| e-texts navigator |
| Wylie |
352a1 ཚུལ་དབྱེ་བ་ཡིས། །ནུས་པ་ཁྱད་པར་གྱུར་པ་རྒྱན་དང་ལྡན། །ས་ཡི་དབང་ཕྱུག་གསང་བའི་རྒྱན་བསྟན་པའོ། །རྒྱ་ཆེའི་རྒྱན་ལ་སྤྱི་དང་བྱེ་བྲག་ཅན། །རྒྱ་ཆེ་ལ་ནི་མཚོན་དོན་སྟོན་པ་དང་། །རིགས་ཅན་ལྔས་ནི་ངེས་པར
352a2 འཇུག་གྱུར་པ། །གང་ཟག་དང་ནི་དངོས་གྲུབ་སྒྲུབ་པའི་གནས། །ལྔ་ཚད་གཟུགས་ཁམས་ཚད་མེད་ལྡན། །ཚུལ་ལྡན་སྟོན་པའི་མཚན་ཉིད་དང་། །རྒྱུད་དང་གླེང་གཞི་ངེས་པའི་ཚིག་།རྒྱུ་ཡིས་མཐར་འབྱིན་སྤྱོད་པའོ། །ཆོས་ཀྱི་ཐ
352a3 དད་པ་ཡི་རྒྱན། །ཚོགས་སློབ་གཉིས་དང་བདེན་གཉིས་སོ། །དེ་ནས་བྱང་ཆུབ་སེམས་དཔའ་ཆེན་པོ་བྱམས་པས་གསོལ་པ། དོན་དམ་པའི་བདེན་པ་ལ་གནས་པའི་རྣལ་འབྱོར་ཆེན་པོ་ལས་ཀྱི་རྒྱལ་པོ་མཆོག་གི་ཏིང་ངེ
352a4 འཛིན་ལ་བརྟེན་ནས་སེམས་ཅན་གྱི་དོན་ཇི་ལྟར་རབ་ཏུ་སྤྱད་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཇི་སྲིད་དུ་ཞི་བ་ལ་སོགས་པའི་ལས་ཀྱི་སེམས་ཅན་གྱི་དོན་མི་བྱེད་པ་དེ་སྲིད་དུ་ཡང་དག་པའི་མཐའ་ལ་རབ་ཏུ་གནས་པར་འགྱུར་རོ། །
352a5 གང་དུ་སེམས་ཅན་ཐམས་ཅད་ཀྱི་དོན་བྱ་བར་མཐོང་བ་དེའི་ཚེ་ཡང་དག་པའི་མཐའ་ལས་ལངས་ཏེ་སེམས་ཅན་གྱི་དོན་བྱས་ནས་ཡང་དག་པའི་མཐའ་ཉིད་དུ་འཇུག་ཅིང་མི་གནས་པའི་མྱ་ངན་ལས་འདས་པ་མངོན་དུ་བྱེད་དོ། །གང་དུ་འགྲོ་བའི་དོན་འབྱུང
352a6 བ། །དུས་ལ་བབ་པ་དེའི་ཚེ། །རྡོ་རྗེའི་སྤྱན་གྱིས་གཟིགས་པའི་ཚེ། །ཐོགས་པ་མེད་པར་ཕྲིན་ལས་ཀུན། །གདུལ་བྱའི་བསམ་པ་ཇི་ལྟ་བར། །ངེས་པ་ཉིད་དུ་འབྱུང་འགྱུར་བའོ། །ས་རླུང་བརྟན་པོ་ཐོབ་པ་དང་། །རླུང་གིས་རྣམ་པར་འདེགས
352a7 བྱེད་པ། །ཐབས་དང་ཤེས་རབ་སྲོག་རྩོལ་ལ། །བརྟེན་པས་རྡོ་རྗེ་རྐང་མགྱོགས་འགྲུབ། །ཐ་མལ་ལུས་ངག་ཡིད་དག་ལ། །ལྷ་སྔགས་རླུང་སེམས་རྩེ་གཅིག་ལས། །བསམ་གཏན་ཡ་རླུང་མ་རླུང་གིས། །ཀུན་ཏུ་བསྒྱུར་བས་གསེར་འགྱུར་ཐོབ། །ལྷ
352a8 བྱེད་སྒྱུ་མའི་རྣམ་ཤེས་ལས། །ཏིང་འཛིན་ཆུ་རླུང་གསལ་སྣང་གིས། །ལྐོག་ཏུ་གྱུར་པའི་རྫས་མཐོང་བ། །དེ་ཉིད་མིག་སྨན་རིལ་བུ་འགྲུབ། །རླུང་གི་དམིགས་པ་རྣོན་པོ་ཡི། །རྣལ་འབྱོར་པ་ཡི་མཚོན་ཆ་མཆོག་།གར་བསྒྱུར་གཅོད་པར་བྱེད་པ་ཡི། །
iiif viewer powered by OpenSeadragon
