| e-texts navigator |
| Wylie |
348b1 བཤད་དུ་གསོལ། །ཞེས་ཞུས་ཤིང་གསོལ་བ་བཏབ་པར་གྱུར་ལ། དེ་ཚེ་རྡོ་རྗེ་འཆང་གིས་བཀའ་སྩལ་པ། །འདིར་ནི་ལེགས་ཅེས་གསང་བ་ངེས་པ་ལ། །སྤྲོ་བས་ཞུས་པ་གསང་ཆེན་བླ་མེད་ལ། །དེ་བཞིན་གཤེགས་པ་མཆོག
348b2 གྱུར་ཐམས་ཅད་ཀྱང་། །ཐེ་ཚོམ་སྐྱེ་བར་གྱུར་པ་ཡིན་པས་ན། །སེམས་དཔའ་ཁྱེད་རྣམས་ཀུན་གྱིས་ཇི་ལྟར་རྟོགས། །བྱང་ཆུབ་སེམས་དཔའ་ཀུན་གྱིས་གསོལ་བ་ནི། །རྡོ་རྗེ་དམ་ཚིག་འབྱུང་བའི་ཚིག་གིས་ནི། །ཤིན་ཏུ་རྟོགས
348b3 པར་དཀའ་བར་གྱུར་པ་ལ། །དེ་བཞིན་གཤེགས་པ་ཉིད་ཀྱི་མཐུ་སྟོབས་ཀྱིས། །སྐལ་བར་ལྡན་པ་རྗེས་སུ་འཛིན་པར་ནི། །ནུས་པ་མཆོག་ལྡན་ཕུན་སུམ་ཚོགས་པ་ཡི། །ཤིན་ཏུ་རབ་ཏུ་རྟོགས་པར་བྱིན་རླབས་ཤིང་། །དབང
348b4 བསྐུར་མཛད་པས་མངོན་པར་རྟོགས་མཛད་གསོལ། །རྨད་དུ་བྱུང་བའི་ཡེ་ཤེས་ཆོ་འཕྲུལ་ཀུན། །ད་ལྟ་ཉིད་དུ་གསལ་བར་བསྟན་མཛད་གསོལ། །སྦྱོར་བ་དང་པོའི་རིམ་པའོ། །དཔལ་ལྡན་རྡོ་རྗེ་འཛིན་པ་ཡིས། །མངོན་རྫོགས་བྱང
348b5 ཆུབ་རྡོ་རྗེ་ཡི། །ཏིང་ངེ་འཛིན་ལ་བཞུགས་ནས་ནི། །དང་པོའི་མགོན་པོ་ཉིད་ཀྱིས་ནི། །རིག་པ་ཆེན་པོའི་སྐྱེས་བུ་སྟེ། །ཆོས་དབྱིངས་རྡོ་རྗེ་མ་གཉིས་མེད། །དཀྱིལ་འཁོར་སྤྲོ་དང་སྡུད་པར་མཛད། །དཔལ་ལྡན་མི་བསྐྱོད་རྡོ་རྗེས་ནི། །
348b6 ཡེ་ཤེས་སྒྲོན་མ་རྡོ་རྗེ་ཡི། །ཏིང་ངེ་འཛིན་ལ་སྙོམས་ཞུགས་པས། །བཛྲ་དྷྲྀཀ་ལས་ཕྱུང་གྱུར་ནི། །ཞལ་གསུམ་ཕྱག་ནི་དྲུག་པ་སྟེ། །ིནྡྲ་ནཱི་ལ་ཀུནྡ་ལྟར། །རཱ་ག་འབར་བའི་ཞལ་མངའ་བ། །གཡས་གཡོན་རྡོ་རྗེ་དྲིལ་བུ་འཛིན། །
348b7 པདྨ་འཁོར་ལོ་ནོར་བུ་དང་། །པདྨ་རལ་གྲི་གཡོན་དུ་སྟེ། །རྡོ་རྗེ་སྐྱིལ་དཀྲུང་རྒྱན་སྤྲས་པ། །དེ་ཉིད་སྐུ་ལས་འོད་ཟེར་ཚོགས། །སྤྲོས་ནས་ཀུན་ཏུ་བདེར་གཤེགས་ཀྱིས། །ཕྱོགས་བཅུའི་ཞིང་ཁམས་ཁྱབ་མཛད་ནས། །འགྲོ་སྦྱངས
348b8 དག་པར་གྱུར་ནས་ནི། །སྨིན་བར་ནས་ཞུགས་ཐུགས་ཀར་ཐིམ། །དེ་ནི་དེ་མ་ཐག་ཏུ་ཡང་། །བཅོམ་ལྡན་ཞེ་སྡང་རྡོ་རྗེར་གྱུར། །རིན་ཆེན་སྣ་ཚོགས་སེང་གེའི་ཁྲི། །ཟླ་བ་ཉི་མའི་སྟེང་དུ་བཞུགས། །དཀྱིལ་འཁོར་ཆེན་པོའི་དབུས
iiif viewer powered by OpenSeadragon
