| e-texts navigator |
| Wylie |
353b1 པ། །འཁོར་ལོ་བསྐོར་བསྟན་སྙིང་པོ་མཆོག་ཐོབ་པས། །ཐམས་ཅད་མཁྱེན་པ་བླ་ན་མེད་པར་གྱུར། །དེ་ནི་རྒྱུད་ཅེས་མངོན་པར་བྱང་ཆུབ་ལྔ། །ཕུང་པོ་དག་པ་ཁམས་གསང་རིགས་གཅིག་ཉིད། །གླེང་གཞི་ངེས་པ་དབང་སོགས་ལམ
353b2 རྡོ་རྗེ། །རྒྱུ་ནི་སྤྱོད་པ་ཞི་དྲག་ཁྲོ་ཚོགས་འདྲེན། །གླེང་གཞི་དབྱེ་བ་ཚུལ་གཉིས་རྟོགས་པར་བྱ། །ཡིད་བཞིན་ནོར་བུ་ངོ་བོ་ཉིད་ལྡན་སྐུ། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་བཅུ་བཞི་པའོ།། །།
353b3 མགྲིན་པ་ལོངས་སྤྱོད་འཁོར་ལོར་གསུང་རྡོ་རྗེ། །མཐའ་ལྡན་དྲུག་ནི་གླང་ཆེན་སྟོབས་ལྡན་པ། །བརྗོད་བྱ་མིང་ཚིག་རབ་བྱེད་སྒྲ་ཚོགས་ལས། །ཟུང་གྱུར་རོ་དྲུག་ལོངས་སྤྱོད་དོན་ལྡན་བརྗོད། །འགྲོ་དྲུག་གནས་དོན་ངེས་པ་རྒྱན་དུ་གྱུར། །འཇིག
353b4 རྟེན་གནས་དང་འཇིག་རྟེན་འདས་ལས་གྲོལ། །ཡངས་ཐོབ་རྣལ་འབྱོར་རྒྱུ་འབྲས་རྨི་ལམ་དང་། །མཚུངས་པ་སྒྱུ་མར་སྟོན་པ་དྲང་བའི་དོན། །གྲུབ་མཐའ་རིམ་ལྡན་གཟུངས་ལས་ཡོན་ཏན་ཚོགས། །ངོ་བོ་ཉིད་ཀྱིས་གྲོལ་བ་སྟོང་པ་ཉིད། །
353b5 རྣམ་པར་མི་རྟོག་སྐྱེ་མེད་དངོས་རྣམ་དག་།སྤྲོས་བྲལ་དེ་བཞིན་ཉིད་ལས་ཀུན་དུ་སྟོན། །ཡེ་ཤེས་ཡོངས་སུ་དག་པ་ངེས་པའི་དོན། །དངོས་པོ་མཚན་མར་འཛིན་པའི་བློ་བཟློག་བྱེད། །ཡང་དག་གཉིས་མེད་ཡེ་ཤེས་ལམ་སྟོན་ཅིང་། །
353b6 དམན་པ་ཟིལ་གནོན་མཆོག་དོན་རྨད་གྱུར་པ། །དགོངས་བཤད་གསང་ཆེན་འབྱུང་གནས་དོན་ཀུན་བསྒྲུབ། །ཆོས་རྣམས་འབྱུང་བ་རྒྱ་མཚོ་ཆེན་པོ་ལས། །ཐུགས་རྗེའི་ཞགས་པས་འདྲེན་པ་བློ་གྲོས་མཆོག་།ཚིག་དོན་སྤྲོ་བསྡུས་བྱང
353b7 ཆུབ་གནས་ཐོབ་བྱེད། །ཡོན་ཏན་དགོངས་པ་མིན་པ་ཞེས་བརྗོད་དོ། །རྩ་རླུང་བྱང་སེམས་ཡི་གེ་གནས་དག་པ། །རོ་རྐྱང་སྲོག་རྩོལ་དྲང་ངེས་ཁྱད་པར་གསང་། །སྙིང་གར་འབྲུ་ལྔ་རྩ་བ་འབྲུ་ལྔ་ལྷུང་བ་དག་།དགོངས་བཤད་དྲུག་ལྔ
353b8 ཤེས་བྱེད་ལམ་སྦྱང་བའོ། །དགོངས་མིན་ཨཱ་ལི་གསུང་དབྱངས་ཡན་ལག་གནས། །དེ་ཉིད་ཆོས་རྣམས་བདག་མེད་སྒྲ་སྒྲོགས་པ། །ཱ་ལི་ཀཱ་ལི་དྲུག་ལྡན་མཚན་དཔེ་ནི། །ཇི་བཞིན་སྒྲ་ལས་རྒྱན་སྤྲས་བླ་ན་མེད། །ཇི་བཞིན
iiif viewer powered by OpenSeadragon
