| e-texts navigator |
| Wylie |
345b1 པས། །ངོ་མཚར་ངེས་ཤེས་སྐྱེས་པ་ཡིས། །རྨད་དུ་གྱུར་པའི་ཏིང་འཛིན་ཐོབ། །རྣམ་པར་གྲོལ་ཐོབ་མཚན་ཉིད་དོ། །ཕྱི་རོལ་གསང་བར་སྨྲ་ལ་སོགས། །མ་དག་དག་པར་འདོད་པ་དང་། །མ་གྲོལ་གྲོལ་འདོད་དགག་པ་དང་། །རང་གར
345b2 འཇུག་པ་དགག་པའི་ཕྱིར། །ཅུང་ཟད་འཇིག་རྟེན་བརྟགས་པ་ལས། །བཟློག་ཕྱིར་ཡེ་ཤེས་ཟབ་མོའི་དོན། །གནས་ལུགས་འཁྲུལ་པ་རྣམ་དག་སྟེ། །དེ་ཉིད་སྙིང་པོ་དགོངས་ཏེ་བཤད། །ལུས་དང་ངག་དང་ཡིད་མེད་པ་དང་། བདག
345b3 མེད་པ་དང་། ཐམས་ཅད་སྟོང་པ་དང་། དག་པ་དང་། འོད་གསལ་བ་ཞེས་བྱ་བ་ལ་སོགས་པའི་རྡོ་རྗེའི་ཚིག་ནི་དགོངས་པ་མ་ཡིན་པས་བཤད་པའོ། །ཆོས་ཐམས་ཅད་ལ་དངོས་པོ་དང་མཚན་མར་འཛིན་པ་དང་། བདག་ཏུ་འཛིན་པ་ལ་དགོངས
345b4 པ་མ་ཡིན་པའི་ཕྱིར་དགོངས་པ་མིན་ཏེ། ཆོས་ཐམས་ཅད་བདག་མེད་པར་སྟོན་ཅིང་སྤྲོས་མེད་དེ་བཞིན་ཉིད་ལས་སྟོང་པ་ཉིད་དུ་སྟེན་པ་དང་། ཆོས་ཐམས་ཅད་ནི་རང་བཞིན་གྱིས་རྣམ་པར་དག་པ་དང་། ལུས་མེད་པ་སྟེ་ཕུང་པོ་དང་ཁམས
345b5 དང་སྐྱེ་མཆེད་མི་དམིགས་པ་དང་། བརྗོད་པ་ལས་འདས་པས་ངག་མེད་པ་དང་། ངོ་བོ་ཉིད་ཀྱིས་སྟོང་པའི་ཕྱིར་ཡིད་མེད་པ་ནི་དགོངས་མིན་དུ་བཤད་པའོ། །ག་པུར་དང་། ཁྲག་ཆེན་པོ་དང་། ཙནྡན་དམར་པོ་དང་རྡོ་རྗེ་དང་། པདྨ་དང་། ཡི་གེ
345b6 དང་། ཕྱག་རྒྱ་ཞེས་བྱ་བ་ལ་སོགས་པ་རྡོ་རྗེའི་ཚིག་རྣམས་ནི་དྲང་བའི་དོན་ཏེ། ག་པུར་ནི་ཁུ་བ་དང་། ཁྲག་ཆེན་པོ་ནི་ཟླ་མཚན་གྱི་ཁྲག་དང་། ཙནྡན་དམར་པོའི་ཁུ་བ་དང་བསྲེས་པ་ནི་ཙནྡན་དམར་པོའི་ཁུ་བའོ། །རྡོ་རྗེ་དང་མཚན་མ་དང་།
345b7 ཐབས་དང་། པདྨ་བྷ་ག་དང་། ཤེས་རབ་དང་། ཡི་གེ་དང་། ཕྱག་རྒྱ་དང་། བཙུན་མོ་རྣམས་དང་ཞེས་བྱ་བ་ལ་སོགས་པ་རྡོ་རྗེའི་ཚིག་རྣམས་ངེས་པའི་དོན་ནོ། །ག་པུར་ནི་དཀྱིལ་འཁོར་ཡིག་འབྲུ་དང་། ཁྲག་ཆེན་པོ་ཉི་མའི་དཀྱིལ་འཁོར་ཡིག
345b8 འབྲུ་དང་། ཙནྡན་དམར་པོ་ནི་པདྨ་དམར་པོ་འདབ་བརྒྱད་ཡིག་འབྲུ་གསུམ་དང་བཅས་པ་དང་། རྡོ་རྗེའི་རྒྱུད་མཚན་མ་ཡབ་དང་། པདྨ་མཚན་མ་སྟེ་ཡུམ་དང་། ཡི་གེ་ནི་སྔགས་ཏེ་ས་བོན་དང་། ཕྱག་རྒྱ་ནི་ཕྱག་མཚན་ཏེ་སྐུ་ཡོངས་སུ་གྲུབ་པ
iiif viewer powered by OpenSeadragon
