེན་གྱུར་པ་གང་། །ལམ་གྱུར་བདེན་པ་གཉིས་ཀྱི་དེ་ཉིད་ནི། །ཐམས་ཅད་སྡུད་བྱེད་རིམ་པ་རབ་རྫོགས་ལ། །རྡོ་རྗེ་ལྟ་བུའི་ཏིང་འཛིན
355b6 བྱང་ཆུབ་པས། །ཐོག་མ་བར་དང་མཐའ་མ་ཀུན་དུ་ཡང་། །དུས་དང་རྣམ་པ་ཐམས་ཅད་རྟེན་བྱེད་པ། །ཁྱབ་ཅིང་གནས་མེད་གནས་ནི་བསམ་མི་ཁྱབ། །རྒྱུ་འབྲས་འགག་མེད་རྟེན་ཅིང་འབྲེལ་འབྱུང་གི། །སྐུ་སོགས་དབང་ཕྱུག་ཡོན་ཏན་ཚད
355b7 མེད་པ། །ནམ་མཁའ་ཁྱབ་པ་ཡང་དག་ཞིང་ཁམས་ཉིད། །ཟུང་འཇུག་གང་དུ་ཐིམ་པ་གནས་གར་འཇུག་།རང་གི་ངོ་བོ་བྱང་སེམས་འགྱུར་མེད་པ། །གཉིས་མེད་རོ་མཉམ་གྱུར་པ་ལམ་དང་ནི། །བལྟ་ལ་སྤྱོད་པ་ཀུན་དུ་ཟུང་འཇུག་པ། །
355b8 ཐོགས་པ་མེད་པར་འབྱུང་བའི་དཔལ་དང་ལྡན། །ཡེ་ཤེས་བླ་མེད་དབང་ཕྱུག་བཅུ་གསུམ་ས། །མཐར་ཕྱིན་སྐད་ཅིག་བྱང་ཆུབ་དབྱིངས་ཡེ་ཤེས། །དབྱེར་མེད་བྱང་ཆུབ་ཆེན་པོ་མགོན་པོ་ཉིད། །བདེ་ཆེན་མཉམ་ཉིད་རང་འབྱུང་ཆེན་པོའོ། །དཔལ་ཡེ
iiif viewer powered by OpenSeadragon
