| e-texts navigator |
| Wylie |
355a1 དམག་དཔོན་རལ་གྲི་ཐོགས་པ་ལྟ་བུ་སྟེ། །ཚོགས་སློབ་གཉིས་ལ་སྤྱི་དང་རང་མཚན་ཉིད། །སྤྲོས་དང་སྤྱོད་པ་དེ་ཉིད་སྣང་བ་ལམ། །རྣམ་ཤེས་ཡེ་ཤེས་དབང་པོ་སྒོ་འབྱེད་པ། །ཆོས་ལ་རབ་ཏུ་དབྱེ་བའི་སྒོ་ནས
355a2 བསྟན། །གང་ཟག་རིགས་པ་དབྱེ་བ་གཉིས་སུ་ཤེས། །དབང་གིས་ཕྱེ་བ་ཁྱད་པར་ཆོས་ལ་ཡང་། །ཕྱི་ལས་གཞོལ་དང་གསང་བ་ནང་གནས་བྱེད། །དེ་ཉིད་ཁྱད་པར་དབྱེ་བ་དེ་ནི་མཚོན་པར་བྱ། །འཇིག་རྟེན་པ་རྣམས་ཁམས
355a3 གསུམ་བསམ་གཏན་ཕྱིར་ལྡོག་ལམ། །འཇིག་རྟེན་ལས་འདས་ཕྱིར་མི་ལྡོག་པ་ཡང་དག་སྟོན། །ཡེ་ཤེས་ལས་ནི་བླ་མའི་ལམ་རྟེན་འདོན་རྫོགས་ཐོབ། །བྱིན་རླབས་ཆུ་རྒྱུན་གྱིས་ནི་བདེ་ཆེན་བླ་མེད་དོན། །རབ་གྲུབ་བདེ་བ་དཔེ་མེད
355a4 མ་རྟོགས་ལོག་རྟོག་ཐེ་ཚོམ་སེལ། །སྒྲོ་འདོགས་སྐུར་འདེབས་བྲལ་བ་དྲི་མེད་གསང་བ་གྲུབ་པ་ཅན། །མཐར་ཐུག་སྙིང་པོ་རྫོགས་སངས་འབྲས་བུ་ལམ་གྱུར་སྤྱོད་པའོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་བཅུ
355a5 བདུན་པའོ། ། །། གསང་བའི་འཁོར་ལོ་ལ་བརྟེན་རིགས་ལས་ནི། །འགྲོ་བ་བློ་རིགས་ལྔ་ལྡན་དབང་པོ་ནི། །རབ་དང་ཡང་རབ་དམན་པ་འབྲིང་རྣམས་ཏེ། །ཡན་ལག་རླུང་སྒོ་དབང་པོ་ལྔ་སྤྱོད་ཡུལ། །བདུད་རྩི་ལྔ་ལྡན་དེ་ཉིད་བློན་པོ
355a6 སྟེ། །བྱང་སེམས་ཐིག་ལེ་བདེ་བའི་འབྱུང་གནས་སོ། །གསང་བ་བདེ་སྐྱོང་འཁོར་ལོ་དེ་ཉིད་ནི། །སྐལ་ཅན་བློ་ལྡན་འགྲོ་བའི་རྒྱུད་ཀྱིས་བསྡུས། །གང་ཟག་བློ་རིགས་དཔེ་དང་སྦྱར་བ་སྟེ། །སྣོད་ཀྱི་བྱེ་བྲག་ཆོས་མཐུན་མཚུངས་པ་སྟེ། །
355a7 རྒྱུད་ལ་འཇུག་པའི་དབང་པོའི་རིམ་པ་ནི། །ཐ་དད་ཆོས་ཅན་བློན་པོར་ཆོས་མཐུན་པ། །ཙནྡན་ལྟ་བུ་དབང་པོ་དམན་པའོ། །ུཏྤལ་ལྟ་བུ་ཐ་མར་གྱུར་པ་དང་། །པད་དཀར་སྐལ་ལྡན་འབྲིང་གྱུར་ཅུང་ཟད་དག་།པད་དམར་དབང་པོ་རབ
355a8 འགྱུར་བརྩོན་པ་ཆེ། །ཡང་རབ་རིན་ཆེན་ལྟ་བུ་བླ་ན་མེད། །རྩ་དང་བྱང་སེམས་ཡི་གེ་རླུང་དག་པ། །ངེས་པ་ཅན་དང་མ་ངེས་པར་འབྱུང་ལ། །སྦྱངས་པ་ཅན་དང་ཐོག་མ་མེད་ནས་ཀྱི། །རང་བཞིན་ཡོན་ཏན་གུས་པ་ཐོབ་གྱུར་པའོ། །
iiif viewer powered by OpenSeadragon
