| e-texts navigator |
| Wylie |
352b1 ཐོགས་མེད་རལ་གྲིའི་དངོས་གྲུབ་བོ། །རྟོག་མེད་ཐ་མལ་དབུགས་བྲལ་ལ། །ཞིང་སྐྱོང་ཆོ་འཕྲུལ་ཡུམ་གཞན་བཞུགས། །ཕོ་ཉ་སྔགས་ཀྱི་ནུས་པ་ལས། །གྲུབ་སྟེར་རོ་ལངས་གྲུབ་པ་འབྱུང་། །བདུད་རྩི་རང་ལུས་གནས་པ་ལས། །སྟོབས
352b2 གྱུར་འབྱུང་བ་རོ་སྙོམས་པས། །སྨན་མཆོག་ཟིལ་ལྡན་རྙེད་པ་ལྟར། །བཅུད་ལེན་ཡོན་ཏན་ཁྱད་པར་འགྲུབ། །ནམ་མཁའི་རླུང་ལས་རྩ་གནས་དེར། །རླུང་སྒྲོམ་དག་བྱེད་སྤེད་ཤེས་པས། །གྲིབ་མ་མི་འབྱུང་བདེ་ཐོབ་པ། །མི་སྣང་བར་སྣང་བྱེད
352b3 པ་ཉིད། །གསང་སྒོ་རྩ་ཡི་བུ་ག་ལས། །འདུས་པ་སྒྲོན་མེས་ཁམས་དགུ་ཡི། །དངས་རྙིགས་བྱེད་པས་ལྷ་མིན་གྱི། །བུག་རྙེད་ལ་ནི་ས་འོག་འགྲུབ། །དབང་དང་དགུག་དང་བསྐྲད་པ་དང་། །མནན་དང་རེངས་བྱེད་མངོན་སྤྱོད་དང་། །ཞི་དང་རྒྱས་པ་ཀླུས
352b4 ལས་བྱེད། །བརྗོད་བྱ་དང་ནི་བརྗོད་བྱེད་དང་། །དཔེ་དང་མངོན་གྱུར་སྟོབས་དང་ནི། །ཆོས་དོན་ཁྱད་པར་གྱུར་པའི་ཕྱིར། །ནུས་ལྡན་གསང་བའི་རྒྱན་ཡིན་ནོ། །གནས་པ་དང་ནི་གསལ་རྫུ་འཕྲུལ། །ཡོན་ཏན་ཕྲིན་ལས་རྒྱན་རིམས་བཞིན། །དེ་ནི
352b5 རྗོད་བྱེད་རྟག་པར་བརྒྱན། །དོན་གྱུར་དགོས་པ་བླ་ན་མེད། །དོན་གནས་བྱེད་དང་ཡེ་ཤེས་ཀྱི། །གསང་ཆེན་དོན་མཐོང་སྙིང་པོ་སྟེ། །རྒྱན་པས་དབྱེ་བསྡུ་བསྟན་པའོ། །དུག་ཞི་བ་དང་བསྲུང་བ་དང་། །རྒོལ་བའི་ནུས་འཇོམས་ཕྲིན་ལས་ཏེ། །རབ་འབྱམ
352b6 ལས་ཚོགས་དུ་མ་བསྟན། །དཔལ་ཡེ་ཤེས་རྡོ་རྗེ་ཀུན་ལས་བསྡུས་པ་ལས་རབ་ཏུ་བྱེད་པ་བཅུ་གཉིས་པའོ།། །། བྱང་ཆུབ་སེམས་དཔའ་ཆེན་པོ་བྱམས་པས་གསོལ་པ། བཅོམ་ལྡན་འདས་རྒྱན་རྣམ་པ་བདུན་ཇི
352b7 ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། གླེང་བསླང་བ་རྣམ་པ་ལྔ་དང་། རིགས་པ་རྣམ་པ་བཞི་དང་། མཐའ་དྲུག་གིས་བཤད་པ་དང་། བཤད་ཚུལ་རྣམ་པ་བཞི་དང་། དབྱེ་བ་རྣམ་པ་གཉིས་དང་། གང་ཟག་རྣམ་པ་ལྔའི
352b8 སྒོ་ནས་སློབ་མ་བརྟག་པ་དང་། བདེན་པ་གཉིས་ཀྱི་དགོངས་པའོ། །གླེང་བསླང་བ་རྣམ་པ་ལྔ་ནི་འདི་ལྟ་སྟེ། མཚན་དང་། གང་ཟག་དང་། བྱེད་པ་པོ་དང་། ཚད་དང་། དགོས་པ་རྣམས་སོ། །དང་པོ་གླེང་གཞི་གླེང་སློང་བསྟན་པ་ལས། །ཕུན
iiif viewer powered by OpenSeadragon
