| e-texts navigator |
| Wylie |
354b1 ཉན་རང་དང་། །བྱང་ཆུབ་སེམས་དཔའི་ལམ་མཆོག་ལ་དབང་སྟེ། །འཇུག་པ་རྣམ་ཐར་ལ་སོགས་དྲུག་ལྡན་པ། །ཆོས་རྣམས་ཡོངས་རྫོགས་མཁྱེན་བཅས་འདིར་སྟོན་བྱེད། །རྡོ་རྗེ་ཐེག་པ་སྤྱི་དོན་རྒྱུད་ཀུན་གྱི། །དགོངས་པ་བལྟ་བའི
354b2 རྣལ་འབྱོར་གསང་སྟོན་པ། །རིག་སྔགས་གཟུངས་བཅས་གསང་སྔགས་དེ་ཉིད་ཀྱི། །འདུས་པར་འཇུག་པའི་རིམ་པ་ལམ་གྱུར་པའོ། །སྦས་པའི་དོན་ལས་སྙིང་པོ་གསང་བ་མཆོག་།བླ་ན་མེད་པའི་འབྱུང་གནས་བཙུན་མོ་དང་། །ཕྱོགས
354b3 མཚུངས་ཕྱི་ལྟར་རིན་ཆེན་རྒྱན་སྤྲས་བཞིན། །སྤྱི་དོན་གཉིས་ཀྱིས་ན་བཟའ་གོས་རིམ་ན། །སྦས་དོན་གསང་བ་བཙུན་མོའི་ལུས་ངག་ཡིད། །ལུས་ནི་སྒྱུ་མ་ཀུན་རྫོབ་རྨི་ལམ་ལྟར། །ངག་ནི་རླུང་སྔགས་གཉིས་མེད་སྦྱོར་བ་ལས། །
354b4 རྣམ་ཤེས་སེམས་ཉིད་སྣང་བ་གསུམ་སྦས་པ། །བདེ་བའི་ལམ་གྱིས་སྦས་པ་དགའ་བ་བཞི། །ཡེ་ཤེས་ཆེན་པོ་རོལ་པའི་གསང་བ་མཆོག་།སྙིང་པོ་བདེ་ཆེན་ལྷན་ཅིག་སྐྱེས་པའོ། །ཡེ་ཤེས་འབྱུང་གནས་ཉིད་ནི་སྐད་ཅིག་བཞི། །
354b5 མཐར་ཐུག་དེ་ཁོ་ན་ཉིད་འོད་གསལ་བ། །དེ་ལ་བརྟེན་པས་ལམ་མྱུར་བགྲོད་པ་སྟེ། །རང་འབྱུང་ཞི་གནས་ལྷག་མཐོང་རོ་མཉམ་པ། །ཟུང་འཇུག་མི་འགྱུར་བྱང་ཆུབ་སེམས་རྡོ་རྗེ། །ལམ་མཐར་ཕྱིན་པ་ལྷུན་གྲུབ་ངོ་བོ་ཉིད། །བརྗོད
354b6 འདས་རྒྱ་ཆེན་པོ་ཡང་དེ་ཉིད་དོ། །ེ་བ~ཾ་ལས་ནི་ཕུན་ཚོགས་ལྔ་ལྡན་པ། །དཔེ་དོན་གྱུར་པ་སྒྲ་དང་རྟགས་ལས་ཤེས། །ཡི་གེ་བཞི་བཅུ་གསང་བ་གླེང་གཞི་ལས། །ེ་བ~ཾ་གསང་བ་གླེང་བསླང་མདོ་རྒྱས་པ། །འཛམ་གླིང་གནས་སུ
354b7 དཀྱིལ་འཁོར་སྣང་བ་བསྟན། །གསང་སྔགས་དབྱིབས་དང་བརྡ་སྔགས་དོན་སྦྱར་བ། །ཐུན་མོང་གྱུར་པ་ཐེ་ཚོམ་སེལ་བའོ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་བཅུ་དྲུག་པའོ།། །། སྨིན་མཚམས
354b8 མཛོད་སྤུའི་འཁོར་ལོ་མུ་ཁྱུད་ལས། །རྩ་ཡི་བྱེད་པ་རོ་རྐྱང་ཐབས་ཤེས་ལས། །སྲོག་རྩོལ་འབྱུང་འཇུག་བྱང་སེམས་སྤྲོ་བསྡུ་དང་། །སྒྲོ་འདོགས་གཅོད་པ་ཕྱི་དང་གསང་བའི་ཚུལ། །རྡོ་རྗེའི་ལུས་ཀྱི་གནས་ལུགས་ཁྱད་པར་ལས། །
iiif viewer powered by OpenSeadragon
