| e-texts navigator |
| Wylie |
353a1 སུམ་ཚོགས་པ་ལྔ་དང་ལྡན་བསྡུས་པ། །གསེར་གྱི་འཁོར་ལོ་རིན་ཆེན་ཆོས་མཐུན་པ། །སྤྱི་བོའི་གནས་སུ་ཨེ་བ~ཾ་རྡོ་རྗེ་བཞུགས། །སྟོན་པ་ཆགས་ཅན་འཁོར་དང་དེ་བཞིན་ཆོས། །ཡེ་ཤེས་དུས་ལྡན་ཚད་ལས་དགོས་པ་བསྒྲུབ། །
353a2 བྱང་སེམས་རྡོ་རྗེ་ཆོ་ག་དབང་བསྐུར་བ། །རྣམ་གྲངས་ལེའུ་གནས་ཚུལ་ལྔ་ལྡན་པ། །རིམ་གཉིས་རྒྱུད་གསུམ་དོན་གྱིས་ཕྱེ་བ་ཉིད། །བྱང་ཆུབ་ཕྱོགས་ལས་དུམ་བུ་དབྱེ་བར་གྱུར། །རྣལ་འབྱོར་བསྙེན་བསྒྲུབ་ཡན་ལག་མཆོག་དང་ནི། །
353a3 རྡོ་རྗེ་རྣམ་བཞི་ཡན་ལག་རིམ་པས་བསྡུས། །དགོས་པའི་ཁྱད་པར་ལས་དང་དངོས་གྲུབ་ལས། །གྲུབ་པ་བརྒྱད་དང་མཆོག་ལྡན་ཡང་དག་པའོ། །བདེ་ཆེན་འཁོར་ལོར་ཐིག་ལེ་གཙོར་གྱུར་པའི། །དགུ་བརྒྱ་ཕྲག་གཅིག་ཡེ་ཤེས
353a4 རླུང་གྱུར་པ། །བཅུ་གཅིག་བཞི་ཆ་ཕྲག་ལྔའི་རྩ་གནས་སོ། །ལྔ་བཅུ་ཕྲག་གཉིས་ཨཱ་ལི་ཀཱ་ལི་སྟེ། །རྩིབས་སྟོང་ལྡན་པ་སྦས་པའི་འཁོར་ལོའོ། །སྤྱོད་པ་རིམ་ལྡན་རྗེས་སུ་གསང་བ་སྟེ། །རྨད་བྱུང་དཀྱིལ་འཁོར་སྙིང་པོ་བསྐུལ་བ
353a5 དང་། །སྔགས་དང་ཡེ་ཤེས་སྐུ་བསྐྱེད་ཕྲིན་ལས་དག་།རབ་འབྱམ་རིགས་འཛིན་ཡན་ལག་འབྲས་བུ་བསྟན། །སྔགས་དང་ནད་ལ་མཆོག་གཞོལ་རྣལ་འབྱོར་གྲུབ། །ལས་ཚེགས་ཚར་གཅོད་རྗེས་འཛིན་རྨི་ལམ་ཆོས། །རྣམ་དག་དཀྱིལ
353a6 འཁོར་ལས་ཀྱི་ཕྲིན་ལས་ཚོགས། །དམ་ཚིག་སྡོམ་པ་རབ་རྫོགས་གཞུང་བསྡུས་བསྟན། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་བཅུ་གསུམ་པའོ།། །། སྙིང་ག་ཆོས་ཀྱི་འཁོར་ལོ་དེ་ཉིད
353a7 དུ། །ལྷན་ཅིག་སྐྱེས་པའི་སྙིང་པོ་གསང་བ་གང་། །རྒྱལ་ཆེན་ཤཱཀྱའི་རིགས་རྒྱུད་དུས་ལྡན་མཆོག་།དོན་གྱི་ཕོ་བྲང་དུ་འཁྲུངས་དབུགས་འབྱིན་པ། །བྱང་ཆུབ་གླེང་གཞི་ཨ་ཁ~ཾ་བཱིར་ཧཱུ~ཾ་ལས། །འཇུག་པ་ཆུ་སྒོ་ཡང་དག་ཐར་པའི་རྟེན། །
353a8 གཟིགས་ལས་རླུང་ཡུལ་ལས་འདས་ཀུན་འདར་མཐོང་། །གཤེགས་པ་ཡེ་ཤེས་ས་བོན་དྲུག་ཏུ་ནི། །ངེས་འབྱུང་རང་འབྱུང་གཉིས་སུ་མེད་པའི་རྟེན། །སྡོམ་ཞིང་འགོག་པས་ངེས་པ་སྙིང་པོར་བསྐུལ། །རྡོ་རྗེ་འཛིན་པ་མངོན་བྱེད་ཤེས་སྤྱོད
iiif viewer powered by OpenSeadragon
