| e-texts navigator |
| Wylie |
348a1 རྫོགས་པ་ཕྱག་རྒྱ་ལྡན་པར་སྣང་། །དེ་ཉིད་ཆོས་དབྱིངས་རྡོ་རྗེ་ཡུམ་བཅས་བཞི། །ཆོས་འབྱུང་ནས་བྱོན་ཐུགས་ཀའི་དབུས་མ་ནས། །དེ་བཞིན་གཤེགས་པ་དུ་མ་སྤྲོས་པ་ལས། །ཆེད་དུ་བརྗོད་པ་གསང་བ་དེ་ཉིད་གསུངས། །
348a2 ཀུན་རྫོབ་ཆོ་འཕྲུལ་མི་ཟད་འཁོར་ལོ་བསྟན། །དེ་རྗེས་འདོད་པ་ཁམས་པ་གདུལ་དོན་དུ། །རྡོ་རྗེ་སེམས་དཔའི་གཟུགས་ཀྱིས་དང་བའི་ཚུལ། །རྣམ་སྣང་མཛད་པ་རྡོ་རྗེ་འཛིན་སྐུ་ལས། །སྐུ་ཡི་ཆ་ཞུ་ལྷ་མོའི་ཚུལ་བསྟན་པ། །སྤྲོ་དང་བསྡུ
348a3 བ་ཡེ་ཤེས་མངོན་རོལ་པའི། །སྤྱོད་པ་བདེ་ཆེན་དགྱེས་པར་བསྟན་པའོ། །དཔལ་ལྡན་མི་བསྐྱོད་རྡོ་རྗེའི་དཀྱིལ་འཁོར་མཆོག་།རྡུལ་མེད་པ་ཉིད་གྲུ་བཞིར་བྱིན་བརླབས་པ། །དེ་ནས་དེ་བཞིན་གཤེགས་པའི་ཚོགས་དཔག་མེད། །
348a4 ཕྱོགས་དུས་ཀུན་ནས་ཁྱབ་ཅིང་ཡོངས་སུ་བསྐོར། །བྱང་ཆུབ་སེམས་ཉིད་རྡོ་རྗེ་དབུས་བཞུགས་སོ། །བཅོམ་ལྡན་རྣམ་སྣང་མཛད་པ་རིན་ཆེན་འབྱུང་། །འོད་དཔག་མེད་པ་གདོན་མི་ཟ་བ་ཉིད། །བདེར་གཤེགས་དཔག་མེད
348a5 རྣམས་དང་ལྷན་ཅིག་ཏུ། །རང་སྣང་ཡེ་ཤེས་ཡུམ་དང་གཉིས་མེད་པ། །ཤིན་ཏུ་རྣལ་འབྱོར་རིམ་པ་ཡང་དག་པའོ། །སྐུ་གསུང་ཐུགས་ཀྱི་རྡོ་རྗེས་བྱིན་རླབས་པ། །དམ་ཚིག་པ་དང་ཡེ་ཤེས་སེམས་དཔའ་ཆེ། །ནུས་པ་བརྟན་དང་དབང་བསྐུར
348a6 རྒྱས་གདབ་པའོ། །ཏིང་འཛིན་སེམས་དཔའ་ཐུགས་ཀར་ངེས་གནས་པ། །རྣལ་འབྱོར་ཆེན་པོ་ཡི་ནི་མགོན་པོ་མཆོག་།རིག་པ་ཆེན་པོའི་སྐྱེས་བུ་དེ་བཞིན་གཤེགས། །ཐབས་དང་ཤེས་རབ་གཉིས་མེད་བཞུགས་པའོ། །དེ་བཞིན
348a7 གཤེགས་པ་དཔག་མེད་འདུས་པའི་དུས། །འཁོར་གྱི་དཀྱིལ་འཁོར་དཔག་མེད་བརྗོད་མི་ལང་། །རྡོ་རྗེ་རིན་ཆེན་པདྨ་སྤྲིན་ཕྲེང་བའི། །མཆོད་པའི་ཚོགས་ཀྱིས་བར་སྣང་གང་བས་མཆོད། །རྡོ་རྗེ་འཆང་ཆེན་དེ་བཞིན་གཤེགས་པ་ལ། །
348a8 དེ་བཞིན་གཤེགས་དང་སེམས་དཔའ་ཐམས་ཅད་ཀྱིས། །ཐུན་མོང་དུ་ནི་གསོལ་བ་བཏབ་གྱུར་པ། །དེ་བཞིན་གཤེགས་པ་ཐམས་ཅད་ཀྱི། །འདུས་པ་གསང་བ་ལས་བྱུང་བ། །རྡོ་རྗེ་སྙིང་པོས་བསྡུས་པ་ཡི། །བཅོམ་ལྡན་སྙིང་པོ
iiif viewer powered by OpenSeadragon
